مشيت الغرفه خشيت استحميت. وسرحت شعري وطلعت عشان اجيب لي حااجه اكلها لقيتو قاعد في الهول وبيتكلم بتلفون عاينت ليو وتميت باقي طريقي دخلت المطبخ فتحت الثلاجه لقيت ماف اي حاجه ياكلوها مشيت لييو وقفت قصادو وربعت ليو يدي وبقيت اعاين لييوو انتبه لي نزل التلفون وغطا بيدو شكلو ما كان عاوز الزول الفي التلفون دا يسمع كلامنا قال لي خيير في شنو واقفه لي في وشي كدا قلت لييوو اناا جعااانه قال لي هداك المطبخ امشي شوفي ليك حاجه اكليهااا قلت ليوو هو لو كان في كان مشيت جبت وماجيت استشرتك قال لي اها طيب انا مفرروض اعمل شنوو يعني قلت ليو تمش تشوف لي حااجه اكلها قاال لي مافاضي ليك امشي نومي قلت ليوو انت وقت ما قدر تتحمل مسؤليتي جايبني من بيت ابووي لي ابووي عمررو ماخلاني انوم بدون اكل قاال لي زي ما قلتي بيت ابووك ما هناا سمعتي وبعددين ما تنقي لي في الطلاقه دا وتحسيسيني انا ماعاوز اطلقك ؟؟ اصبري علي كم شهر وورقة طلاقك بتصلك واسع ممكن تمش من جمبي عشان انا ما فااضي لييك 😒عاااينت ليوو ومشيت قعدت في الغرفه وانا معا الزهج الحاصل دا جعت زيااده مشيت فتحت الجزلان بتاعو لقيت فيو قروش شلتها منها ولبست توبي وطلعت
كنت قااعد اتونس معاا ريم وانا ماصدقت انو رجعت زي ما كانت جات رهف قالت جعاانه قلت ليها ماعندي ليك شي امشي نومي ورجعت اتونس معا ريم بعد مسافه شفت رهف طالعه الشارع قلت ليهاا ماشه وين عاينت وماردت وفاتت واصلت طرريقه حركتها. دي غاظتني شديد اكتر شي بكرهو اني اتكلم معا زول ومايرد علي قعدت مساافه وانا بتونس معا ريم قريب لي نص ساعه قفلت منها الخط قلت امش اشوف رهف ممكن تكون جاتت فتشت فيها البيت كلو ما لقيتها ولقيت جزلاني قاعد في السرير شكلو شاالت منو قرووش. البت دي شكلهاا ناوويه تجنني معاها كيف يعني تشيل قروش بدون اذني ؟؟ بعد شوويه اتذكرت انها طلعت ليها فتره يااربي بتكوون مشت اهلها ؟؟ ااي طبعاا مجنوونه وبتعملها البيت دي لو ما جابت لي المشاكل اصلا ما بترتاح طلعت سريع وانا بفتش عليهاا ما لقيتها ياربي بتكون مشت وين بالليل دا .ابووي لو عرف بالحصل ما حيخليني حيفتح لي موضوع جديد 😔مشيت دخلت شلت التلفون اتصلت علي ابوها وسلمت عليو كنت عاوز اسال من. رهف اذا عندهم بس هو فاجائني بانو قال عاوز رهف يسلم عليها بقيت سااكت ماعارف،اعمل شنوو يعني هي ماعندهم يااربي اعمل شنوو قلت ليو هي في الحمام بعد تطلع بخليها تتصل عليك قفلت منو الخط وانا ماعارف اعمل شنوو اتصلت ب يوسف صحبي يجيني سرريع يوسف بيتهم كان قريب مننا فجاني بسرعه قال لي في شنوو يا وليد الحصل شنوو قلت ليوو رهف واناا كنت بين غضبان وبين متوتر يحصل ليها شي قال لي مالها قلت ليو طلعت وماعرفتها مشت ويين قاال لي كيف يعني ياوليد تخليها تطلع براها انت جنيت ولا شنوو قلت ليوو ماكنت منتبه ليها قال لي ات ل علي اهلها ممكن تكون هناك قال لي اتصلت وما لقيتها قال لي والحل شنو اسع اللت المكان دا جديد عليها ومابتعرف زول هنااا
