قعدنا انا ويوسف بتونس وناكل قعد حكي لي عن حياتو وعن حبيبتو البحبها وراني صورتهااا كانت حلوه. شديد يااخ ونحنا قاعدين نتونس يوسف بقا سرحان في جه الباب عاينت ليو قلت ليو في شنو هو ما ردت اتلفت علي الجه الهوا مبعاين ليها لقيت وليد ومعااو بت جااين داخلين علي المطعم جوا بي جمبنا وقعدو في الطربيزه المواجه لينا وليد ما انتبه لينا قعد هو والبت وقعدو يتونسو والبت تشيل وتمسك في ايدو وهو زاتو ما كان مقصر بعديها طلبو كم حاجه ياكلو بقيت سرحانه في يوسف الي لسه عينو ما شالها من وليد بعاين ليو بنظرات كلها عتاب قلت ليوو يوسف سرحت ويين قال لي يعني يارهف انتي ما شايفه وليد دا بيعمل في شنوو ناسي انو هو متزوج انا لارم اقوم اتفاهم معاو واخلي يقيف عند حدو عاوز يقوم مسكتو قلت ليو اقعد وما تكبر الموضوع انت عارف وانا عارفه انو وليد بحب بت تانيه وكمان هو اكتر شي بكره في الدنيا دي انا وانا كمان بكرهو وماشغلتي فيو يعمل العاوز يعملو بس اهم شي ورقتي حقت الطلاق تصلني يوسف قال لي رهف انتي جنيتي انتي خلاص بقيتي مرتو حاولي اكسبي لي صفك وبعدين عاوزه الناس تقول عليك شنوو ليك شهر ماتميتي وانتي اطلقتي هل حتعتقدي انو المجتمع السوداني دا حيرحمك من اسالتو ولا حيرحمو ابووك يارهف عليك الله اعقلي نتي لسه بت صغييره علي الطلاق دا وانا بجد زعلان شديد عليك عااينت ليوو وسكت هوو صح كلاموو فعلا انو المراءه المطلقه بتكون مظلومه في المجتمع دا دايما المراءه مظلومه في اي حاجه والراجل هو البمثل دور البري
مشيت انا وريم المطعم وقعدنا نتونس طلبنا اكل اكلناو وبدينا نتونس واتفقت معاها اني الاسبوع الجاي حاجي اطلب يدها من ابووها هي فررحت شديد طلبنا ايسكريم هي بتحب ايسكريم الشكولاته قعدت تاكل فيو بطريقه خلتني اخلي الفي يدي كلو وابقي مركز معاااهاا لحدي ما هي غطت وشها بي يدها وقالت لي ولييد ما تعاين لي كدا بتخجلني قلت ليهاا تخجلي مني انا ونزلت ليها يدها من وشها وطلعت من جيبي خاتم بتاع فضه اول ما شافتو فرحت شديد لبستو ليها في يدها. قاالت لي ولييد ربنا يخليك لي ياارب وبقت تعاين في الخاتم بعد مسافه قالت لي ولييد عاااين مش داك صحبك عاينت ليها بستغراب صحبي منوو ؟؟ قلت ليها وين اشرت لي علي الطاوله الجمبنا لقيتو دا يوسف ومعاو رهف بقيت مصدووم دييل الجابهم هناا شنوو لاا وكماان رهف مبسووطه معاا يوسف مقضياها ضحك وونسه بقيت اعاين ليهم وانا متغاايز منهم بودي كان امشي اقلب الطربيزه في وشهم الاتنين ريم قالت لي البت المعاه دي منوو يا ولييد حبيبتوو ؟؟؟ سكت منها مساافه قااالت لي ماشاء الله والله صحبك طلع بعرف يختار البنات البت حلوووه حلووت شديد تقوول مرسومه رسم ❤️عااينت ليها وتاني رجعت عاينت لي رهف هي اي حلووه واي شي بس انا ما عاوزها انا عااوز ريم ونفسي تطلعي من حياتي يارهف بعديها عاينت لي ريم وبعد تررد قلت ليها ريموو عاررفه البت المعا يوسف دي منوو ؟؟ ظاهر عليها انو مستغربه من سؤالي قالت لي مش حبيبتو ؟؟ قلت ليهاا لا قالت لي طيب منوو سكت مساافه. بعديها قلت ليها دي رهف مرتي يا ريموو.. سكت وبقيت اعاين ليها وانا براقب نظراتها لي الي اتحولت من نظرات شوق وحنيه لي نظره بتاعت غضب وعتاب وحزن عاينت لي وقعدت تبكي قالت لي عشان كداا يا وليد انت وافقت علي انك تعرسها صح البت حلوه واحلي مني كمان عشان كدا ما رفضت انك تعرسها لقيتها فرصه وجات لحدي عندك عاووزه تقووم مسكتها من يدها وقلت ليها والله ياريموو انا مجبوور عليها وصدقيني انا بحبك انتي ومسكت يدها ومشيت بيها لي طربيزت يوسف ورهف قاالت لي فكني بتعمل شنوو يامجنون انت
كنا قاعدين انا ويوسف بنضحك فجاء في زول جا قعد جمبنا اتخلعت وعاينت ليو لقيتو دا وليد والبت واقفه جمبوو انا ويوسف بقينا نعاين ليهم بستغراب وليد قال لينا عندكم مانع نقعد معاكم عاينت ليو وقلت ليو لا ماف مانع وليد عاين لي البت وقال ليها يااروحي تعاالي اقعدي البت قعدت جمبي وهي ظاهر عليها بتبكي يوسف قال لي وليد عااوز شنوو وعاوز تصل لي شنو ؟؟ وليد قال ليوو ماف حاجه ياصحبي بس قلت اجي اتونس معاكم واجي اعرفكم علي بعض يوسف قال ليو متشكرين جدا ماعاوزين نتعرف علي زول وليد كمل كلامو وهو بعاين لي قال لي البت ياريمو دي رهف مرتي وزي ماحكيت ليك انو انا متزوجها عصب عني عاينت ليو (لايعني ضروري في كل قعده وفي كل ونسه تجيب سيرت الموضوع داا. )قلت ليو نظام انا الفرحانه بالزواج منك وليد عاين لي ريم وبعديها قال لي رهف دي ريمو حبيبتي وحتكون خطيبتي ان شاء الله عااينت ليهاا يعني دي الانت مكرهني بيهاا قلت ليها اتشرفنا ياضرتي وقعدت اضحك يووسف قال لي رهف ورح نمش بعد دا الوقت اتاخر وليد قال ليو بدري يايوسف وبعدين ناسي انو دي مرتي يوسف عاين ليوو قال ليو زي ما قلت انك ما معترف بيها مرتك وعاين لي قال لي ورح شكلك نعسانه قلت ليو اي والله وشلت شنطتي وطلعت معاا يوسف الطريق كلو. يووسف سااكت وما اتكلم كلمه وساايق باقصي ماعندو لحدي ما وصلنا البيت نزل وفتح العربيه ونزل لي الاكياس دخلهم لي البيت قلت ليوو اقعد اسوي ليك حاجه تاكلها قال لي لا لا انا مستعجل اقفلي الباب دا عليك كوويس ولو احتجتي اي حاجه دا رقمي اتصلي علي طوالي سجل رقم وطلع انا قفلت الباب ومشيت رتبت الحاجات الجبناها ودخلت استحميت وصليت ورقدت نوومت ماصحيت تاني الا الصباح طلعت عشان اشوف وليد. جا ولا لا لقيتو. في الهول مافيش والباب كان مقفول قلت خلاص انوو ما جا ودخلت المطبخ اتخلعت لقيت ولييد قااعد جوا المطخ صرخت صرخه بسيطه وليد اتلفت قال لي الناس بتقول صباح الخير قلت ليو وريني الخير يجي بي وين وانا اول شي اصبم بيو. قال لي صحي والله كلامك منطقي قلت ليو كدي زح لي عاوزه اسوي شااي مصدعه قال لي ماتسوي شايفاني انا مانعك قلت ليو اي مانعني لو ماطلعت من المطبخ انا ما حاسوي الشاي عاين لي وقال لي بطريقتك والله انا لو ما انتهيت من شغلتي ما حا اطلع عاينت ليو وقعد في الكرسي بقيت منتظراو يطلع قعدت مسافه وانا منتظرا وحلفت ما اتكلم معاو لازم اشوف نهايتو شنو حتي بعد طلاع روح حتي طلع من المطبخ سويت الشاي وشربتوو بي بسكوويت روياااال ياااخ حاااجه كدا ابداع ❤️بعديها مشيت سويت الطبيخ سويت لي كم حله انتهيت منهم بدري مشيت الغرفه لقيت تلفوني. كان بيضرب ديل اهل وليد اتصلو علي كم اتصال شلت التلفون رجعت ليهم سلمت عليهم ام وليد قالت لي الليله عاوزين نجي نتغداء معاكم لو ما مشغوليين قلت ليها طوووالي تشررفو البيت بيتكم قالت لي حنجي نحنا واهلك وماتعبي روحك نحنا حنجيب معانا الغداء. قلت ليها انتو الماتعبو روحكم اسع والله انتهيت من الطبيخ عشان كدا مارديت عليكم❤️قاالت لي ماشاء الله مرراه والنسوان ورا باالجد محمد عرف يختار لي ولدو من االنساء اجملهم 😍(بيني وبين نفسي قلت ليها واختار لي من الرجال اقبحهم واندلهم 😒)قلت ليها تسلمي فصلت منها الخط ومشيت الهوا لقيتو وليد قاعد بيلعب بالتلفون بقي ماعندو شي يقضي بيو وقت بعد التلفزيون الكسرو 😒😒قلت ليوو اهلك جاين يتغدو معاانت الليله حبيت. اوريك بس نزل التلفوون قاال لي بالجد ؟؟؟ قلت ليوو لا بالعمه 😒قال لي رهف انا ما ناقص ظرافتك دي عاينت ليو ومشيت دخلت المطبخ اسوي لي. بسبوسه
كسره:
*حاول بقدر الامكان تخلي روحك بصمه حلوه في حياة كل انسان* ❤
#بتبع
