ﺍﻫﻞ ﻭﻟﻴﺪ ﻣﺎﻗﺼﺮﻭ ﻣﻌﺎﻱ ﺟﺎﺑﻮ ﻟﻲ ﺍﻟﺸﻴﻠﻪ ﻭﻋﻤﻠﻮ ﻟﻲ ﺣﻔﻠﻪ ﺑﺘﺎﻋﺖ ﺣﻨﻪ ﻋﺰﻣﺖ ﺻﺤﺒﺎﺗﻲ ﻓﻲ ﺍﻟﻤﺪﺭﺳﻪ ﻭﻧﺎﺱ ﺟﻴﺮﺍﻧﺎ ﻣﺎﺧﻠﻴﺖ ﺯﻭﻝ ﻣﺎ ﻛﻠﻤﺘﻮ ﺑﺎﻟﻌﺮﺱ ﻭﻟﻴﺪ ﻃﻮﻝ ﺍﻟﻔﺘﺮﻩ ﺩﻱ ﻣﺎ ﻓﻜﺮ ﻳﺘﺼﻞ ﻋﻠﻲ ﻭﺑﻴﻨﻲ ﻭﺑﻴﻨﻜﻢ ﺍﻧﺎ ﺯﺍﺗﻲ ﺻﻮﺗﻮ ﻣﺎ ﻃﺎﻳﻘﺎﻭ ﻻﻧﻮ ﻟﻮ ﺍﺗﺼﻞ ﻛﺎﻥ ﺣﻴﺤﺮﺝ ﺭﻭﺣﻮ ﺳﺎﺍﻱ ﻟﻤﻴﺎﺀ ﻭﺭﻏﺪ ﻛﺘﺮ ﺧﻴﺮﻫﻢ ﻣﺎﻗﺼﺮﻭ ﻣﻌﺎﺍﻱ ﻧﻬﺎﺍﻱ ﺍﻟﻴﻮﻣﻴﻦ ﺍﻟﻔﻀﻠﻮ ﺩﻳﻞ ﻗﻀﻴﻨﺎﻫﻢ ﻓﻲ ﺍﻟﻜﻮﻓﻴﺮ ﺧﻠﻴﺖ ﻭﻟﻴﺪ ﻳﺪﻓﻊ ﻟﻲ ﻭﻟﻲ ﺻﺤﺒﺎﺗﻲ ﺟﻬﺰﺕ ﻟﻴﻬﻢ ﺍﻟﻔﺴﺎﺗﻴﻦ ﻭﺑﺮﺿﻮ ﺩﻱ ﺷﻠﺘﻬﺎ ﻣﻦ ﻗﺮﻭﺵ ﻭﻟﻴﺪ ﺑﻜﻠﻢ ﺍﻣﻮ ﻭﻫﻲ ﺑﺘﻮﺭﻱ ﺑﺎﻟﺤﺎﺟﺎﺕ ﺍﻟﻨﻘﺼﺎﻧﻲ ﻗﺒﻞ ﺍﻟﻌﺮﺱ ﺑﻴﻮﻡ ﺟﺎﻧﻲ ﺍﺗﺼﺎﻝ ﻣﻦ ﺭﻗﻢ ﻏﺮﻳﺐ ﻓﻲ ﺍﻟﺒﺪﺍﻳﻪ ﻣﺎ ﺭﺩﻳﺖ ﺗﺎﻧﻲ ﺭﺟﻊ ﺍﺗﺼﻞ ﻋﻠﻲ ﻛﻢ ﻣﺮﻩ ﻓﻲ ﺍﻟﻨﻬﺎﻳﻪ ﺭﺩﻳﺖ ﻃﻠﻊ ﺻﻮﺕ ﻣﺮﺍ ﻗﺎﻟﺖ ﻟﻲ ﻋﺎﻱ ﺭﻫﻒ ﻗﻠﺖ ﻟﻴﻬﺎ ﺍﻱ ﻣﻨﻮ ﻣﻌﺎﺍﻱ ﻗﺎﺍﻟﺖ ﻟﻲ ﻭﺍﻟﻠﻪ ﺑﺪﻭﻥ ﻟﻒ ﻭﺩﻭﺭﺍﻥ ﻳﺎﺑﺖ ﺍﻟﻨﺎﺍﺱ ﺍﻧﺎ ﺭﻗﻤﻚ ﺩﺍ ﺟﺒﺘﻮ ﺑﺲ ﻣﻦ ﻭﻳﻦ ﻣﺎ ﺗﺴﺎﻟﻴﻨﻲ ﻗﻠﺖ ﻟﻴﻬﺎ ﻃﻴﺐ ﻣﺎ ﺣﺎﺳﺎﻟﻚ ﺑﺲ ﻣﻤﻜﻦ ﺍﻋﺮﻑ ﻋﺎﻭﺯﻩ ﺷﻨﻮﻭ ﻗﺎﻟﺖ ﻟﻲ ﻋﺎﻭﺯﻩ ﻭﻟﻴﺪ ﻃﺒﻌﺎﺍ ﺍﻧﺎ ﺍﺳﺘﻐﺮﺑﺖ ﺷﺪﻳﺪ ﻋﺎﻭﺯﻩ ﻭﻟﻴﺪ ﻛﻴﻒ ؟؟ ﻗﻠﺖ ﻟﻴﻬﺎ ﻃﻴﺐ ﺍﺗﺼﻠﻲ ﻋﻠﻴﻮ ﻓﻲ ﺭﻗﻤﻮ ﻗﺎﻟﺖ ﻟﻲ ﻋﺎﻳﻨﻲ ﻳﺎﺑﺖ ﺍﻟﻨﺎﺱ ﺍﻧﺎ ﻣﺎﻋﺎﻭﺯﻩ ﻣﻌﺎﻙ ﻋﺒﻂ ﻭﻣﻦ ﺍﻻﺧﺮ ﻛﺪﺍ ﺍﻧﺎ ﻭﻭﻟﻴﺪ ﺑﻨﺤﺐ ﺑﻌﺾ ﻟﻴﻨﺎ ﻓﺘﺮﺭﻩ ﻭﻗﺮﺭﻧﺎ ﺍﻧﻮ ﻧﺘﺰﻭﺝ ﻟﻮﻻ ﺍﻧﻚ ﺟﻴﺘﻲ ﺩﺧﻠﺘﻲ ﺣﻴﺎﺗﻨﺎ ﻓﺎﺣﺴﻦ ﺍﻟﺰﻭﺍﺝ ﺩﺍ ﻳﺘﻠﻐﻲ ﻣﻦ ﺑﺪﺭﻱ ﺣﺒﻴﺖ ﺍﻛﻠﻤﻚ ﻋﺸﺎﻥ ﻣﺎ ﻳﻐﺸﻮﻙ ﺳﻜﺖ ﻣﺴﺎﻓﻪ ﻭﻗﻠﺖ ﻟﻴﻬﺎ ﺍﻧﺎ ﻋﺎﺭﻓﻪ ﺍﻧﻮ ﻭﻟﻴﺪ ﺑﺤﺐ ﻭﺍﺣﺪﻩ ﻏﻴﻴﺮﻱ ﻭﻟﻌﻠﻤﻚ ﻳﺎ ﺍﻧﺴﻪ ﺍﻧﺎ ﺍﺧﺮ ﻫﻤﻲ ﻭﻟﻴﺪ ﺣﺒﻴﺒﻚ ﺩﺍ ﺍﻥ ﺷﺎﺀ ﺍﻟﻠﻪ ﻳﺤﺒﻬﻢ ﺩﺳﺘﻪ ﻣﺎﻋﻨﺪﻱ ﻣﻌﺎﻭ ﺩﺧﻞ ﻭﺗﺎﻧﻲ ﺣﺎﺟﻪ ﺷﻜﻠﻚ ﺍﻧﺘﻲ ﻣﺎ ﻋﺎﺭﻓﻬﺎ ﺍﻧﺎ ﺍﻟﺰﻭﺍﺝ ﺩﺍ ﻣﺎ ﺑﻘﺪﺭ ﺍﻟﻐﻴﻮ ﻻﻧﻮ ﺍﻧﺎ ﻭﻟﻴﺪ ﺧﻼﺹ ﻋﻘﺪﻭ ﻋﻠﻴﻨﺎ ( ﻫﻲ ﺷﻜﻠﻬﺎ ﻣﺎ ﻛﺎﻧﺖ ﻋﺎﺭﻓﻪ ﺑﺎﻟﻤﻌﻠﻮﻣﻪ ﺩﻱ ﻭﻟﻴﺪ ﺷﻜﻠﻮ ﻓﻬﻤﻬﺎ ﺍﻧﻮ ﻟﺴﻪ ﻣﺎﻋﻘﺪﻭ ) ﻗﺎﻟﺖ ﻟﻲ ﻛﻴﻒ ﻳﻌﻨﻲ ﻳﻌﻘﺪ ﻋﻠﻴﻚ ﻗﻠﺖ ﻟﻴﻬﺎ ﻋﺎﺩﻱ ﺯﻱ ﻣﺎﺑﻌﻘﺪﻭ ﺍﻱ ﺍﺗﻨﻴﻦ ﻋﺎﻭﺯﻳﻦ ﻳﺘﺰﻭﺟﻮ ﺳﻜﺘﺖ ﻣﺴﺎﻓﻪ ﻭﻇﺎﻫﺮ ﻋﻠﻴﻬﺎ ﻛﻼﻣﻲ ﺍﻻﺧﻴﺮ ﺧﻼﻫﺎ ﺗﺒﻘﻲ ﻏﻀﺒﺎﺍﻧﻪ ﺷﺪﻳﺪ ﺑﻌﺪﻳﻬﺎ ﻗﺎﻟﺖ ﻟﻲ ﻭﻗﺖ ﺍﻧﺘﻲ ﻣﺎ ﺑﺘﺤﺒﻲ ﻃﻠﻘﻲ ﻗﻠﺖ ﻟﻴﻬﺎ ﺍﻻ ﺍﻟﺨﻄﻮﻭﻩ ﺩﻱ ﻳﺎﺣﻠﻮﻭﻩ ﻣﺎ ﺍﻇﻦ ﺗﺤﺼﻞ ﺍﻭ ﺗﺠﻲ ﻣﻨﻲ ﻟﻮ ﺑﺎﻟﺠﺪ ﻋﺎﻭﺯﺍﻩ . ﻭﻫﻮ ﺑﺤﺒﻚ ﺍﻣﺸﻲ ﺍﻗﻨﻌﻴﻮ ﺍﻧﻮﻭ ﻳﻄﻠﻘﻨﻲ ﻭﺗﺎﻧﻲ ﻳﺎﺑﻴﺐ ﻣﺎﺗﺘﺼﻠﻲ ﻋﻠﻲ ﻓﻲ ﺍﻟﺮﻗﻢ ﺩﺍ ﻓﺼﻠﺖ ﻣﻨﻬﺎ ﺍﻟﺨﻂ ﻭﺍﻧﺎﺍ ﻣﺒﺴﻮﻭﻭﻃﻪ ﺍﻧﻲ ﻋﻜﺮﺕ ﻟﻲ ﻭﻟﻴﺪ ﻣﺰﺍﺟﻮﻭ ﺍﺳﺘﺨﺪﻣﺖ ﺍﻟﺒﺖ ﺩﻱ ﻋﺸﺎﻥ ﺗﻀﻐﻂ ﻋﻠﻴﻮ ﻳﻄﻠﻘﻨﻲ ﻓﺮﺻﻪ ﻭﺟﺎﺕ ﻟﻲ ﻋﻨﺪﻱ ﺍﺧﻠﻴﻬﺎ ؟؟ﻃﺒﻌﺎﺍ ﻻﺍﺍ
ﻳﻼﺍ ﺍﻧﺎﺍ ﻭﻟﻴﻴﺪ ﻭﺯﻱ ﻣﺎﻋﺎﺭﻓﻴﻴﻦ ﺍﻧﺎ ﺍﺑﻮﻭﻱ ﺟﺒﺮﻧﻲ ﻋﻠﻲ ﺍﻟﺰﻭﺍﺝ ﺧﺘﺎﻧﻲ ﻗﺪﺍﻡ ﺍﻻﻣﺮ ﺍﻟﻮﺍﻗﻊ ﻗﺪﺭ ﻣﺎﺣﻨﺴﺘﻮ ﻭﻗﻠﺖ ﻟﻴﻮ ﺍﻧﺎ ﺑﺤﺐ ﻭﺍﺣﺪﻩ ﺗﺎﻧﻴﻪ ﻭﻋﺎﻭﺯ ﺍﺗﺰﻭﺟﻬﺎ ﺍﺑﻮﻱ ﺭﻓﺾ ﻭﻗﺎﻝ ﺍﻻ ﺍﺗﺰﻭﺝ ﺑﺖ ﺻﺤﺒﻮ . ﻭﻫﻲ ﻛﻤﺎﻥ ﺑﺮﺿﻮ ﻃﻠﻊ ﺟﺎﺑﺮﻧﻬﺎ ﻋﻠﻲ ﺍﻟﻌﺮﺱ ﺍﺧﺮ ﻣﺮﻩ ﺷﻔﺘﻬﺎ ﻛﺎﻥ ﻭﻗﺖ ﺍﻟﻜﻮﻓﻴﺮ ﻭﺗﺎﻧﻲ ﻣﺎﺷﻔﺘﻬﺎ ( ﻣﺎﻛﻨﺖ ﻧﺎﻗﺼﻬﺎ ﺑﺖ ﻟﺴﺎﻧﻬﺎ ﻃﻮﻳﻞ ﺗﻘﻮﻝ ﻣﺘﺒﺮﻱ ﻣﻨﻬﺎﺍ ) ﺑﻘﻴﺖ ﺑﺲ ﺑﺮﺳﻞ ﻟﻴﻬﺎ ﺍﻟﻘﺮﻭﺵ ﻋﺸﺎﻥ ﺗﺘﻢ ﺍﻟﺤﺎﺟﺎﺕ ﺍﻟﻨﺎﻗﺼﺎﻫﺎﺍ ﺍﺻﺤﺎﺍﺑﻲ ﺍﺻﺮﻭ ﻋﻠﻲ ﺍﻻ ﺍﻋﻤﻞ ﺍﻟﻌﺮﺱ ﺑﺲ ﺍﻧﺎ ﺭﻓﻀﺖ ﺍﻧﺎ ﻋﻦ ﻧﻔﺴﻲ ﺍﻟﻌﺮﺱ ﺩﺍ ﻣﺎﻣﻌﺘﺮﻑ ﺑﻴﻮ ﻭﻣﺎﻋﺎﻭﺯ ﺍﻋﻤﻞ ﺍﻱ ﺣﻔﻠﻪ ﺑﺲ ﻃﺒﻌﺎﺍ ﺍﺑﻮﻭﻭﻱ ﻗﺎﻝ ﻻﺯﻡ ﻳﺴﻮ ﺍﻟﺤﻔﻠﻪ ﻣﺎﻛﺎﻥ ﻋﻨﺪﻱ ﺣﻞ ﻏﻴﺮ ﺍﻧﻲ ﺍﺳﻤﻊ ﻛﻼﻣﻮ ﻭﺍﻋﻤﻠﻬﺎ ﺍﺳﺒﻮﻉ ﻛﺎﻣﻞ ﺍﺻﺤﺎﺑﻲ ﺷﻐﺎﻟﻴﻦ ﺣﻔﻼﺕ ﻣﺎﻋﻨﺪﻫﻢ ﻣﻮﺿﻮﻉ ﻭﺍﻟﻌﺮﺱ ﺩﺍ ﺷﻜﻠﻮ ﺟﺎﺏ ﻟﻴﻬﻢ ﻣﻮﺿﻮﻉ ﻗﺒﻞ ﺍﻟﻌﺮﺱ ﺑﻴﻮﻡ ﺍﺗﺼﺼﻠﺖ ﻋﻠﻲ ﺭﻳﻢ ﺣﺒﻴﺒﺘﻲ ﺭﺩﻳﺖ ﻋﻠﻴﻬﺎ ﺑﺲ ﻇﺎﻫﺮ ﻋﻠﻴﻬﺎ ﻛﺎﻥ ﻣﻌﺼﺒﻪ ﺷﺪﻳﺪ ﻭﻣﻦ ﻛﻼﻣﻬﺎ ﻓﻬﻤﺖ ﺍﻧﻮ ﻫﻲ ﺍﺗﺼﻠﺖ ﻋﻠﻲ ﺭﻫﻒ ﻗﻠﺖ ﻟﻴﻬﺎ ﺟﺒﺘﻲ ﺭﻗﻤﻬﺎ ﻣﻦ ﻭﻳﻦ ﻗﺎﻟﺖ ﻟﻲ ﻣﺎﺩﺧﻠﻚ ﺟﺒﺘﻮ ﻣﻦ ﻭﻳﻦ ﺍﻧﺎ ﺣﺎﻟﻴﺎ ﻋﺎﻭﺯﻩ ﺍﻋﺮﻑ ﻫﻞ ﺍﻧﺖ ﺻﺤﻲ ﻋﻘﺪﺕ ﻋﻠﻴﻬﺎﺍ ؟؟ﺻﺪﻣﺘﻨﻲ ﺷﺪﻳﺪ ﻭﻛﺮﺭﻫﺖ ﺍﻟﻴﻮﻡ ﺍﻟﻌﻘﺪﺕ ﻓﻴﻮ ﻋﻠﻲ ﺍﻟﺒﺖ ﺩﻳﻚ ﺍﻧﺎ ﻣﺎﻛﻠﻤﺖ ﺭﻳﻢ ﻋﺸﺎﻥ ﻋﺎﺭﻑ ﺍﻧﻬﺎ ﺣﺘﺰﻋﻞ ﻭﻓﻌﻼﺍ ﺩﺍﺍ ﺍﻟﺤﺼﻞ ﻗﻠﺖ ﻟﻴﻬﺎ ﺭﻳﻤﻮﻭ ﻳﺎﻗﻠﺒﻲ ﻣﻤﻜﻦ ﺗﻬﺪﻱ ﺷﻮﻭﻭﻳﻪ ﻗﺎﺍﻝ ﻟﻲ ﻣﺎ ﺣﺎﻫﺪﺍ ﻟﻮ ﻣﺎﻭﺭﺗﻨﻲ ﺍﻟﻜﻼﻡ ﺍﻟﻘﺎﻟﺘﻮ ﺩﺍ ﺻﺎﺍﺡ ﻭﻻ ﻏﻠﻂ ﺑﻌﺪ ﺳﻜﺖ ﻣﺴﺎﻓﻪ ﻗﻠﺖ ﻟﻴﻬﺎ ﺍﻱ ﺻﺎﺍﺍﺡ ﻗﺎﻟﺖ ﻟﻲ ﻃﻴﺐ ﺑﺘﻐﺶ ﻓﻴﻨﻲ ﻟﻲ ﺍﻧﺖ ﻣﻔﺘﻜﺮﻧﻲ ﻟﻌﺒﻪ ﻋﺸﺎﻧﻦ ﺗﻠﻌﺐ ﺑﻴﻬﺎ ﻟﻮ ﻣﺎﻛﻨﺖ ﻋﺎﻭﺯﻧﻲ ﻛﺎﻥ ﺗﻮﺭﻳﻨﻲ ﻣﻦ ﺍﻟﺒﺪﺍﻳﻪ ﻛﻞ ﻣﺮﻩ ﺗﻘﻮﻝ ﻟﻲ ﺍﻧﺎ ﻏﻴﺮ ﺍﻭﻻﺩ ﺍﻟﺰﻣﻦ ﺩﻳﻞ ﻭﺍﻧﺎ ﺟﺎﺩﻱ ﻣﻌﺎﻙ ﻭﺍﻧﺎ ﺍﻟﻬﺒﻠﻪ ﺻﺪﻗﺘﻚ ﺍﻓﺘﻜﺮﺗﻚ ﺣﺘﻜﻮﻥ ﺍﺣﺴﻦ ﻣﻨﻬﻢ ﺑﺲ ﺑﺎﻟﻌﻜﺲ ﻃﻠﻌﺖ ﺍﻋﻔﻦ ﻣﻨﻬﻢ ﻭﻗﻔﻠﺖ ﻓﻴﻨﻲ ﺍﻟﺨﻂ ﺍﺗﺼﻠﺖ ﻋﻠﻴﻬﺎ ﻛﺘﻴﻴﺮ ﻣﺎﺭﺩﺕ ﻋﻠﻲ ﺍﻛﺘﻔﺖ ﺑﺎﻧﻬﺎ ﺗﻔﺼﻞ ﺍﻟﺨﻂ ﻓﻴﻨﻲ ﺷﻠﺖ ﺍﻗﺮﺏ ﺻﺤﻦ ﺟﻤﺒﻲ ﻭﺭﻣﻴﺘﻮ ﻓﻲ ﺍﻻﺭﺽ ﻛﺎﺍﻥ ﻋﻨﺪﻱ ﻃﺎﻗﻪ ﻣﻦ ﺍﻟﻐﻀﺐ ﻛﺎﻥ ﻻﺯﻡ ﺍﻃﻠﻌﻬﺎ ﻓﻲ ﺍﻱ ﺣﺎﺍﺟﻪ ﺭﺟﻌﺖ ﺗﺎﻧﻲ ﺭﺳﻠﺖ ﻟﻴﻬﺎ ﺭﺳﺎﻳﻞ ﻛﺘﺘﻴﺮﺍ ﻭﺍﻋﺘﺬﺭﺕ ﻣﻨﻬﺎ ﺍﻧﺎ ﻓﻀﻠﺖ ﻗﺮﻳﺐ ﺍﻟﺴﺎﻋﺘﻴﻦ ﺍﻧﺎ ﺑﺘﺼﻞ ﻋﻠﻴﻬﺎ ﻭﺑﺮﺳﻞ ﻟﻴﻬﺎ ﻓﻲ ﺭﺳﺎﻳﻞ ﺣﺘﻲ ﻓﻲ ﺍﻟﻨﻬﺎﻳﻪ ﺭﺩﺕ ﻋﻠﻲ ﻭﺻﻮﺗﻬﺎ ﺷﻜﻠﻮ ﻛﺎﻧﺖ ﺑﺘﺒﻜﻲ ﻗﻠﺖ ﻟﻴﻬﺎ ﺭﻳﻤﻮﻭ ﻋﻠﻴﻚ ﺍﻟﻠﻪ ﺍﻓﻬﻤﻲ ﻭﺿﻌﻲ ﺍﻧﺎ ﻭﺍﻟﻠﻪ ﻣﺠﺒﻮﺭ ﻋﻠﻲ ﺍﻟﺠﻮﺍﺯ ﺩﺍ ﺯﻱ ﻣﺎﻭﺭﻳﺘﻚ ﻗﺎﻟﺖ ﻟﻲ ﻭﻫﻲ ﺑﺘﺒﻜﻲ ﻟﻜﻦ ﻣﺎﻭﺭﻳﺘﻨﻲ ﺍﻧﻚ ﻋﻘﺪﺕ ﻋﻠﻴﻬﺎ ﻗﻠﺖ ﻟﻴﻬﺎ ﺭﻳﻤﻮﻭ ﻭﺍﻟﻠﻪ ﺍﻟﻌﻈﻴﻢ ﻣﺎﻗﻠﺖ ﻟﻴﻚ ﻋﺸﺎﻥ ﻣﺎ ﺗﺰﻋﻠﻲ ﻣﻨﻲ ﻗﺎﻟﺖ ﻟﻲ ﺑﺲ ﺍﻧﺎ ﻛﺪﺍﺍ ﺯﻋﻠﺖ ﻗﻠﺖ ﻟﻴﻬﺎﺍ ﺭﻳﻤﻮ ﻟﻚ ﺍﻟﻌﺘﺒﻪ ﺣﺘﻲ ﺗﺮﺿﻲ ﻗﻮﻟﻲ ﻋﺎﻭﺯﺍﻧﻲ ﺍﻋﻤﻞ ﺷﻨﻮ ﻋﺸﺎﻥ ﺗﺮﺿﻲ ﺳﻜﺘﺖ ﻣﺴﺎﻓﻪ ﺑﻌﺪﻳﻬﺎ ﻗﺎﻟﺖ ﻟﻲ ﺣﺘﻨﻔﺰ ﻟﻲ ﻃﻠﺒﻲ ﻗﻠﺖ ﻟﻴﻬﺎ ﺑﺴﺮﻋﻪ ﺍﻛﻴﺪ ﺑﺲ ﺍﻧﺘﻲ ﺍﻃﻠﺒﻲ . ﻭﻗﻠﺒﻲ ﺣﻴﻘﻮﻝ ﻟﻴﻚ ﺣﺎﺿﺮ . ﻗﺎﻟﺖ ﻟﻲ ﻃﻠﻖ ﺭﻫﻒ . ﻳﺎ ﻭﻟﻴﺪ ﺳﻜﺖ ﻣﻨﻬﺎ ﻣﺴﺎﺍﻓﻪ ﻗﻠﺖ ﻟﻴﻬﺎ . ﺭﻳﻤﻮ ﺍﻧﺘﻲ ﻗﺎﻳﻼﻧﻲ ﻋﺎﺟﺒﻨﻲ ﺍﻟﻮﺿﻊ ﻣﻌﺎﻫﺎ ﻟﻮ ﻋﻠﻲ ﻛﺎﻥ ﻃﻠﻘﺘﻬﺎ ﻓﻲ ﻳﻮﻣﻬﺎ ﺳﻜﺘﺖ ﻣﺴﺎﻓﻪ ﻭﻗﺎﻟﺖ ﻟﻲ ﺩﺍ ﻃﻠﺒﻲ ﻳﺎﻭﻟﻴﺪ ﻋﺎﻭﺯ ﺗﻔﺰﻭ ﺍﻭﻛﻲ ﻣﺎﻋﺎﻭﺯ ﺗﻨﻔﺰﻭ ﺍﻧﺴﺎﻧﻲ ﺧﺎﺍﻟﺺ ﻗﻠﺖ ﻟﻴﻬﺎ ﺭﻳﻤﻮ ﻃﻴﺐ ﺧﻠﻲ ﺍﻟﻌﺮﺱ ﺩﺍ ﻳﻨﺘﻬﻲ ﻭﻳﻤﺮ ﺳﻬﺮ ﺷﻬﺮﻳﻦ ﺑﻄﻠﻘﻬﺎ ﻗﺎﻟﺖ ﻟﻲ ﻭﻛﻤﺎﻥ ﻋﺎﻣﻞ ﻟﻴﻬﺎ ﻋﺮﺱ ﻗﻠﺖ ﻟﻴﻬﺎ ﺩﺍ ﺍﺑﻮﻱ . ﺍﺻﺮ ﻋﻠﻲ ﻛﺪﺍ ﻗﺎﻟﺖ ﻟﻲ ﻫﻮ ﺍﻟﻌﺮﺱ ﻣﺘﻴﻦ ﻗﻠﺖ ﻟﻴﻬﺎ ﺑﻜﺮﺍ ﺳﻜﺘﺖ ﻣﺴﺎﻓﻪ ﻗﺎﻟﺖ ﻟﻲ ﻟﻮ ﺑﺎﻟﺠﺪ ﺑﺘﺤﺒﻬﺎ ﺑﻜﺮﺍ ﻣﺎ ﺗﻤﺶ ﺍﻟﻌﺮﺱ ﻭﻓﺼﻠﺖ ﺍﻟﺨﻂ ﻓﻴﻨﻲ ﻗﻌﺪﺕ ﺍﻓﻜﺮ ﻃﻮﻝ ﺍﻟﻠﻴﻞ ﺑﺲ ﻓﻲ ﺍﻟﻨﻬﺎﻳﻪ ﻗﺮﺭﺕ ﺍﻧﻲ ﻣﺎ ﺣﺎﻣﺶ ﻣﺎ ﻣﻤﻜﻦ ﺍﺧﻠﻲ ﺭﻳﻢ ﺗﺰﻋﻞ ﻣﻨﻲ
ﻃﺒﻌﺎﺍ ﻟﻤﻴﺎﺍﺀ ﻭﺭﻏﺪ ﺟﻮﻭﻧﻲ ﻣﻦ ﺍﻟﺼﺒﺎﺡ ﻣﺸﻮ ﻣﻌﺎﺍﻱ ﺍﻟﻜﻮﻓﻴﺮ ﺭﺳﻤﻮ ﻟﻲ ﻭﻧﻈﻔﻮ ﻟﻲ ﻭﺷﻲ ﻗﻌﺪﻧﺎ ﺍﻟﻴﻮﻡ ﻛﻠﻮ ﻧﺤﻨﺎ ﺑﻨﺠﻬﺰ ﻓﻲ ﺭﻭﺣﻨﺎ ﻟﻤﻴﺎﺀ ﻗﺎﻟﺖ ﻟﻲ ﻳﺎ ﺭﻫﻒ ﺍﻧﺘﻲ ﺍﻟﺤﻴﺠﻲ ﻣﻌﺎ ﻭﻟﻴﺪ ﻣﻨﻮ ﻗﻠﺖ ﻟﻴﻬﺎ ﻭﺍﻟﻠﻪ ﻣﺎﻋﺎﺭﻓﻪ ﺑﺲ ﺍﻛﻴﺪ ﺣﻴﺠﻮ ﻣﻌﺎﻫﻮ ﺍﺻﺤﺎﺑﻮ ﻗﺎﺍﻟﺖ ﻟﻲ ﻻﺯﻡ ﺗﻄﻠﻌﻲ ﺣﻠﻮ ﻋﺸﺎﻥ ﻭﻟﻴﺪ ﻣﺎﻳﺘﻌﺮﻑ ﻋﻠﻴﻚ ﻭﻋﻴﻨﻮ ﻣﺎ ﻳﺰﺣﻬﺎ ﻣﻨﻚ ﻋﺎﻳﻨﺖ ﻟﻴﻬﺎ ﻭﺳﻜﺖ ( ﻛﺎﻥ ﺍﺧﺮ ﻫﻤﻲ ﺍﻧﻮ ﻭﻟﻴﺪ ﻳﻌﺠﺐ ﺑﻤﻨﻈﺮﻱ ) ﻗﺎﻟﺖ ﻟﻲ ﻃﺒﻌﺎ ﻳﺎ ﺭﻫﻒ ﺍﻧﺎ ﻭﺭﻏﺪ ﺟﻬﺰﻧﺎ ﻟﻴﻬﻢ ﺍﺳﺘﻘﺒﺎﻝ ﺟﻤﻴﻞ ﻣﺎ ﺣﻨﺨﻠﻲ ﻳﺠﻲ ﻳﺸﻮﻓﻚ ﺑﺎﻟﺴﺎﻫﻞ ﻛﺪﺍ ﻗﻠﺖ ﻟﻴﻬﻢ ﻳﺎﺥ ﺑﻄﻠﻮ ﺍﻟﻬﺒﻞ ﺍﺳﺘﻘﺒﺎﻝ ﺷﻨﻮ ﻛﻤﺎﻥ ﻋﺪﻭ ﺍﻟﻠﻴﻠﻪ ﺩﻱ ﻋﻠﻲ ﺧﻴﺮ ﻋﻠﻴﻜﻢ ﺍﻟﻠﻪ ﻟﻤﻴﺎﺀ ﻗﺎﻟﺖ ﻟﻲ ﻳﺎﺯﻭﻟﻪ ﻧﺤﻨﺎ ﻣﺎ ﺣﻨﺴﺘﺸﻴﺮﻙ ﻧﺤﻨﺎ ﺣﻨﻌﻤﻞ ﺍﺳﺘﻘﺒﺎﻝ . ﻭﻣﺎﺣﻨﻌﺪﻱ ﺍﻟﻠﻴﻠﻪ ﻋﻠﻲ ﺧﻴﺮ ﻻﺯﻡ ﻳﺎﺍﺭﻫﻒ ﻧﻜﻮﻭﺭﻙ ﻓﻲ ﺍﻟﺸﺮﻉ ﻭﻧﺤﻨﺎ ﺭﺍﻛﺒﻴﻦ ﺍﻟﻌﺮﺑﺎﺕ ﻋﺸﺎﻥ ﺍﻟﻨﺎﺱ ﺩﻱ ﻛﻠﻬﺎ ﺗﻌﺮﻑ . ﺍﻧﻚ ﺑﻘﻴﺘﻲ ﻣﺮﺕ ﻭﻟﻴﺪ ﻣﺶ ﻛﺪﺍ ﻳﺎﺭﻏﺪ ﺭﻏﺪ ﻧﻄﺖ ﻭﻗﺎﻟﺖ ﻟﻴﻬﺎﺍ ﺍﻛﻴﺪ ﻃﺒﻌﺎﺍ ﻋﺎﻳﻨﺖ ﻟﻴﻬﻢ ﻭﺳﻜﺖ ﺍﻟﻤﻐﺮﺏ ﺍﺫﻥ ﺻﻠﻴﺖ ﻭﻗﻌﺪﺕ ﻟﻲ ﺳﺖ ﺍﻟﻜﻮﻓﻴﺮ ﺗﻤﻜﻴﺠﻨﺎ ﻭﺗﺴﺮﺣﻨﺎ ﺑﻌﺪ ﺍﻧﺘﻬﻴﺖ ﺟﺎﺑﻮ ﻟﻲ ﺍﻟﻔﺴﺘﺎﻥ ﻟﺒﺴﺘﻮ ﻟﻤﻴﺎﺀ ﻭﺭﻏﺪ ﻗﺎﺍﻟﻮ ﻟﻲ ﻭﻭﻭﺍﻭ ﻭﺍﻭ ﻳﺎﺭﻫﻒ ﻣﺎ ﺍﺗﻌﺮﻓﻨﺎ ﺍﻟﻔﺴﺘﺎﻥ ﺣﻠﻮﻭ ﻣﻌﺎﻙ ﺷﺪﻳﺪ ﻻ ﺑﺎﻟﺠﺪ ﺍﻧﺘﻲ ﺍﺣﻠﻲ ﻋﺮﻭﺱ ﻭﺑﺪﻭ ﻳﺼﻮﺭﻭ ﻓﻴﻨﻲ ﺑﻌﺪﻳﻬﺎ ﻗﻌﺪﻧﺎ ﻣﺴﺎﺍﻓﻪ ﻭﻭﻟﻴﺪ ﻣﺎ ﺟﺎ ﺍﻟﻮﻗﺖ ﺍﺗﺎﺧﺮ ﺭﻏﺪ ﻗﺎﻟﺖ ﻟﻲ ﻳﺎ ﺭﻫﻒ ﺍﺗﺼﻠﻲ ﻋﻠﻲ ﻭﻟﻴﺪ ﺷﻮﻓﻲ ﻭﻳﻦ ﻻﻧﻮ ﺍﺗﺎﺧﺮ ﻣﺎﻋﺮﻓﺖ ﺍﻗﻮﻝ ﻟﻴﻬﺎ ﺷﻨﻮ ﺍﻧﺎ ﻭﻟﻴﺪ ﺭﻗﻤﻮ ﻣﺎﺣﺎﻓﻈﺎﻭ . ﻗﻠﺖ ﻟﻴﻬﺎ ﻳﺎﺑﺖ ﻣﺎﺗﺴﺘﻌﺠﻠﻲ ﺍﺳﻊ ﺑﺠﻲ ﺑﺲ ﺑﻴﻜﻮﻥ ﻓﻲ ﺯﺣﻤﻪ ﻗﺒﻞ ﺷﻮﻳﻪ ﻛﺎﻥ ﺑﺘﻜﻠﻢ ﻣﻌﺎﻱ ﻭﻗﺎﻝ ﻟﻲ ﻛﺪﺍ ﻋﺎﻳﻨﺖ ﻟﻲ ﻭﺭﺟﻌﺖ ﺗﺘﺼﻮﺭ ﻫﻲ . ﻭﻟﻤﻴﺎﺀ
ﻛﺴﺮﻩ : ﺭﺍﻳﻜﻢ ﻓﻲ ﺍﻟﺤﻠﻘﻪ ﺩﻱ ﺷﻨﻮﻭ ؟؟
ﺭﺳﺎﻟﺔ ﻟﻚ :
ﻛﻦ ﻗﻮﻳﺎً ﻷﻥ ﺍﻟﻠﻪ ﻣﻌﻚ، ﻏﻨﻴﺎً ﻷﻥ ﺍﻟﻠﻪ ﺭﺍﺯﻗﻚ ، ﻣُﻨﺸﺮﺡ ﺍﻟﺼﺪﺭ ﻷﻥ ﺍﻟﻠﻪ ﻭﻟﻴﻚ ،ﻓﻼ ﺗﻬﺘﻢ ﻭﻻ ﺗﻐﺘﻢ ﻭﻻ ﺗﺤﺰﻥ ﻭﺍﻋﻠﻢ ﺃﻥ ﻛﻞ ﺣﺰﻥٍ ﺳﻴﺰﻭﻝ ﻭﻛﻞ ﺿﻴﻖ ﺳﻴﻨﺠﻠﻲ، ﺛِﻖ ﺑﺎﻟﻠﻪ ﺩﺍﺋﻤﺎً ﻓﻬﻮ ﻣﻌﻚّ ﺃﻳﻨﻤﺎ ﺗﻜﻮﻥ ❤
#وظننته5 بقلم لينا عبدالوهاب
