كنت قااعده في غرفتي بقرا في قران وليد دقه لي الباب قلت ليو اتفضل دخل قال لي قومي اجهزي عاينت ليو وانا مستغربه امش وين قلت ليو عاوز توديني اهلي عايين لي قال لي. اليوم دا قريب ان شاء الله بس اسع قومي اجهزي يوسف صحبي جاي يوسقك السوق عشان تجيبي حاجات البيت قلت ليو. ولي امش انا انت قااعد تعمل في شنووو قاال لي عاايني كلام كتير ما تكتري وانا ما حامش السوق اجيب لي شي لو جعانه وعاوزه تاكلي قومي امشي معاو اما لو ما عاوزه فدي حااجه بترجع ليك لكن لعلمك ما تجي تساليني عن الاكل شنو ولا حتي تفكري تطلعي من البيت فهمتي ومشا طلع بدون ما يخليني اتم معاو كلامي تميت قرايتي بتاعت القران ومشيت جهزت هدومي واستحميت طلعت الصاله لقيت وليد بتكلم بالتلفون مشيت قعدت في الكنبه وبقيت منتظراو يخلص مكالمتوو عشان يتصل علي صحبو شكلو كان بتكلم معا حبيبتو لانو قال ليها وانا زاتي مشتاق ليك ياقلبي عشان كدا لازم ياريموو تشوفي اي طريقه وتجي نتقابل في المطعم عاينت ليوو (ولا حتي محترم فكره القاعده جمبوو دي مرتوو اي فعلا ماف واحد عندو لي التاني حاجه بس كمان برضو من باب الاحترام )شغلت التلفزيون وقعدت احضر هو شكلو انزعج من صوت التلفزيون قال يااخ ما تقفلي الشي داا عاينت ليو وما رديت وعليت الصوت زياده قفل التلفوون وقاال لي انتي بتعاندي فيني ولا شنووو ما تخليني اطلع من طووري قوومي غووري من وشي عاينت ليو وقلت ليوو فاعده احضر لو ازعجت امش اطلع اتكلم برا
كنت قااعد اتكلم بالتلفون معا ريم لحدي ما جات رهف وقعدت جمبي اتقصدت اني اقول لي ريم اني مشتاق ليك عشان هي تفهم انا قاعد احب في واحده وهي خاربه لي حيااتي. بعد شويه فتحت التلفزيوون وانا بقيت ما سامع ريم بتقول في قلت ليها وطي الصوت بس هي علتو اناا هناا حررفيياات لو ما استهديت بالله كنت ارتكبت جريمه فيها بس كويس جات في التلفزيون شلت اقرب حاجه قدامي وفنيت بيوو التلفززيون هي شكلها اتخلعت من ردت فعلي ما اتوقعت مني ااعمل كداا بقت تعااين لي كانوو الواقف قدامها دا وحش ما وليد بس من حقهاا لاني انا زاتي ماعرفت روحي انفعلت فيها شديد ما خليت شي وما كسرتو وهي غمضت عيوونا وقعدت تبكي بعديها طوالي جرت ومشت غرفتها
منظرر وليد دا خوفني منوو شديد قلت اكييد. حيعمل فيني حاجه الموضوع دا ما كان مشتاهل الجوووطه دي كلهاا مشيت غرفيي وقفلتها علي ورقعدت في السرير واناا ببكي قعدت نص ساعه وانا في الحاله دي كنت ناويه اتصل بامي وابوي اوريهم بالحصل بس اتذكرت وصيه ابووي وقت قال لي لي رهف اي مشكله بتحصل بينك وين راجلك خليها بينكم ماتحاولي تطلعيها من بيتكم فضلت اسكت واناا خلاص راسي عااوز ينفجر من الصداعه شويه والباب دقه ما ديت عليو قال لي رهف يوسف منتظرك اطلعي قلت ليو ما طالعه من مكاني دا وخليني ان شاء الله امووت بالجووع مش دا الانت عااوزو قال لي بطلي الهبل البتعملي فيوو داا واطلعي يااارهف قلت ليو. ماطالعه ياوليد ما طالعه واعلي ما في خيلك اركبووو سمعتوو ضرب الباب برجلوو شكلو كلامي غااظوو اكترر
بعد الكلام الحصل بيني وبين رهف قعدت في الكنبه زي نص ساعه شوويه كدا يوسف اتصل علي قال لي انا برا الباب افتحوو مشيت فتحت ليو الباب اول ما دخل الهول بقاا يعااين لي وظاهر عليو مستغرب قال لي دا شنوو ياوليد ؟؟ الحصل شنووو ؟؟ ماتكون عملت لي بت الناس شي ؟؟ عاينت ليو قلت ليو ابدا ما عملت ليها شي قال لي طيب فسر اي الحاصل دا شنوو قلت ليوو اقعد وبحكي ليك اي جاحه دخلت جوا ومشيت جبت ليو مويه وحكيت ليو بالحصل يوسف قال لي دااا شنوو الانت عملتو. دا البت ذنبها شنوو. معااك كان علي الاقل تتكلم معاها باسلوب احسن قلت ليوو يووسف اتكلم معاها باسلوب احسن من دا ؟؟قال لي اسع انت شاايف دا اسلوب كويس ياوليد قلت ليوو اي داا احسن اسلوب عندي لو ماعاجبها اسلوبي تمش بيت ابووها يووسف ملامحو اغيرت لي غضب قاال لي كيف يعني تمش لي ابووها وليد انت قاايل البت مبسوطه بالعيشه معااك اكيد حتكون ما مبسوطه بس استحاله ترجع لي ابووها وهي لسه شهرين ما تمتهم عااوزها تقول لي ابوها شنوو؟؟؟ عاينت ليوو وشكلت تلفوني قال لي الكلام معاك ما حيجيب فايده ياوليد اسع امش ناديها عشان نمش مشيت ليها بس هي رفضت تجي معاي. رجعت الهول وانا ما عارف اقول لي يوسف شنوو رهف دخلتني في فتيل ضيق معا صحبي يعني هو جاي عشان خاطرها تجي تقول لي. ماعوزه تمش دخلت لي يوسف ووريتو هي قالت شنوو قال لي دا المتوقع بعد العملتو فيها دا قلت ليوو يااخ ما تكرهني انت التاني الموضوع ما محتااج منك الهيجه دي كلها وهي براها مكبره الموضوع يوسف عاين لي وسكت مسافه بعديها قال لي ممكن امش اتكلم معاها استغربت من كلامو بس في النهايه قلت ليو اتفضل بس صدقني حتحرجك قال لي لو رفضت يا يوسف تطلع صدقني حاتصل بي ابوك واكلمو بالحاصل كلو عشان يشوف صرفه معاكم ومشاا خلاني
كنت قاعده في الغرفه في زول دق الباب قلت ليوو اهااا عاوز شنو تاني قال لي لي اسف بس ممكن ادخل الصوت ما كان صوت وليد كان صوت صحبو. يوسف سكت مسافه بعديها قمت لبست توبي وفتحت ليو الباب قال لي السلام عليكم قلت ليو وعليكم السلام بعديها سكت شويه حتي قال لي اسف علي العملو ليك وليد ماتشتغلي بيو يارهف قلت ليو اصلا ما شغاله بيو قال لي طيب اسع ممكن تلبسي وتمشي معااي نجيب حاجات البيت قلت ليو لا ماعاوزه قال لي طيب حتاكلي شنوو ؟؟ قلت ليو ماعاوزه اكل ؟قال لي عاوزت تموتي يعني ؟؟ قلت ليو. اااي ياريت لو مت عاين لي بعديها قال لي رهف دا اول طلب اطلبو منك ممكن ما تحرجيني حاولي اتجاهلي الكلام الحاصل دا ومن اسع اعتبريني زي اخوك لو عاوزه اي طلب اطلبي مني ما من وليد عاينت ليو وسكت قال لي اسع ممكن تجهزي قلت ليو طيب مشيت جهزت وطلعت معاو مشينا اول السوق اشترينا حاجات البيت كلها وبعديها مشا معاي جاب لي عده قعدنا انهار كلو ونحنا بنشتري في حاجات البيت يووسف استحملني وانا ماعارفه بس انا بالجد حسيت بيوو زي اخووي عشان كدا اتعاملت معاو بي راحه وبقيت الطريق كلو بنتونس ونضحك طلع ظريف شديد وداني المطعم وطلب لينا بيتزا وطعميه وعصييرر اكلنا الطلب كلوو 😂 قعد يضحك قال لي انا اول مره اكل قدر الاكل داا قلت ليو. لو باريتني حتبقي. قدر الباب قال لي ظااهر ظااهر 😂بعديها قلت ليوو علي فكرره انت ظرريف شديد احسن من صحبك القطيم داااك قعد يضحك بي صووت عاالي قال لي يااخ وليد داا ظرريف بس انتي ما فهمتي كويس حاولي اكسبيو وصدقيني ما حتلقي احسن منوو قلت ليو. بري اناا ماعاوزه اتعرف علييو زاتو الله يعدي الشهور دي بي خيير عشان يسلمني ورقتي يوسف خت يدو في راسو قال لي حتي انتي يارهف مصره علي كدا قلت ليو اي
#يتبع
