ابو وليد قال ليو والله طوالي وانا ما حالقي احسن من بتك لي ولدي هنا طوالي انا دخلت الاوضه وقعدت ابكي يعني ماكنت متوقعه ابوي يعمل فيني كدا دا حتي ما اداني فرصه عشان اتعرف علي العريس كويس كنت عاوزه اقنع فيها العريس باني كنت مجبوره علي العرس دا وانا بس كل همي عاوزه ادرس واتخرج شويه كدا وجات لمياء ورغد علي قالو لي الرجال فاتو يعقدو وانا من سمعت كدا زدت في البكا يعني ابوي عمل الفي راسو وعقد علي حتي بدون ماياخد اذني شوويه كدا نسمع الزغاريت لمياااء قالت لي رهف مبرروك مبرروك عقدو (لا يعني دي اسع قاعده تبارك لي علي شنوو علي حظي الكعب ولا علي العقد البدون رضاي ياااخ اناا كنت مخططه انوو وقت عقدي راجلي الي انا بكون اخترتو برضاي يتصل علي مكالمه فديو ويعيشني لحظه العقد لحظه بلحظه كاان نفسي بالجد افرح ب اني خلاص بقيت مرتو واشووف البسمه مررسومه علي وشوو وقت الماذون يقول اعلنكما زوج وزوجاااا 💔💔الاحلام دي اي بت بتحلم بيها بس انا ما حصلت معاااي انتو قادرين تصدقو معااي اني خلاص بقيت مرتو. بقيت مرت واحد انا اسمو كويس ما متذكراو حتي صوتو انا ما حصل سمعتووو )امي جات وقعدت تبكي معااي شويه كدا وابوي جا بكييت معاهم هم مفتكرني ببكي عشان حودعهم بس دا برضو ما السبب الوحيد انا ببكي عشان مااف زول حاسي بمعاناتي 💔عداا الييوم دا بخيرو وشررو وانا الليل كلو بدعي انو الزواج دا يكون فيو خير لي صحيت الصباح سويت الشاي لي امي وابوي وقعدت جمبهم ابوي قال لي رهف يابتي اهل العريس اصرو علي انو لازم يعملو ليك عرس ولازم. تلبسي فستان زفاف زيك وزي اي عروس عاينت ليو وما قلت حاجه حرفياا ماكنت ناويه اسمع اي حرف عن موضوع العرس هزيت ليو راسي وقلت كويس البتشوفو قال لي وليد قال عاوز يجيك بعدين العصر عشان تختاري الفستان قلت ليو خليو يختارو علي مزاجو ابوي عاين لي قال لي رهف دا بعد كدا بقي راجلك فاهمه يعني شنو عاوز يتعرف عليك وقال لي اكلمك عشان تجهزي العصر قلت ليو حاضر يا ابوي مشيت غرفتي نظفتها ودخلت المطبخ وطبخت وجيت رقد في السرير ماعندي اي موضوع بعد شويه اتذكرت انو مفروض اجهز مشيت استحميت ولبست عبايتي وصليت العصر انتظرتو مسافه هو ماجا طوالي قلعت العبايه ورقدت نمت شويه كدا امي جات قالت لي يابت قومي راجلك دا منتظرك برا انتي ابوك دا ماكلمك تجهزي من بدري في داعي تنومي وتاخري والولد ؟؟؟قلت ليها امي انا من العصر كنت جاهزا بدل تكوركي فيني كان تمشي تساليو اتاخر لشنو ولبست عبايتي وطلعت لقيتو قاعد معا ابوي سلمت عليو وطلعت معاو فتح لي باب العربيه القدام خليتو ومشيت ركبت ورا بقا يعاين لي ساي بس في النهايه ركب وساق العربيه الطريق كلو انا ساكته وهو زاتو ساكت ما اتكلم معاي بي كلما لحدي ما وصلنا محل الفساتين قال لي انزلي اختاري ليك واحد عاينت ليو قلت ليو انت حتنزل معاي قال لي لا انا بنتظرك هنا مشيت منو وانا حرفيا ما عارفه اعمل شنو يعني ماحصل مشيت مكان براي وقفت مسافت حتي قررت ارجع ليو مشيت عليو لقيتو ماسك تلفونو دقيت ليو القزاز العربيه رفع راسو وعاين لي قال لي خير في شنو قلت ليو ماحصل مشيت مكان براي وبما انك اسع بقيت راجلي ورح معاي (قلت لي كامة راجلي عشان عاوزه اشوف ردت فعلو شنوو هل هو مبسوط بالزواج دا ولا لا )عاين لي بنظرات انا ماقدرت افسرها دي شنو غيظ ولا شنو انا مفهمت وطلع تنهيدا من صدرو وقال لي اتفضلي طيب 😒مشيت قدامو وهووو وراي انا العملتو دا شنوو كاان امش براي احسن لي دي شنو المشاكل البحب اوقع فيها روحي دي انا ماشه وحاسي جسمي عاوز يهبط دخلت الكوفير استقبلتنا ستو بطريقه حلوه وقدمت لينا الشاي قالت لينا عاوزين شنو وليد قال ليها عاوزين ناجر فستان قلت ليو ايووا تمااام اتفضلو اختارو وليد عاين لي قال لي امشي معاها مشيت عشان اختار الفستان لقيتهم كلهم حلوووين شديد بقيت محتاره اختار ياتو فستان في النهايه اختر لي فستان اكمامو طويله وبحجابو قالت لي ادخلي جربيو قلت ليها طيب دخلت لبستو وجيت طالعه عاينت في المرريه حرفيااا الفستان عجبني ااي رغم اني ما رافضه فكره العرس دي بس كمان اكييد اي بت بتحب تلبس الفستان الابيض انااا كنت مبسووطه شديد بيووو وليد عاين ليو وماعلق ورجع لي تلفونو انا اصلا رايو ما كان هاميني فعشان كدا ما اشتغلت بيو قلت لي بتاعت الكوفير بقينا علي دا قالت لي خلاص تمام مشيت قلت لي وليد ورح نرجع البيت قال لي انتهيتي قلت ليو اي كنا قايمين عشان نمش لقيت ست الكوفير بتنادي علي يا انسه. يا انسه اتلفت عليها قلت ليها نعم عاينت لي وليد قالت لي دا خطيبك قلت ليها اي دا راجلي قالت لي ايووا تمام بس دقيقه اقيفو شويه ومشت اول ما مشت وليد قال لي ماف داعي تعيدي كلمت راجلي دي كتيير فهمنا انو. انا راجلك😒 عاينت ليو وانا متغايظه منوو قلت ليو. قايلني فرحانه بلكلمه دي يعني ؟؟؟😒قال لي لو مافرحانه بيها موافقه لي لشنوو ؟؟قلت ليو انا جبرني عليك ابوي اها انت وقت ما طايق الكلمه دي جيت وعقدت علي لي ؟قال لي انا زاتي كمان جبرني عليك ابوي لو ما كنت بحترم كلامو كان اسع خاطب البت البحبها قلت ليو اسع ماحصل شي امشي اخطب 😒قال لي بعد. ما خلاص بقيتي مرتي 😏قلت ليو ماف مشكله اسع طلقني انا زاتي ماطايقاك 😒قال لي والله لو ابوي بيوافق اطلقك كان طلقتك بس انا عارفو ما حيرضي انتي امشي اقنعي ابوك ينهي العلاقه. دي سكت شوويه لاني عارفه ردت ابوي وامي شنوو لو عرضت عليهم الموضوع دا... شويه كدا وجات ست الكوفير قالت لي وليد العرس يوم كم قال ليها بعد شهر قالت لييو طيب نحجز ليك باسم منوو سكت مسافه حتي قال لي هي انتي اسمك منو ست الموفير استغربت منو كيف يعني لحدي الان ما عارف. اسم مرتو بس بقت ساكته وما اتكلمت قلت ليها اسمي رهف
