#من_ذا_الذي_اغواك
( بقلم بسمة البياتي)
_البارت الثاني _
_______
ماذا لو؟!
ماتت أحاسيسك أمام عينيك
وماتت امانيك امام عينيك
وأكتشفت أن القاتل
هو أقرب الناس أليك!!!!
كملت شغلي ورجعت للبيت
فتحت الباب بالمفتاح العندي الشقة ظلمة وهدوء استغربت وينهم؟!
يومية بهذا الوقت ماما بس تسمع صوت المفتاح الكيها كدامي
شغلت ضوء الصالة فتت للمطبخ ماكو احد طلعت باوعت غرفة ماما مقفولة توجهت الغرفتي
لكيت سومة مگرفصة جوة البطانية من سمعت صوتي رفعت راسها الوجه والعيون حمر
جيت يمها على السريع
شبيج عمري ليش تبجين وماما وين؟!
... ماما بالغرفة متقبل تفتحلي الباب
عفية سبيل اريد ماما
... ولج بس فهميني شبيها ماما وليش قافلة الباب؟!
... اجة بابا وتعاركوا
...بستفهام ليش تعاركوا؟
... ما ادري كاعدة بالغرفة اقرأ من سمعت صوتهم عالي رحت يمهم بس مفهمت شي ماما تبجي ودخلت للغرفة اني وبابا اندك الباب مقبلت تفتحة
بابا كال ديربالكم عليها.وعافني وراح
... سومة تحجي وتبجي مكدرت افهم منها شي
عفتها وكمت الغرفة ماما عسى وعل تفتح الباب
دكيتة هواي ماكو اي جواب الخوف تسلل القلبي ليكون صايرلها شي لا سامح الله
ماما اترجاج جاوبي راح نموت من القلق عليج
اذا متفتحي اروح اشوف احد يجي يكسر الباب
اقل من دقيقة انفتحت الباب انرعبت من منظرها العيون منفوخة والوجه احمر وبي خراميش
قبل لا احجي واسألها شبيج
كدام عيني وكعت من طولها
اني وسومة تهسترنا نهز بيها ونحركها نريدها تفتح عينها
امشششي جيبلي مي بسرعة
سومة ركضت جابتلي بللتها
بدت تفتح عينها بثقل لكن جسمها متيبس متكدر تحركه
ركضت اخذت التلفون اتصلت على بابا
اكثر من مرة اتصل وماكو جواب تخبلت رجعت اتصلت وأخيراً فتح الخط
صرخت بوجهة وييييبنك الحك ماما واكعة ومدتتحرك مجاي اعرف شلون اتصرف لو شسوي
جاوبني بخوف شببها انتظري جايكم ما اتاخر
سديتة ركضت جبت ملابس بالكوة بدلتلها لان هدومها صاروا مي
نص ساعة واحنا ننتظر
وضع ماما ميطمئن اندك الجرس راحت سومة فتحت الباب دخل بابا هو واحد مركزت عليه ملتهية ويا ماما
ماما من شافت بابا انهارت بالزايد ورجعت فقدت الوعي شالها وطلع طلعت وراه
نجاتي.. ابقي يم اختج وين جاية
أنت تقرأ
من ذا الذي اغواك بقلم بسمة البياتي الناقل آدم العربي
Literatura Kobiecaقصة حقيقية منقولة للكاتبة بسمة البياتي
