من ذا الذي اغواك بقلم بسمة البياتي الناقل آدم العربي

البارت الثالث عشر

#من_ذا_الذي_اغواك
( بقلم بسمة البياتي)
_البارت الثالث عشر   _

كلامة فزز روحي
وطير فرحتي سكتت ما اعرف شجاوب
كل ضني غير رأية بسالفة الزواج وساعدني بدون مقابل

.. الووو شو سكتي تراجعتي مو
. هاا لا مو هيج لكن نسيت الموضوع

.. اي وهسه شنو قرارج
... نعصر قلبي رجعت سكتت

... سلسبيل خلي اطلبج من نادر وهو يبلغ امج واذا وافقوا اجي اطلبج رسمي اترجاح لاتعترضين خلي نجرب مخسرانين شي

... وزوجتك
.. الف مرة كتلج معليج بيها اني احل الموضوع

  اوك كرم اطلبني من نادر واذا وافقت ماما ولو الاحتمال بعيد
ما اخذك اذا ما اتآكذ من موافقة زوجتك

.. هسه خلي يوافقون والتريدي يحرالج

... سديت الخط دفنت وجهي بالمخذة وبجيت
حتى دموعي صايرة اخجل انزلها كدام بشر  الدموع تحسسني بالضعف

يومين والوضع هدوء لا كرم اتصل ولا انفتح الموضوغ

يشار بلغني نبيل طالع من السجن ومن سامع ابو خطيبتة يريده يفسخ الخطوبة وينهي العقد متخبل

بالكوة ماخذي للمحكمة ومن باب المحكمة ما اخذ البنية بحجة عنده موضوع وياها
ومختفين اثتينهم ابوها واخوانها متهسترين
متعاركين ويا اهلة

ممبقين مكان ممدوريلهم فص ملح وذاب

لكن مثل ميكولون غلطة الشاطر بألف
اخو نبيل ظال يتصل عليه اخير شي مجاوبة كايلة ما ارجع راح اخذها لسليمانية اتمم زواجي منها اهناك واهلها خلي يركعون راسهم بالحايط

اخوها كايل اذا صدك سواها اقروا على ابنكم الفاتحةة

ابو نبيل كايلللهم اكيد اخذها للمزرعة خلي نروح بلكي نلحك عليهم

وصدوك من رايحين لكيهم اهناك وملحكين عليهم قبل لايتممون زواجهم

اخوانها لازمينة كاتلي كتلة اخت الموت بالكوة اهله مخلصي من جوه ايدهم
حتى البنية مدميها

صفنت هذا نفس المكان الي انذبحت بي اول مرة
بس اشكد الفرق كبير بين ابوها وبابا

نجاتي هو سلمني اله
اما ابوها سوة المستحيل حتى يوصللها وغصب عنه خلاه يطلقها

اليوم بالدوام نظرات هدى اتجاهي تصوب رصاص حتى كلامها وياي قليل

اتجاهلتها وكملت شغلي رجعت للبيت الوضع بعده جداً طبيعي

باليل اتصل كرم صوتة ضايج
.... شبيك
.. تغشمين روحج يعني متعرفين شبيه
.. لا والله ما اعرف

...  رفض اهلج مو سبب ويخليني اضوج

.. لحظة شنو رفض اهلي ليش انت شوكت طلبتني منهم