#من_ذا_الذي_اغواك
( بقلم بسمة البياتي)
_البارت الثاني عشر _
انت كل همك اكون الك صح
... اي اكيد
... خلص واني راح احقق التريده
.. يعني اجي اتقدم
.. لا
... لاتخبليني شنو لا
. . انت تريد نزوج اوك راح نزوج بس.
.. كملي
.. عضيت شفتي بقوة وغمضت عيني
الزواج يكون بيني وبينك فقط
...شششنو وضحي يمكن فهمت غلط
... مثل مسمعت
.. زواج سر؟!
... اي
... انتي صاحية وعاية للحجيتي
.. ما اكدر اكون الك غير بهاي الطريقة
صرخ بيه بصوت حسيت التلفون انرج من قوتة
.. زواج سسسسسسسسسسر اكو بنية شريفة بنفسها ترفض زواج علني وتختار بالسر
لوما اعرف نادر وخوالج ومعاشرهم جان كلت هاي ساسها اعوج مع الاسف محسوبة عليهم
... اخرسيت معرفت شحجي سد التلفون بوجهي
دخلت جوة البطانية ارجف مجاي اعرف شجاي اخربط
رغم كلام كرم الجارح مفكرت بي عقلي وتفكيري يم نبيل شلون ادمره واقلب فرحة حزن مستعدة ادفع عمري بس اشوفة متحطم
الليل كله افكر واخطط لكن ما اكدر اسوي شي بدون مساعدة كرم
ثاني يوم بالكوة داومت الكل لاحظو توتري وصفناتي
اي احد يسألني شبيج اكلهم تعبانة مالي خلك
اربع ايام واني بالضيم كرم ماكو بعد متصل ايست منه لازم الكي حل ثاني بعيد عنه
باليل نايمة رن تلفوني بالكوة فتحت عيني الغرفة ظلمة ما اعرف اشكد الوقت
اخذت التلفون بالكوة ركزت على الاسم هذا كرم قلبي رجف احس روحي صحصحت
فتحت الخط وسكتت
ثواني وهو هم ساكت
... اريد حل اريد اطلعج من راسي كليلي شنو انتي لعنة ابتليت بيها انعل الساعة الشفتج بيها
... شرايد هم راح تتجاوز مثل هذاك اليوم ترى اذا قبلها سكتت هسه ما اسكت ولا عبالك اخاف منك الخوف شايلتة من قلبي من زمان
.... يابنت الناس لج رايدج مرتي كدام الناس مو بالختلة اصبح وامسي بوجهج اريد احطج بيتي معززة مكرمة مو اجيبج حالح حال *****
.... كافي ترى مصختها كتلك لاتتجاوز شنو عبالك عاجبني ازوج بهاي الطريقة مجبورة
وشنو الجابرج
.. اريدك تساعدني
... شلون
.... انتقم من نبيل
.. طليقج
.. اي
.. يعني لان حجة عليج تريدين تنتقمين منه؟!
... لا مو بس هاي
... لعد؟! سلسبيل احجي بصراحة
... قبل لا احجي اوعدني تساعدني
.. غير افهم شنو موضوعج واشوف اذا اكدر اساعدج او لا
أنت تقرأ
من ذا الذي اغواك بقلم بسمة البياتي الناقل آدم العربي
ChickLitقصة حقيقية منقولة للكاتبة بسمة البياتي
