من ذا الذي اغواك بقلم بسمة البياتي الناقل آدم العربي

البارت الأخير

#الآخيرر

_من ذا الذي اغواك _
( بقلم بسمة البياتي)
_البارت الخامس عشر   _

( لاتنصدمون مو وقتها 🤭 ملخص بسيط من احداث القصة)
__________
طلب سلسبيل من كرم
يدبر جماعة يخطفون أبن نجاتي او مثل ما هي اتكول هذا مو خطف انبقي فترة يمنا معزز مكرم

الحد ما ارجع حق امي وبنفس الوقت اضوك نجاتي اللوعة واحرك قلبة وقلب فرح واشوفة العذاب بعدد الأيام البقيت بيهن محبوسة بمزرعة عادل وهو مكلف نفسه ودور عليه

بعد عناء وتوسل  بكرم وافق
وفعلاً جماعتة كدروا ياخذون ابن نجاتي الكبير

نجاتي وفرح من عرفوا شوية ويفقدون عقلهم
مبقوا مكان مدوروا بي
وكل شوية يتخربطون وينذبون مستشفى

يشار حس هاي سوالف سلسبيل
اتصل واستفسر
مكدرت تضم عليه كالتلة اي اني

ضاج من تصرفها تعصب وغلط لان خايف عليها وبنفس الوقت شك بيها منين تعرف هيج ناس يساعدوها ويرتكبون جريمة

ساعدها ونقللها حركات ابوها لان خاف تنكشف وتتاذئ
سلسبيل كدرت ترجع جزء من حق امها اخذت منه ٢٥٠ مليون

يشار بعد تصرف سلسبيل قطع علاقتة بيها

الفلوس بقن يم سلسبيل بعدها بفترة حطتهن كدام امها وكالتلها اني الخطفت ابنة بمساعدة يشار مكدرت تجيب طاري كرم

امها تخبلت دكت لطمت تخربطت رفضت تاخذ الفلوس وأكثر من شهرين هي زعلانة من سلسبيل بعد معانأة يلا حجت وياها

وصل خبر السلسبيل يشار خطب وبهذا اليوم عرفت بنفسها تحبه لكن بعد فوات الأوان

دوم تريد تنهي زواجها من كرم لكن متكدر تخاف منه تدري اذا تركتة بدون سبب يدمرها

صارت وياها شغلة مجانت حاسبتلها حساب
اكتشفت نفسها حامل

بدون علم كرم طلبت من هدى تساعدها تنزل الجنين
ولان الحمل بدايتة انطتها حبوب اسقاط
وبيوم الي بايتة بي ويا كرم اخذت وصار عدها نزيف واضطروا ياخذوها مستشفى
وبهذا المواقف هم الله ستر عليها ومنفضحت

من رجعت للبيت قررت تنهي زواجها لهنا وبس
طلبت من كرم يطلگها رفض
ايام تتوسل وهو معاند

سوزان ومراد شافوا نفسهم ميكدرون يحاسبون سلسبيل سلطوا ابنهم انس عليها بحجة هو رجال البيت مراهق عمره ميتجاوز ال ١٥ سنة
وصل مرحلة يمد ايده على سومة ويمنعها تختلط بسلسبيل

سبيل من عرفت جن جنونها حاجتة تريد تفهم شبي تهجم عليها  رفع  ايده وضربها
وطبعا سلسبيل فقدت اعصابها شالت شمعدان وحطتة براسة

انس وكع لا ايد ولارجل
اخذوا للمستشفى وهي تركت البيت
امها اتصلت تريدها ترجع
سلسبيل خيرتها بينها وبين سوزان