من ذا الذي اغواك بقلم بسمة البياتي الناقل آدم العربي

البارت التاسع

#من_ذا_الذي_اغواك _
( بقلم بسمة البياتي)
_البارت التاسع  _

منير.. ندري بيج متحجين ويا لهذا خابرتة
تيجان لاطلعيلج سالفة انطيها وخلصي بنتج مطلقة والعين عليها

.... يعني اذا مطلقة لازم ياهو اليدك بابي اخليها بيده  وهذا عمار مو مزوج وعنده اطفال

... واذا مزوج شكو بيها مرة ما تأكل مرة
الرجال متمكن ويكدر يفتح بدال البيت أربعة
عمار شاري بنتج كال شتطلب اني حاضر بيت وحدها واحسن اثاث من غير الذهب والملابس
تيجان لاتتبطرين وين تلكي احسن من هيج قسمة

... اذا هلكد عاجبك زوجة البنتك هي أولى بي من بنتي
ماجاية عليكم ولا داكة بابكم وطالبة منكم تزوجوها
يوووم شششفتي اخوتي احزام ظهري مجتمعين يريدون يكسرون رگبة بنتي هاي عود أجيت احتمي بيهم ويكونولي عون وسند

محسن... ومنو الكاسر رگبتها شبيج تيجان ترى السالفة اخذ وعطا ماتريدين تنطيها براحتج محد جابركم

... هذا يا أخذ يا عطا ومنير  طعن بيها يكلي بنتج مطلقة عليها العين
هاي جمعتكم وهذا موقفكم مراح انسى
والله انطبع بنص گلبي وحتى بغداد عايفتها الكم ما ابقى بيها بعد الظاهر احنا منشرفكم رايحة وبعد بحياتكم متسمعون شي عني

نرجس.. من سود الله وجوهكم خافوا الله مو عدكم بنات شوفوا ولكم اذا راحت تيجان اروح وياها وبعد لا اعرفكم ولا تعرفوني

سبيل... خوالي وجوهم صفرت ميعرفون شيحجون لو منو يقنعون ماما تبجي وبيبي تبجي
فوك الساعة هما يراضون بماما وبيبي وحلفو بعد ميدخلون بحياتنا بس اهم شي ماما متزعل

انسدت السالفة وفعلاً خوالي بعد ما الهم علاقة بيه
استمريت بشغلي وتعودت عليه

كملنا عشا واكفة اغسل الاطباق آجت ماما بيدها تلفونها
كالت يشار يريد يسلم عليج

عيوني صعدت الكصتي نترت بغضب شششرايد مني خلي يكفيني شره وديربالة بعد يتصل يعني شلون منخلص من هالشكولات

ماما سدت السماعة بيدها تعضلي شفة تريدني اسكت

تيجان... شبيج يا امي الولد شعليه خطية سد الخط من الفشلة

.. يطبه طوب
.. الله يكملج بعقلج

... عافتني وراحت غسلت ودخلت للغرفة تمددت
صفنت اني ليش مجاوبتة يشار يفيدني ينقلي اخبارهم

طلعت من غرفتي دخلت الغرفة ماما اخذت تلفونها نقلت رقم يشار

رجعت الغرفتي اتصلت عليه

يشار.. الووو نعم
.. شلونك
... الحمدلله منو انتي
... معرفتني
... سبيل
.. مممم
... شكو متصلة لو بعد عندج كلام تريدين تحجي

.. لا يصير قلبك أسود كنت متعصبة ومن هدءت حبيت اعتذر منك

جر نفس كال ما اكدر ازعل منج شلونج