#من_ذا_الذي_اغواك _
( بقلم بسمة البياتي)
_البارت السابع _
وصلنا كركوك
نادر اخذنا الفندق حجز غرفتين
هو غرفة واحنا غرفة تعبانين يادوب سبحنا ونمنا
ماما كعدتني المغرب
... اكيد جوعانة نادر جابلنة أكل
... كمت غسلت وجيت كعدت وياها
لعد هو وين ليش ميجي يأكل ويانة
... كال اكلت قبلكم انتو كضيتوها نوم
.. خابرتي بابا ( لو بيدي ولا انطق كلمة بابا)
اي اتفقنا باجر الصبح نلتقي بالمحكمة
... زين التحليل شلون؟
... ميحتاج المحامي دبرها النه
.. شوكت لحكتوا تلزمون محامي واحنا مصارلنة كم ساعة من اجينا
... نادر قبل شوية راح للولد الي
مكلفة صديقة يساعدنا وخطية. هو مدبر كلشي والمحامي من معارفة
...اهاا تمام
كملت اكل لملمت الباقي خليتة على طرف رجعت تمددت صافنة شراح اسوي من اشوفهم باجر وشلون حتكون ردت فعلي
مستحيل اضعف وانهار كدامهم هما الزرعوا الشيطان. بداخلي وراح ادفعهم ثمن كل السوو بيه
ثاني يوم كعدت من الصبح
رتبت نفسي وتانقت ما اريدهم يشوفون انكساري
طلعت ويا ماما ونادر
نادر... النقيب بكر والمحامي ينتظرونا بالمحكمة .
سبيل... وصلنا للمحكمة نادر صف السيارة بالگراج ونزلنا
اتصل على الولد ودلانه مكانه
دخلنا للمحكمة اجوي ثلاث شباب سلموا على علينا
من الكلام عرفت هذولة هما الراح يساعدونة
من بعيد شفت العصابة اجت بتجاهنة
بابا نبيل وعمي ويشار
هه خوش جماعة جايب ويا عيونهم تصوب شرار علينا
ماما همست الحمدلله ما اجينا وحدنا من عيونهم مبينه نيتهم مو صافية وناوين على شي
تقربو منه حتى سلام مسلموا
ابو يشار.. احمدي ربج احنا بمحكمة ولا جان عرفنة شنسوي بيج
تيجان.. وشسوي بله
رجال بيكم ويوصل يمها أساسا انت شكو جاي نجاتييييي شكاعد يصير اهنا
... ماكو شي ابو يشار لاتعب روحك وياها اني غسلت ايدي منها ومن بناتي
يلا وين الصكوك
... هم زين الشباب واكفين بعيد مسمعوا الكلام
نادر... يعقد عليها وثاني يوم يطلگها يلا نسلمهن الك
... انت لاتدخل اطلع من السالفة حتى لاتتاذئ ماكو زواج اذا ما استلمهن بيدي
... نبيل مخلي ايده بجيبة ويباوع عليه يستهزء قرفت ونفسي لعبت
صارت مشادة كلامية بينهم
بابا وعمي مبينين يدورون مشاكل
من تقرب النقيب بكر وعرفهم عن نفسه خنسو
كاللهم الجماعة بحمايتي واي شي يصير وياهم انتوا كدامي المسؤولين
من سمعوا هالكلام جروا بوش
اخير شي توصلوا الحل من ادخل للقاضي تسلمة صك والصك الثاني باجر من يدخل يطلقني
أنت تقرأ
من ذا الذي اغواك بقلم بسمة البياتي الناقل آدم العربي
ChickLitقصة حقيقية منقولة للكاتبة بسمة البياتي
