#من_ذا_الذي_اغواك _
( بقلم بسمة البياتي)
_البارت الخامس _
دخلنا بغداد
ابو رائد طلب من ابنة يوكف السيارة نزلوا اثنينهم
ما أعرف شحجوا ابنه راح صعد بالسيارة البيها الشيطان واجة بمكانه ولد ثاني ساق
وصلنا للعنوان النطوا النه.
ابو رائد اتصل على تلفون ماما
ما اعرف منو جاوبة ووصفلة البيت
دخلنا للفرع من بعيد شفت نادر
همست هذاك ابن خالي
خجلانة شلون راح اكدر ارفع عيني بعينهم بعد الصار بيه
ابو رائد حس بخوفي وارتباكي لزم ايدي وضغط عليها قوي
... محنة وراح تعدي الي كدرت تتحمل الصار بيها راح تكدر تتجاوز كل الصعوبات انتي شجاعة بنتي لاتجين هسه وتضعفين
رفعي راسج الصار مو ذنبج
مسحت دموعي واخذت نفس عميق اهدي ب روحي المحترگة
وكفت السيارة كدام البيت عين نادر عليه اجة تقدم للسيارة اريد افتح الباب وانزل ما اكدر ابو رائد نزل قبلي وسلم عليه
اجة نادر فتحلي الباب ومدلي ايده خليت ايدي بيده ونزلت بدون مقدمات اخذني الحضنة بهاي اللحظة حسيت بالامان والطمئنينة الكنت فاقدتها بجيت بصوت جلبت بقميصة
ابو رائد.. خلي نفوت جوة مايصير نظل بالباب
.. رفعت راسي نادر عيونة حمر ويمسح بيهن حاوط كتفي ودخلني جوة بكل خطوة اخطيها سرعة قلبي تزيد ورجلي تثقل
سدف... اتصل الرجال كال وصلنا نادر طلع يستقبلهم
اريد اطلع وراه شفت ماما ما تحركت من مكانها وايدها على صدرها خفت جيت يمها ماما شبيج
بالكوة نطقت مابيه ساعديني اكوم
ردت اكومها متكدر جسمها يرجف
متت خوف عليها
الله عليج ماما قوي نفسج والله قلبنا خلص ومنتحمل هبطة ثانية
..مابيه شي لاتخافين جيبيلي شوية مي
.. ركضت جبتلها شربت شوية وبللت وجها
مكدرت اعوفها واطلع
صوتهم دخلوا جوة وكفت الحيلي فات نادر وويا وحدة لا ابد هاي مو سلسبيل الجميلة صايرة عبالك شبح
روحي قبل رجلي ركضتلها رحت عليها حضنتها بكل قوتي ماحجينا شي دموعنا هي التحجي
سبيل... دخلت جوة صاروا ماما وسدف كدامي
كنت يائسة ومتصورة بحياتي مراح اشوفهم
اجت سدف حضنتني ااه يا اختي لو تدرين الصار بيه عيني على ماما تحاول تكوم ومتكدر
عفت سدف وركضت عليها فتحتلي ايدها
بحضنها صدوك انهاريت شكو قهر بقلبي طلعتة كمت اصرخ بعلو صوتي
ماما حاضنتني قوي لوبيدها ادخلني بصدرها
تيجان...وج ماما الله لايوفقني اني العفتج وحدج سودة بوجهي
...ماما اني ادمرت وانتهيت بنتج ماتت وهي عايشة
أنت تقرأ
من ذا الذي اغواك بقلم بسمة البياتي الناقل آدم العربي
ChickLitقصة حقيقية منقولة للكاتبة بسمة البياتي
