#من_ذا_الذي_اغواك
( بقلم بسمة البياتي)
_البارت الحادي عشر _
شي من الخذلان يلامس قلبي بكل بشاعة
كاعدة بمكاني وعيني تتنقل بين الموجودين اراقب حركاتهم ونظراتهم اتجاهي
نظرت شك
شفقة
شماتة
اصوات عالية ومناقشات حادة
عمي ابو يشار متعصب على خوالي
...وين لكيتو هذولة الناس يعني جابونا مناك لهنا وهما ما اجو خبصتونا عشاير وعشاير بربكم هاي اخلاق العشاير
محسن.. حالنة من حالكم شمعرفنة هيج راح يصير كايلين عدنا ظرف ومكدرنا نجي
... لو صدك عدهم ظرف جان دزو واحد منهم اعتذر مو تتصلون ومحد يجاوب تالي بالشافعات يلا ردو
... نادر والولد راحولهم هسه يفتهمون السالفة ويجون يبلغونة
.. العصبية والتوتر بوجوه عمامي وخوالي
.. وره وين رجع نادر شكله ميتفسر
كال اقاربهم جايين من غير محافظة ومسوين حادث بالطريق والكل مخبوصين بيهم
نوعاً ما هدء الوضع واكثر المعازيم راحوا
ماصدكت كلام نادر ولا راح اصدك
تيجان.. بنتي لاتنقهرين الصار وياهم مو قليل الله يساعدهم على مصيبتهم
.. عادي ماما على شنو انقهر الله يكون بعونهم
عفتها ورحت للمطبخ
يشار واولاد خوالي واكفين برا كلت الممد صيحلي يشار
اجة ميباوع بوجهي
...ها سبيل رايده شي
... اي اريد تحجيلي بصراحة ليش ما اجو؟
..نادر مو بلغكم اقاربهم بالمستشفى
... شوف لا انت ولا نادر شاطرين بالكذب ولا عبالك صدكت هالسالفة اترجاك احجي
.. راح احجيلج لكن اريدج هادئة وقوية لاتنهارين
رحنا الأهلة مموجود حجينا ويا ابو كال
سامح الظهر بلغنا المشية تفركشت
عمام البنية جايين ومقابلين ينطوها
... غمضت عيني وهمست ليش هيج سوه
... ما اعرف هو غير لو يوكع بيدي اشحطة بالسيارة واخلي عبرة للناس
... السالفة مراح تنظم ولد خوالي عرفوا وراح يحجون الاهلهم
ليش بس اني الفضائح تلاحكني تنطم سالفة تطلعلي غيرها
وهذا سامح شمسويتلة وهيج كسرني
والله مكنت اريده هو لزك بيه
.. سبيل مستعد هسه اعقد عليج وارفع راسج بين الكل ولو هو مرفوع غصباً عن اليرضى والميرضى
... لا فدوة يشار لاتسوي هيج انت بالذات اياك تباوعلي بشفقة غلاتك عندي مثل غلات نادر ما اريد اخسرك
...حزنج ديعذبني الي سواه بيج هذا الناقص مراح اخلي يمر سلامات بس خلي نلكي
نادر... عرفت مو؟
أنت تقرأ
من ذا الذي اغواك بقلم بسمة البياتي الناقل آدم العربي
ChickLitقصة حقيقية منقولة للكاتبة بسمة البياتي
