𝐀𝐝𝐯𝐞𝐫𝐬𝐚𝐫𝐲 𝐋𝐨𝐯𝐞(𝐂𝐨𝐦𝐩𝐥𝐞𝐭𝐞)

19

"ဂျွန်လေး"

"ဗျာ"

သူခေါ်လိုက်သောအသံ‌ကြောင့် ပြန်ထူးလာပုံကချစ်ဖို့ကောင်းလွန်းလှသည်။

"မင်းငါ့ကိုဘယ်ထဲကချစ်နေတာလဲ"

ဂျောင်ကုရင်ခွင်ထဲမှီကာ စကားဆိုတော့ ခပ်ရေးရေးအပြုံးလေးကိုတွေ့လိုက်ရသေးသည်။

"အွန်း ဟိုးးးးးငယ်ငယ်တည်းက"

အမူအရာပါလုပ်ပြနေသောဂျောင်ကု‌ကြောင့် သူနှစ်နှစ်ခြိုက်ခြိုက်ပင်ပြုံးလိုက်မိသည်။

"မင်းကလေ အဲ့တာကို စတွေ့ထဲက အမြင်မကြည်သလိုနေသေးတယ်"

သူ့စကားဆုံးတော့ မှိုင်တွေသွားသောမျက်နှာလေးကြောင့် စိတ်မကောင်းဖြစ်မိရသည်။

"hyung လည်းစတွေ့ထဲက ကျွန်တော်ကိုအမြင်မကြည်ဘူးမလား"

ထိုစကားသည်မှန်နေသည်ကြောင့် ငြိမ်သက်စွာသာနေနေရသည်။ကိုယ့်အဖေရဲ့နောက်မိန်းမဘက်ကပါလာမယ့်သားကို ဘယ်သူကရော လိုလိုလားလားဆက်ဆံနိုင်မည်နည်း။

"မှန်နေတာပဲမလား"

ခေါင်းညိမ့်ပြီးအဖြေပြန်ပေးတော့ ဂျောင်ကုဆီကဝဲတက်လာတဲ့မျက်ရည်စများကိုတွေ့လိုက်ရသည်။

"ဂျွန် အရင်ကကိစ္စတွေပြန်တွေးမနေနဲ့ ဖြစ်ပြီးသွားတာတွေကပြီးသွားတဲ့ကိစ္စတွေပဲ အခု ငါကဂျွန်ကိုချစ်တယ်လေ"

ထပ်ခါထပ်ခါခေါင်းညိတ်ပြလာသော ဂျောင်ကုကြောင့်သူပြုံးမိသည်။ဂျောင်ကုက အခုလိုလည်းကလေးဆန်သေးသည်လေ။

"ထယ် ကိုယ်တို့ပြန်ရအောင် စောင့်နေလောက်ပြီ"

သူတို့နား‌နေတဲ့နေရာကနေထွက်လာခဲ့တာအခုဆိုအချိန်ပင်တော်တော်ကြာနေသောကြောင့်  ဂျောင်ကုပြောလာသည်။သို့သော် သူမပြန်ချင်သေးပေ။

"ငါမပြန်‌ချင်သေးဘူး ဂျွန်"

မျက်နှာလေးကိုဆူပုပ်ကာ ပြောမိတော့ ဂျောင်ကုရီနေသည်။ယုန်သွားလေးတွေအထိပေါ်နေအောင်ကိုရီနေသည်။

"ဘာရီတာလဲ"

ဆူပုပ်ပုပ်ထပ်မေးတော့ ဂျောင်ကုထပ်မရီတော့။