Keith, The Heart Thief (Published under Precious Hearts Romances)

Unofficial Teaser. :)

Sa mundong ginagalawan ni Keith dela Vega, lahat ay may katumbas na presyo. Kaya naman hindi niya maintindihan kung bakit tinaggihan ni Carla ang alok niyang pera kapalit ng isang gabi kasama ito. Unang kita pa lang niya sa dalaga ay napukaw na nito ang interes niya. She had a face of an angel and a body that is made for sin. Kahit na ilang beses siya nitong tanggihan ay nakikita pa din niya ang sarili na nilalapitan ito.

Nakakita siya ng pagkakataong makasama ang dalaga nang bayaran niya ang pagkakautang ng mga ito kapalit nang pananatili nito sa tabi niya hanggang kailanganin niya ito.

Sa mga araw na magkasama sila ng dalaga ay ipinaramdam nito sa kanya ang mga emosyong hindi pa niya nararanasan. Paano kung malaman nito ang tungkol sa kaugnayan niya sa isang underground organization na Black Lotus? Magawa kaya siya nitong mahalin kapag nalaman nito ang tungkol sa tunay niyang pagkatao?