#الفصل_الرابع_والعشرون
🌹#الأخير🌹
#وصفولي_الصبر_الجزء٣
#نداء_علي
بسم الله الرحمن الرحيم
لا اله الا انت سبحانك اني كنت من الظالمين
😍😍😍😍😍😍😍
استيقظ سليم بكسل علي صوت طفلته الصغيرة تناديه بشقاوة قائلة : بابي حبيبي اصحي بقي
سليم بحب : صباح الخير حبيبة بابي
قبلته جميلة بقوة قائلة : جميلة تروح مع عمار وقاسم باي
سليم بتعجب : باي فين عالصبح كده
جميلة : سوف مزة
سليم بصدمة : نهار ابوكم أسود.. تشوفي مزة ايه
جميلة بخوف : قاسم قالي
حملها سليم وخرج منادياً عمار وقاسم قائلاً
تعالي يا زفت انت وهو قدامي هنا بسرعة
نظر عمار لقاسم وتوجها الي سليم
عمار : نعم يا بابا
سليم : مزة ايه اللي اختك هتروح تشوفها؟؟
قاسم : ها... مزة ايه يابابا انت هتصدق عيلة صغيرة زي دي
عمار : احنا كنا بنقول ماما المزة
جميلة : لا.. مزة باي
سليم : عارف يا عمار انت وقاسم انا ممكن اطلع روحكم واخلص من عمايلكم السودة عالصبح
قاسم : يا بابا اهدي مفيش حاجة.. اديني بس جميلة علشان خارجين نفسحها
سليم : انت اهبل يالا.. هتفسحها الساعة ٨ الصبح! ؟
عمار : ايوة البنات عندهم محاضرات بدري..
سليم : بنات مين يا حيوان؟؟
قاسم : هات بس جميلة يا بابا وبعدين هنفهمك الموضوع؛ دي خدمة انسانية صدقني
سليم : جميلة مش هتخرج معاكم؛ كفاية الالفاظ اللي بتتعلمها منكم
عمار : يا بابا ارجوك جميلة لازم تخرج معانا دي هتعمل شغل جامد
ابتسمت نداء بحب وهي مقبلة اليهم قائلة : شغل ايه اللي جميلة هتعمله يا حبيبي؛ هتساعدك انت وهو تلموا البنات حواليكم..
سليم بتعجب : هما عاوزين ياخدوها علشان كده
قاسم وعمار : يانودي ايه اللي حصل بس حتي انتي فهمانا صح...
قهقهة نداء قائلة : اختكم لو حصلها اي حاجة ولو مجرد خدش متعرفوش انا هعمل فيكم ايه
سليم بجدية : في ايه ياندا؛ انتي هتسبيهم ياخدوها بجد..!! لا طبعا مستحيل
نداء بهدوء : خدوا جميلة ومتتأخروش؛ ممكن نتكلم شوية يا دكتور لوحدنا
اختطف قاسم جميلة من بين يدي سليم وغادر مسرعاً
نظر سليم الي نداء معاتباً فاقتربت منه قائلة
علي فكرة جميلة لما بتغيب عن عيني دقايق قلبي بيوجعني؛ ولو بأيدي مش هسيب عمار وقاسم ياخدوها بس انا مبسوطة جدا بقربهم منها وحبهم ليها ومش عاوزة اعمل حاجز بخوفي عليها
سليم : نداء ولادك واضح من كلامهم انهم رايحين يقابلوا بنات
نداء : علي فكرة قاسم قالي انهم شافوا بنتين تؤام عند نديم في الجامعه ومعجبين بيهم جداً والنهاردة واخدين جميلة لانها بنوته صغيرة وهتجذب نظر البنات ليهم
سليم بدهشة : وانتي عادي بالنسبة لحضرتك ان ولادك يصيعوا مع بنات
نداء : مسهماش صياعة ولو في نيتهم حاجة وحشة كانوا هيخبوا عليا.. وبعدين انا حبيتك وانا اصغر منهم
سليم : وانا حافظت عليكي
أنت تقرأ
وصفولي الصبر 1/2/3 بقلم نداء علي
Mystery / Thrillerتجبرنا الحياة اغلب الاوقات على اتخاذ قرارات نندم عليها لاحقا ولكن مرات تكون تلك القرارات قاتله للنفس والروح ومن يحب بصدق هو من يستطيع ان يقاوم تلك الظروف حتى وان قهرته في البداية لا يستسلم بل يحارب بكل قوته من أجل من يحب حتى وان أضاع سنين لا يمل ولا...
