#الفصل_الثالث🖤
#وصفولي_الصبر_الجزء٣🖤
#ثلاثية_وصفولي_الصبر🖤
#نداء_علي🖤
#حصري_علي_صفحتي_فقط🖤
#ممنوع_النشر_الابعد_الرجوع_للكاتبة
واتباد
https://my.w.tt/J9UUpz2By7
بسم الله الرحمن الرحيم
تجلس نداء مهاب.. تستمع الي بعض الاغاني الصاخبة لم تنتبه الي صوت والدتها وهي
تناديها
زينة بغضب : انتي يابنت.. زهقتيني.. قلتلك مليون مرة وطي صوت الزفت ده
نداء : حاضر يا زينة.. بس بلاش عصبية غلط علي صحتك يا قمر
زينة : اه منك يابنت مهاب.. طالعه مستفزة زي ابوكي
نداء : دكتور مهاب مستفز!
ده سكررر.. ياريت الاقي راجل حلو زيه كده.. دكتور وشيك ووسيم وفارس بيعشق الخيول
زينة متهكمة : وعصبي ومتسرع ولسانه سابق عقله يابنت مهاب
نداء : ولو.. مهما تقولي هو في نظري اجمل راجل في الدنيا
كان نفسي ريان يبقي زي بابا كده بس للأسف برغم ان ريان هادي ومش بيتعصب كتير بس اوقات بتمني يتعصب ويتخانق معايا يحسسني انه بيغير بجنون زي بابا ؛ وبعدين مالك كده قالبه عليه؟
مع اني يعني شيفاه وهو بيقولك كلام رومانسي في المطبخ
زينة : ندااااا... اتأدبي احسنلك ومتعليش صوت الاغاني كده تاني.. اعملي حسابك خالك مازن هينزل مصر اخر الشهر عاوزاكي بقي تنزلي معايا السوق نشتري شوية حاجات
نداء بسعادة : ياااه.. ده وحشني جدا.. ووحشني الهدايا بتاعته
زينة : اه منك ومن شقاوتك.. سبحان الله طالعه شبه نودي وحلوة زيها بس هي هادية مش شقية كده
نداء بمشاكسة : طبعا.. نحن نختلف عن الاخرين خاااااالص
تركتها زينة وغادرت وهي تتمتم ببعض الكلمات الرافضه لمشاكستها الدائمة بينما شردت نداء قليلا فيما قالته؛ هل هي حقاً تود نسخة مصغرة من أبيها هل هي قادرة علي تحمل شخصية مثل مهاب بعيوبه قبل مميزاته
ابتسمت بخفوت عندما تذكرت ريان فارسها الوسيم لا تدري لما انجذبت اليه دون غيره ربما جرأته وتعبيره عن حبه لها هو ما جعلها تستسلم ولكن ما الذي تغير لما تشعر ان هناك حاجزاً بينهما ؛ صمتت قليلا تشعر بالحيرة فمنذ حدثتها زينة واخبرتها ان الحياة مواقف وان الحب يظهر قوته وصلابته وقت الشدة وهي تفكر كثيراً ؛ انتشلها من دائرة افكارها اتصالاً من ريان اجابته بلهفة وكأنه طوق نجاة لتلك الغيمات المتلاحقة من التساؤلات التي لا اجابة لها
ريان : نودي حبيبتي وحشتيني
نداء بهدوء : اه واضح علشان كده متقابلناش بقالنا اكتر من اسبوعين مع انك ساكن قريب مننا
ريان : انتي عارفه اني مشغول الايام دي انا مقدم ورقي في شركات كتير برة مصر ونفسي حد منهم يرد عليا
نداء : ريان احنا اتكلمنا كتير في فكرة السفر دي انت ليه مصمم عليها انت ولد وحيد وماديا مش محتاج
ريان : وانا قولتلك كتير ان السفر بالنسبة ليا حلم ومش بس علشان الفلوس انا عاوز الف العالم اشتغل واثبت نفسي انا عندي طموحات صعب احققها هنا
نداء : وانا
ريان : اكيد هتبقي معايا انتي عارفه اني مقدرش ابعد عنك
نداء : عموما انا حاليا مش هقدر افكر انا كل اللي عوزاه اني اشوفك وكمان انا وماما هنسافر القاهرة ونقعد فترة خالي مازن راجع من السفر اخر الاسبوع
ريان : ليه كده حد يسيب كندا ويرجع مصر
نداء : بقاله سنين كتير وخلاص تعب ونفسه يقرب من اهله ايه المشكلة
ريان : مفيش مشكلة ياستي.. انا كمان مسافر القاهرة اخر الاسبوع واهي فرصة نتقابل بعيد عن دكتور مهاب ايه رأيك؟
نداء بتردد : نتقابل فين بابا ممكن يزعل مني
ريان : نودي انتي وحشتيني فكيها شوية بقي انا معزوم في حفلة وهنتقابل انا وانتي فيها ؛ يعني مكان عام وزحمة ايه المشكلة بقي
نداء : خلاص يا ريان نتقابل انا كمان زهقانه ونفسي اخرج معاك بعيد عن البيت والخنقة دي
أنت تقرأ
وصفولي الصبر 1/2/3 بقلم نداء علي
Mystery / Thrillerتجبرنا الحياة اغلب الاوقات على اتخاذ قرارات نندم عليها لاحقا ولكن مرات تكون تلك القرارات قاتله للنفس والروح ومن يحب بصدق هو من يستطيع ان يقاوم تلك الظروف حتى وان قهرته في البداية لا يستسلم بل يحارب بكل قوته من أجل من يحب حتى وان أضاع سنين لا يمل ولا...
