"""Insult, Extinguish Your Life"""
အစေခံမလေးချွေ့ဟွမ်းက နမ်ရွမ်းရဲ့ ပုခုံးတွေကို နိုပ်နယ်ပေးရင်း သူမကို သတင်းတွေ တင်ပြနေသည်။
နမ်ရွမ်းက ငြိမ်သက်စွာနားထောင်နေရင်း အခါအားလျော်စွာ "အင်း" ဟုသာ အသံပေးခဲ့သည်။
သိပ်မကြာခင်ရက်တွေတုန်းက၊ ဘုရင်က အဆိပ်ပြင်းတဲ့မြွေတွေကို လွှတ်ခဲ့တယ်။ ချွေ့ဟွမ်းက သိတဲ့ပုံမပေါ်သလို နမ်ရွမ်းကလည်း ပြောမပြခဲ့ပေ။ နမ်ရွမ်းက ဒီကောင်မလေးကို မကြောက်လန့်စေချင်ပေမယ့် နိုးနိုးကြားကြားတော့ ရှိစေချင်သည်။
ချွေ့ဟွမ်းရဲ့ သိုင်းပညာက အဆင့်မြင့်နေခဲ့ပြီး ဖြစ်သည်။ ဒါမယ့် အာဏာရှင်ဘောစ့်က သူမ မသိနိုင်အောင် အဆိပ်ပြင်းတဲ့မြွေတွေ အများကြီးကို ချီးမုနန်းဆောင်ထဲ လွှတ်ပေးခဲ့သည်။ တဖက်သူရဲ့ သိုင်းပညာက ချွေ့ဟွမ်းထက် အဆင့်မြင့်တာကြောင့်ပဲ အဲ့အချိန်တုန်းက သူမ သတိမမူခဲ့တာ ဖြစ်နိုင်ချေရှိသည်။
အကယ်၍ ရှောင်ပါးရဲ့ သတင်းပေးမှု့တွေမရှိခဲ့ရင် နမ်ရွမ်းလည်း ထိပ်လန့်ကြောက်ရွံ့နေခဲ့ပြီး ဒီရက်တွေမှာလည်း ကောင်းကောင်း အိပ်လို့မပျော်နိုင်လောက်ဘူး။ နမ်ရွမ်းကို ဖြေရှင်းဖို့ ဒီဘုရင်က ဘယ်လိုအန္တရာယ်တွေပေးမလဲ ဆိုတာကို ဘယ်သူသိနိုင်မှာလဲ?
ရှောင်ပါးက အရမ်းဝမ်းနည်းခဲ့တယ်။ ဒါပေမယ့် သူက ညတိုင်း နိုးနိုးကြားကြားရှိခဲ့ပေမယ့် နမ်ရွမ်းကတော့ ဝက်တစ်ကောင်လို အိပ်နေခဲ့သည်။
လူတစ်ယောက်နဲ့ သားရဲကြီးတစ်ကောင်ကတော့ သူတို့ ခဏတဖြုတ်လောက် အန္တရာယ်ကင်းသွားပြီလို့ ထင်ခဲ့ပေမယ့် သူတို့က ဒီအာဏာရှင်ဘောစ့်ရဲ့ ရက်စက်မှု့ကို လျော့တွက်ခဲ့ကြတာပဲ။
နမ်ရွမ်းက ဒန်းပေါ်ထိုင်ပြီး ချွေ့ဟွမ်းဆက်သတဲ့ လက်ဖက်ရည်သောက်ရင်း ဖရဲသီးစေ့စားနေတဲ့အချိန်မှာ ရှောင်ပါးက ရုတ်တရက်ကြီး အော်ဟစ်လိုက်သည်။
"မကောင်းတော့ဘူး၊ မကောင်းတော့ဘူး"
နမ်ရွမ်းက မသိစိတ်နဲ့ တုံ့ပြန်မိသည်။ "မီး?"
"ဘာ မီး တုန်း!! အပြင်ဘက်မှာ လူလေးယောက်ရှိနေတယ်။ သူတို့အကုန်လုံးက ကျွမ်းကျင်အဆင့်တွေပဲ။ သူတို့က မင်းရဲ့ခွေးဘဝကို ယူဖို့ လာတာပဲ။ ဒီအာဏာရှင်ဘောစ့်က အမိန့်ပေးလိုက်တာပဲ ငါကြောက်တယ်။"
YOU ARE READING
VHBA : Tyrant's Cold Palace Abandoned Fei (Myanmar Translation)
RomanceNovel: "VHBA :The villain has blackened again " Author(s): 裸奔的馒头 English Translator: Novice Translation Link: https://www.novicetranslations.com/project-list/ongoing/the-villain-has-blackened-again/ ‼️This story is not belong to me, just for Myanm...
