LovelyPoems

Babae

Babaeng kay ganda isinilang ng Babaeng Ina

Babaeng sa atin ay nagsilang
Paghihirap ay tiniis upang mundo ay ating masilayan

Babaeng naging Ate at Ina sa kapatid at anak
Bantay at kasama sa lungkot at galak
Babaeng naging mabuting asawa sa kanyang kabiyak

Babaeng malambot ang puso
sa pamilya
Babaeng ibinigay wagas na pag-ibig upang itoy maging masaya

Babaeng may pangarap
Babaeng may pusong busilak

Ngunit bakit ang Babae ay nagagawang saktan
Inaagaw ang dangal
Buhay ay sinasayang

Babaeng pinaluluha
Babaeng binabalewa

Babaeng laging biktima ng mundong makasalanan
Babae na dapat sana ay protektahan

Babaeng sa atin ay nagsilang
Ngunit buhay ay sinisira lang

Babaeng dapat ingatan
at igalang
Babaeng dapat ikarangal
Babaeng dapat ay minamahal

Babaeng may pusong busilak
Babaeng kayang abutin lahat ng kanyang pangarap

Babaeng may tapang
na ipaglaban ang karapatan
Babaeng may paninindigan
Babaeng may dangal
Babaeng wagas kung magmahal

writist_j ❤