صدفه

البار الاول

فظلاً وليس امراً ياأقمار اي واحد يدخل للقصه يتابع الحساب قبل لتقرون ♥

القصه حقيقيه تغيير الاسماء مع عدم ذكر المناطق نذكر المحافظات فقط

بدون زحمه قبل قرائة القصه سوو متابعه للحساب حتى توصل الاكثر عدد ممكن

ولتنسون التصويت ♥

شمس #صارلي يومين من رجعت من بيت جدو وتلفوني وكع بالمي ومكدرت اتصل بصديقاتي ولا اعرف اخبارهم من بداية العطله رحت الماما كلتلها اريد اروح اشوف رونق كلش مشتاقتلها صارلي ٣ اشهر مااعرف اخبارها ماما كالت خلي واحد من اخوانج يوديج لتروحين وحدج ابوج ميقبل رحت بدلت اني محجبه لان بابا اصله بصراوي ومن نوع ملتزم بالعادات والتقاليد بس بحدود المعقول يعني مو متعصب اني عندي اخت وحده اكبر مني بسنه اسمها
(قمر عمرها ١٩قمر اطيب كلب ممكن نصادفه بحياتنا هيه تشبه بابا سمره وعيونها تخبل بس خشمها شويه مأثر على شكلها اني اشوفها تخبل بس الناس كلمن يشوفها يكلها انت حلوه بس خشمج مخربج بس هيه متهتم عدها ثقه بنفسها )
واخوه ٣
(غسان الكبير عمره ٣١ ) و(حسام عمره ٢٨)و(حسن عمره ٢٤ )
واني اصغر وحده بيهم

بعد ماعرفتكم على شمس واهلها نرجع نكمل
رحت بدلت لبست صايه فوك ملابسي وشال خليته بأهمال بدون ترتيب لان بيت رونق كلش قريب عليه رونق صديقتي من خمس سنوات اجرو يمنه وداومت وياي بالمدرسه وصارت اقرب صديقه الي
رحت ادور على واحد من اخواني يوصلني ليكت حسن كاعد يشرب حليب ككو بالصاله كتله حسوني حساني

حسن ،،صارت بيها حسوني وحساني ولابسه صايتج معناها طلعه من الاخير مابيه حيل

شمس ،،فدوه حبيبي والله كلبي طاك على رونق

حسن اذا رونق امشي لان قريبه بس مااروح وياج اوكفلج بالباب لحد ماتوصلين وادخل لان ميت تعب

شمس ،،اوك
وكفلي حسن بالباب واني رحت وصلت البيتهم دكيت الباب صاح ولد اجيت اشرت الحسن انو يدخل لان موجودين هوه هم اشرلي بايده اوك ودخل انفتح الباب وطلعلي ولدلابس دشداشه بيج وطويل كلش يمكن اوصل الخصره اني تفاجئت هذا اول مره اشوفه ومبين مو منا كتله سلام عليكم بدون زحمه رونق موجوده
ماجاوب صافن بوجهي رجعت حجيت اخويه تسمعني كال هاااا
ردت احجي اجت بنيه تطلع اصغر من اخويه حسن شويه سمعتها كالت ها ضرغام ياهو بالباب هذا واكف وساكت صحت بدون زحمه اختي ممكن تجين هيه مدت راسها من وره الباب ورأساً كالت تبارك الرحمان ماشاء الله اني ابتسمت الها كلتلها اسفه على الازعاج بس اني صديقة رونق وجايه عليها ودااكل للرجال مديرد مااعرف بي ميسمع اعتذر هيه كالت ياهو هذ المايسمع اشرتلها على الولد الواكف هيه باوعتله لزمته من جتفه وكلتله يااا ضرغام شمالك هوه رأسا باوعلها ورجع باوعلي فرك وجها وكلها اكلج فاطمه انه عدل يو متت هيه خربت من الضحك كلتله خايب ماتجوز من سوالفك هوه رجع باوعلي كال جا حور العين موش بالجنه شجابها ببغداد هذا الحجي كله واني واكفه بالباب كلتلها عفيه حيصير الليل واني مشايفه رونق ممكن تصيحيها صفنت البنيه بوجهي كالت يارونق