كافي لاتعتب يكلبي
ماااكو واحد نشتكيله
النوك ناخت واهلي نووووومه
وراح تبعد ليله ليله
موووت واسترني يكلبي
بديره تكره طاري شيله
عليك العافني وراح موت وخلني ارتاح 💔
________________________________
ياسر : اجه حسام لزم ايد اخته
حسام : خيتي تعالي شوفيهم وودعيهم لا تسوين هيج
شمس : حسام ليش تبجي ؟
حسام : مشمش تعالي وياي شوفي هذا ابوي هنا بوسي
شمس : خاف يكعد خطيه
حسام ضل يبجي حيل كال علوااا يكعد شفايتلي يكعد مايكعدون بعد
شمس : اوك بس اذا عصب عليه اكله هذا حسام
حسام اي اي
راحت شمس دنكت على ابوها باسته
وبعدين وداها الامها والقمر وهيه تتصرف مثل الطفله المطيعه لا تعترض ولا تحجي شي بس تمشي ويا وتسوي اليكول عليه والكل يباوع حالها ويبجي
وصلت الاسد
شمس : لا لا حسام اسد مزاعلني هسه اذا فز يعصب عليه
حسام : لا حبيبتي مايعصب عليج هوه يحبج
شمس : يعني راح يصالحني ويرجع يكلي يرويحة اسد ويخليني انام بحضنه
ام عمار سمعت كلام شمس ضلت تصيح بعلو صوتها
يممممه اسسسد يمممممه اكععععد ولك شوف حبيبتك شصار بحالها وللللللك اكعددددد يمممممه طيب خااااطرهاااا بعددد امك لا تخليهااااا حسره بكلبها
شمس بس صافنه على ام عمار كالت اذا ابوسه ميعصب
حسام لا مايعصب
دنكت لزمت وجها بأديها وباسته حيييل
شمس: راح تكعد وتكلي هلا برويحة اسد مووو
اباوع على حسام كاعد وراها ومخلي راسه على كتفها وجسمه يهتز من البجي اجه حسن لزمها كومها اخذها وطلع للسياره كال انه راح اخذها بره تنتضر بالسياره الشمس حركة راسها وهيه ماحاسه خلينه الجنايز من جديد على السيارات
وابن مشمش اخذه فارس وصعد وياها هيه وحسن وره وهوه كعد بالصدر انه سقت والباقين كلهم صعدو بيت ابوغسان انقفل
اتجهنه للنجف وصلنه تقريباً بالخمسه العصر اخذناهم للمغسل وكفنناهم ورحنه للامام لكينه اهلنه واهل ابو عمار كلها هناك منتضرينه كب الصريخ مال النسوان واخوان اسد وخواته خطيه حالهم حال شمس كايدها حسن وتمشي دمعه وحده لحد هسه ماطاحة منها
بس وصلت يمهم مااشوف اله مره سمينه وطويله حيل سمره اجت تركض وجرت مشمش من ايد حسن بحيث من المفاجئه مالحك يلزمها وكعدت على اركبها فوك شمس وضلت تضرب بيها راشديات بكل قوتها وتصيح حسن يجر بيها ماتنجر جنها ثور انه تخبلت رحت ركض عليها وهيه مستمره تضرب بيها وتصيح اجه فارس انطاني كرم وراح يريد يوخرها مااشوف اله مهند وعمار ركضو جروها بكل قوتهم وعمار ضربها ضربه على وجهها خربط ملامحها اكثر مما هيه مخربطه وهيه تلعلع حتى ماباوعت على رجلها ولا شافته كل همها تنتقم من شمس
أنت تقرأ
صدفه
Romanceصدفه قصه بقلم نورس الركابي تتكلم القصه عنت بنت مدلله تسكن بغداد من اصول بصراويه لاكن تتغير كل حياتها بمجموعة صدف كل صدفه تترك اثر كبير في حياتها
