صدفه

البارت الخامس

ليتك لم تكن شيئاً

ليتني لم المحك ابداً

ليت الايام لم تعرفني بك

اخبرني انت ماذا افعل في تفاصيلك المحفورة على صخرة في ذاكرتي

لو ان الحب قراراً مااحببتك

فارس
♡♡♡♡♡♡♡♡♡♡♡♡♡♡

شمس :فزيت نص الليل على صوت صياح وضرب على باب طفرت من فراشي ورحت اركض فتحت الباب جان الكه الكل واكف بباب غرفة فارس ويدكون ويصيحون بس ميرد عليهم رجعت بدلت ولبست شالي وطلعت سألت رنا

شمس: رنا شنو شبي فارس؟

رنا :ولج وين جنتي البيت مكلوب هوسه وابوج وجدي تعاركو وي فارس حته ابوي كام يحجي عليه وهوه ساكت كلشي ماحجه بعدين عمي كال مادام انت هيج ماتحترم ماالك مره يمي الضاهر انت زعطوط وانه مااامن بنتي عد واحد زعطوط مثلك

وهذا تخبل ضل يصيح

فارس: انتو شبيكم انه شحجيت تره كبرتو الموضوع زياده عن اللزوم انه كلت رايي ماكفرت لو عاجبكم تزوجون البنيه وهيه بعدها طفله بس حته ماتزعلون شيخ خالد
وبعدين هيه وين تكدر تعيش عيشتهم

شمس :هيه منو اليردون يزوجوها وشيخ خالد شجابه بالنص ؟

رنا :والله خيه ماادري هوه حجه وصعد الغرفته شويه وسمعنه عمار يدك بالباب مال غرفته ويصيح لمن صعدنه كال لاكيته بالدرج خشمه نازف دم ودايخ حته راد يطيح من الدرج بس دخل الغرفته وقفل الباب وماجاي يقبل يفتح

(طبعا اكو ٢ عمار بالقصه اخو فارس وشيخ عمار ابن الشيخ خالد )

شمس :وقمر وين شوماكو ؟

رنا :قمر من سمعت ابوج كال الفارس ماالك مره يمي لحد هسه تبجي يم حبوبتي جوه

واحنه نسولف فارس فتح باب الغرفه وطلع بيده ملابس وخاولي راح للحمام

احنه من شفنا مابي شي نزلنه بقه بس عمو ياسر يمه
رحنه الغرفة بيبي لكيناها تبجي وخايفه على فارس وماتكدر تصعد طمنناها وكعدت يم قمر

شمس :شبيج حبيبتي ليش مقهوره تره مو بسهوله ينتهي كلشي كلام بابا بساعت عصبيه هسه يهدئون وكلشي ينحل لاتفكرين

قمر :شمس تره فارس مو طبيعي بي شي واحتمال كبير يكون مجبور عليه والا شتفسرين تصرفاته

شمس: ليش هيج تكولين واذا هوه موزين وياج ليش ساكته ؟

قمر :لج لا فهمتي غلط هوه كلش يحترمني وابد مامره ضوجني بكلمه ولا يوم من الايام قلل احترامي

شمس :لعد شبيج والله خبلتوني هسه شنو الحل تبقه هيج علاقتكم سطحيه مااحسكم مخطوبين يعني تقريباً مثل قبل تتصرفون وي بعض كأولاد عم وبس