صدفه

البارت الثاني عشر

لاتڪـتب حـــرف وتلــوم العيون
ولا تڪـسر گــلب وتـگـلـه آســف
ولاتضحڪ چذب لومرڪ الضيج
و اذا طاح الغصـن لوم العواصف
فـرق بيــن لرجف وبـگلبه نــيران
وفـرق بين لرجف وبگلبه خايف
ومـثل طـبع الصرايف لازم نصير
لجل وحده تشب ڪل الصرايف

________________________

شمس :بس طلعو اجتي ماما كالت لبسي صايتج وشالج ابوج وجدج والولد كلهم يردون يدخلون يتباركولج

لبست واجوي واجوي كلهم اول مادخل بابا حضني وباس راسي وباركلي والكل نفس الشي واخر واحد فارس
اووووف يافارس لو اعيش عمرين مراح انسه نضرته بساعتها وشلون حلكه يرجف وهوه يكولي الف مبروك بنت عمي

شمس : الله يبارك بيك
وعفتهم وانهزمت متحملت ابقى اكثر لان راح ابجي كدامهم رغم اني ممواعده فارس بشي بس حسيت بالذنب تجاها

رحت سبحت وبدلت ونمت نسيت اسد يريد يخابر غفيت من كد التعب حتى متعشيت ولا متغديه فزيت ب٢ بالليل علي رنت الفون مالتي فتحت عيني لكيته رقم غريب مرديت رجعت غفيت شويه دك الفون من جديد رقم شيماء رديت واني مغمضع عيوني خاف تطير النومه

شمس :: الووو

اسد : يبعد الالو واهله شهلصوت اليذوب الحجر نايمه حبيبتي

شمس : هلو اسد اسفه والله غفيت من التعب

اسد : نوم العوافي يرويحت اسد روحي حبيبتي كملي نومتج انه هم تعبان راح انام وباجر نتخابر بس تره دزيتلج رساله من رقمي حفظي يمج

شمس : اوك تصبح على خير

اسد : وانت كل الخير

سديته ورجعت نمت وبقينه اني واسد نتخابر كل يوم يخابرني بكل وقت ويحجيلي كلشي عن يومه وكل تفاصيل شغله وعن اهله وبناته وشنو يسوون كلشي الحد ملكيت نفسي متعلقه بي وبكل تفاصيله بدون ماانتبه لكيت نفسي من يتصل اركض للفون وارد بلهفه ضليت اشتاق اسمع صوته واعرف شلون مشه يومه وشسوه بس المنغص عليه انو مااكدر اني اتصل بي مثل ماهوه بأي وقت يعجبه يتصل لان اخاف يكون يم زوجته واسببله احراج

قموره بهاي الفتره خطبها ولد اخو صديقتها وتمت خطبتها

بيبي بهاي الفتره كلش تخربطت وضعها تعبان وعمو خابر بابا كله تعال تره امي جاي تموت رحنه كلنه للبصره وصدك يومين وتوفت بيبي

وفاة بيبي كانت اول فاجعه بحياتي بيبي حنينه وتحبنه هواي وكلش اذانه فقدانها انهارت اعصابنا مرت علينه ايام سوده مصايره

بأيام الفاتحه خوات اسد وامه وفطومه ابد متركني لااني ولا البنات وكفن ويانه وكفه متنسي

واسد كلساع يخابر على وحده منهن يسأل عليه مرات احاجي ومرات لا يسمعني ابجي واصيح وهوه يتخبل ويسد الفون يكول مااتحمل انت بهاي الحاله واني مو يمج واكدر اواسيج