هـنيالـه ألـــ مـــا عـشــگ ونـعـاف
لا شـــــامـت يغـثه ولا يتـــعبه اللــيل.. 🚶♂️😞💔
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
شمس : اخوي حسام كال بنت عمي الي اني اولا بيها من الغريب واني نسيت نفسي وطفرت من مكاني وصحت بعلو صوتي يسسسسس ورحت شمرت نفسي على حسام وضليت ابوس بي واصيح يعني رنا حتعيش ويانه بعد منفترق لك حسومي احبك يااحلى اخ بالدنيا
وحسام خربان من الضحك بعدين انتبهت على نفسي وذيج الفشله المضبوطه للمره الالف ههههه بس شأسوي من فرحتي نسيت
رحت ادور على رنا لكيتها بالمطبخ بس مبينه سامعه كلشي ويمها عمه نضيمه اني دخلت وهيه طلعت
اجتي قموره واستلمنه رنا هلا بجنتنه
رنا : شبيجن شني جنتنه جا انه يمته كلت موافقه
شمس : 😯يعني متقبلين
رنا : لاجا غير اتعزز شويه حته اخوجن مايكول ذابه روحها عليه
شمس : قمر : ههههههههههه شكد خبله
شمس : طلعت للحديقه ردت اجيب عباية ماما مشروره بره واخذت قوطيه ببسي بارده اشرب وامشي
لكيت فارس كاعد كتله عزززه هاي شنو انت مو جنت جوه بالصاله كاعد
فارس: اي طلعت من يمجن وانتن ملتهيات بجنتجن
شمس : هههههههه تريد تتعزز جنتنه العاويه
فارس : مادام كلبها خالي ماراح تفرق عدها واكيد حسام احسن من الغريب
شمس : اكيد ولاتنسى يكفيها فخر راح تعيش ويايه 😌
فارس :دنك راسه ودار وجها للجها الثانيه وهوه ينفض الجكاره كال يابختها
شمس : هااا
فارس : ووجعا كلشي تردين تسمعين جنج كطوه بس شمشمين اخبار
شمس : ههههه لا صدك فارس شبيك وضعك مو طبيعي احسك شايل هموم يعني اكو واحد بهلحر يكعد هنا
فارس : تصدكين مامنتبه للحر ولا ادري بروحي وين كاعد
شمس : اني احتاريت بيكم انت وقمر المن اواسي والله مااحب اشوفكم هيج شنو ديصير وياكم ليش احس اكو فجوه كبيره بينكم وكل يوم تكبر اكثر
شنو نهاية علاقتكم الله يخليك فارس اذا تشوف نفسك متكدر تكمل وي اختي اتركها لاتكسر كلبها لان اذا حبتك مستحيل تكدر تتحمل اي كسر منك قمر حساسه ورقيقه كلش
أنت تقرأ
صدفه
Romanceصدفه قصه بقلم نورس الركابي تتكلم القصه عنت بنت مدلله تسكن بغداد من اصول بصراويه لاكن تتغير كل حياتها بمجموعة صدف كل صدفه تترك اثر كبير في حياتها
