صدفه

البارت العشرون

‏‎گولوله العشگ ذمة .....
وگولوله العيون شما تشوف تريد
بس تنترس مـــِْن تعمه
وگولوله تره اليعشگ صدك ميموت 💔
بس يموت لمن ينذبح حلمه 😔

________________________

شمس : بابا رجع البغداد وماما بقت يمي بالبصره بعد بهاي الفتره ماما مهتمه بكرم اني بس ارضعه والباقي كله عليها
بعد عشر ايام شلت الخيط طبعا عمليتي كبس يسموها يعني بعد فتره ويختفي الاثر او يبقه خط خفيف ميبين

بعد مشلت الخياط مال العمليه ماما رادت ترجع البغداد لان متتحمل تبقه بعيده عن البيت وبابا واخواني اكثر

اني هنا ضليت محتاره شلون حكدر اداوم وابني منو يمه ماعندي احد بس زينب ومتعرف للاطفال بقيت اتوسل بماما تبقه

ام غسان : ماما مشمش هوه مو يوم ويومين حتى اكدر ابقه يعني السنه توها بدت يعني اذا ابقى لازم ابقى للعطله واني يابنتي مااكدر اعوف البيت هلكد

اجه عمو ياسر توسلت بي يشوفلي حل للنقل كال والله ماجاي يصير اخير شي  قررت هاي السنه اترك الدوام بس كلش مقهوره اني بالمرحله الثانيه راحة عليه سنه وهسه هم لعد شوكت اتخرج

بيومها اجوي عيالي كلهم زلم ونسوان واسد اجه وياهم

اجوي رادو يرجعوني وعلى انو خطيه ابنهم وابننا غلطان واحنه جايين انريد تنطي فرصه ثانيه كلتلهم عذروني اني البيت الانطردت منه ماارجع ادخلله

شيخ خالد :بويه غلط وانلعب بعقله وعرف غلطه وتندم وهل جاي يعتذر منج

شمس : عموو يعني هوه جان مصدك كلشي ومواثق بيه اله لمن انتو كشفتوها اله شلون تريد انسى بسهوله

الشيخ فلاح : جدي انه وشيباتي متعني وجايج ماالي خاطر

شمس : جدو والله جيتك على عيني وراسي بس والله كلامه يزرف بكلبي لهسه وخليت ايدي على وجهي وضليت ابجي

عمه ام عمار مخليه كرم بحضنها واسد كاعد يمها من شافتني ابجي حجت

ام عمار : يمه شموسه حبيبه لاتقهرين روحج مو زين بعدج نفسه وهذا ابنج يتأذه من حليبج

شمس،: عمه اني اموت الف موته كل ما اتذكر كلام اسد وطرده الي

اسد: يرويحتي كافي بجي الله لاينطيني العافيه  ان شاء الله على هلعمله انه شسويت بروحي وبيج

شمس : حسيت كلبي رجف من دعى على نفسه ووجها صار احمر  صحت اسم الله لتكول هيج  .

امجد : كال جا انت مو مزاعلته على كولتج

احمد : لا مو بس هيج وهوه مو حلو ومو حباب هههههههه ضلو يضحكون

بعدين رجع الشيخ فلاح كال انه جدج والي حك عليج اذا رديتيني وانه متعني وجاي بنفسي بعد انه لا جدج ولا اعرفج