دخلت للقاعه احس نفسي كلش تعبانه
اووووف ياربي والله مابيه حيل شيخلص اليوم دخلت بنيه وياي اسمها ساره
ساره ،،،،ها شمس شبيج حبيبتي شونايمه على الستيج
شمس ،،،لاحبيبتي ماكو شي بس احس نفسي مصخنه اليوم خلت ايدها على كصتي كالت اي انت مصخنه هسه اول محاضرة هيه دكتور سامر امتحني وطلعي للبيت ارتاحي هنا بارده
شمس ،،ان شاء الله خليت راسي على الاستيج وغفيت اسمع اصوات هواي ناس واكو قريبين مني واحس يتحسسون كصتي بس مااكدر ارفع راسي ولا افتح عيوني سمعت صوت دكتور سامر
سامر ،،،هاي شنو شبيها شمس
ساره ،،، كلش مرتفعه حرارتها
خله ايته يتحسس حرارتي اني رفعت راسي كوه اباوع عليهم اشوف مغوش مو واضح ودايخه جابو مي غسلو وجهي فزيت المي بارد كال دكتور سامر شمس تسمعيني انت منتبها اشرتله براسي كال كومي خل اخذج للمستشفى اشرت براسي لا ضلو يلحون مقبلت كال زين امشي بالمكتب مالتي ونخابر على احد من اهلج يجي ياخذج سندني بنات واخذني للمكتب
منتجيه على القنفه وغافيه فزيت لكيت فاطمه يمي ودكتور سامر كاعد كبالي
فاطمه ،،،، مشمش حبيبتي شبيج سوده عليه ولج لاتخوفيني عليج معقوله الصخونه هيج تسوي بيج كلتلها خابرتي اهلي كالت لكيت الدكتور متصل على ابوج وهسه هوه جاي شويه ودخل بابا وويا غسان خايفين
طبعا متصل من فوني لان اني ممخليه رمز لان هذا الفون مابي صور
سرحان ،،،،، بنيتي شبيج يروح ابوج خوفتيني لزم ايدي دار على غسان ولك هاي مشتعله نار
غسان ،،،، امشينه ناخذها للمستشفى تنزل حرارتها والعصر ناخذها دكتور اخصائي
اخذوني اهلي وطلعت عندي حمه فايروسيه ضليت نايمه بالفراش اسبوع كامل حرارتي ماتنزل وبعدها ضلت تخف الحراره وراحت بس جسمي بقه تعبان خطيه قموره مكابلتني وكاعده ساعه تسوي كمادات ساعه تسوي عصاير وتجبرني اشرب تعبت وياي كلش وماما وياها خلوني جوه بالصاله على القنفه ماقبلو اصعد الغرفتي
حته ابقى كبال عينهم
بعد اسبوع غياب عن الدوام ونايمه بالبيت القنفه النايمه عليها كبال الباب واني غافيه فتحت عيني على صوت غريب يمي شفت نسوان ٢ وبنيه بكدي كاعدات على القنفه الكبالي والباب مفتوح وماما واكفه يمه رفعت عيني لكيت دكتور سامر كبالي واكف وعينه عليه واني مالابسه شال هوه من شافني باوعتله رأسا دار وانطاني ضهره اني كمت وي ماوكفت طلع بابا وحسام دخلو للاستقبال حته يفتحون الباب ويدخلو
النسوان شافني كمت ضلن يصلن على النبي واني سلمت عليهن بدون مااعرف هنه منو
عاد كالت وحده من النسوان الكبار لابسه جبه وحجاب ابيض سمينه شويه كالت اني ام سامر وهاي خالته والبنيه اخته كلتلها قصدج دكتور سامر كالت اي
أنت تقرأ
صدفه
Romanceصدفه قصه بقلم نورس الركابي تتكلم القصه عنت بنت مدلله تسكن بغداد من اصول بصراويه لاكن تتغير كل حياتها بمجموعة صدف كل صدفه تترك اثر كبير في حياتها
