صدفه

البارت الواحد والعشرون

#عريان_يگول:-
بكل مكان بغيبتك تارك #نشد💔
.......المو عزيز وداعتك ما #ينفگد✋ا

______________________

شمس : رحت للغرفه دكيت الباب مردت فتحت الباب ودخلت لكيتها نايمه كعدت على السرير وحاجيتها

خاله  خااله خالاتي شنو هلنوم شبيج اليوم هم مردت لزمت ايدها ثلج خاااله ماكو اي رد اني هنا رجف كل جسمي كلبتها عيونها مفتوحه كلش قليل يعني لا هيه مغمضه ولا فاتحتهن عدل ووجهها اصفر كلش ضليت صافنه بوجهها كمت وكفت رجليه ترجف رجفه مو طبيعيه واحس الضربات مال كلبي صوتها بأذني اريد احاجيها مااكدر درت وجهي وطلعت اريد اصيح عمار يشوفها بلكي تطلع متخربطه لو فاقده الوعي وهسه تصحى بس المشكله مااكدر امشي عدل لان الرجفه الصارت برجليه مو طبيعيه نزلت مااعرف شلون وصلت للصاله باوعت كلهم بعدهم على كعدتهم بس همه من شافوني كانو يحجون رأساً سكتو واسد حاجاني مااعرف شكال مسمعت راحت وكفت يم عمار اريد احجي مااكدر هوه من شافني وكفت كباله كام من مكانه  واسد هم وكف عمار  حجه وياي وهم مسمعت شكال

لزمت ايد عمار هوه باوع الايدي ورجع رفع راسه باوعلي جريته من ايده واتجهت بي للدرج هنا الكل كام واجه وراي بس اني مااكدر امشي سريع الرجفه متخليني ضلو كلهم مترقبين تصرفي ويمشون وياي على كيف واني لازمه عمار وامشي كدامهم عمار يمشي ويباوع على ايدي ومتعجب تصرفي
صعدت وديته للغرفه مالته دخلت عفت ايده ورحت الشيخه باوعت عليها ورجعت باوعتله هوه باوع عليها انصدم وركض كعد يمها يحاجيها ويهز بيها وهيه مصدر منها اي رد رجع باوع عليه حاجاني بس مااسمع شيكول ضل يأشر ويحجي وياي واني بس صافنه بوجها

اجه اسد لزمني من كتفي وضل يهز بيه بس والله مااسمع شيكول اباوع على عمه ام عمارضلت تضرب على راسها وشكت دشداشتها ومبينه تصيح وتيجي البنات يبجن عمار حاضن شيخه وكتفه يهتز وارجع اباوع على اسد يحاجيني ولازمني الولد كلهم يجرون بعمار دخلو ولد عمهم وفرحه وام ضرغام وعمامهم الباقين وولدهم ودخلت ام سيف لان همه بيت بصف بيت والصوت مسموع  الغرفه صارت ازدحام
هذا كله واني على وكفتي بس اباوع دمعه وحده منزلت ولا كلمه حجيت ولا حتى اكدر اتحرك اباوع على اسد جرني من ايدي طلعني بره الغرفه واني مثل الانسان الآلي امشي ويا وكفني قريب غرفتنا شفت ابني بيد زوجة امجد وهم مبين يبجي

اجه سيف حجه وياي واني صافنه عليهم  بعدين حاجه اسد اسد ركض واجه بيده كلاص مي شمره بوجهي مي بااااارد رأساً شهكت وصرخت صرخه احسها طلعت من كل كلبي وكعدت على اركبي فرفحت من البجي كعد اسد يمي اخذني الحضنه وضل يهدء بيه

اسد : خوفتيني عليج يرويحتي 

شمس : شلون ماتت ليش ليش وابجي

اسد : قضاء ربج هذا حبيبتي لا اعتراض على حكمه خليج قويه يروح اسد لايصير بيج شي

رفعت عيني شفت الولد وعمار طلعو شايليها ببطانيه هيه كانت سمينه يعني ميكدر واحد وحده يشيلها وخاصتاً الميت يصير ثكيل وزنه فهمه فارشين بطانيه ومخليها عليها وشالوها من كل جها واحد طلعوها واخذوها للمستشفى اسد من شاف وضعي هيج والبنات ملتهيات هم خطيه يبجن واحلام كاعده على الدرج وتباوع عليه وتصيح شلون عهار هسه وهدنت الرجال عايف اخو ومحتار بيها هوه عاط بيها سكتت