صدفه

البارت العاشر

اصيحن اخ يا كلبي وجرحاي

وعاين بالوكت كوه وجرحاي

جروح الناس تتشافه وجرحاي

اخيط هاي تنزف هاي بيه

______________________

قمر : دخلت لكيت ماما تصيح مشمش ماما تسمعيني

بس هيه مترد نايمه اني هنا متت من الخوف حتى مكدرت احجي واسأل شبيها وليش يصيحون كل تصوري اختي ماتت مع العلم صوت جهاز القلب يشتغل بس مااعرف من كمية الخوف العشتها ذيج اللحظه مخلتني انتبه الاي شي غير اختي النايمه كدامي على السرير وجهاز الاوكسجين على خشمها وهيه مغمضه عيونها الممبين منهن شي غير الانتفاخ واللون الازرق
دخل فارس وويا الدكتور وصل يمها وفحص نبضها وفتح عيونها وسأل ماما

الدكتور : شنو الي صار فهميني الولد كلشي مفهمت منه بس يصيح ويركض

ام غسان : دكتور انت مو كلت اي مؤشر حيوي يبين عليها معناها جاي تستجيب النه وتكون علامه على انو راح تفيق

الدكتور : صحيح

ام غسان : هيه حركت رجلها بصوره سريعه يعني شلون فزه وبنفس الوقت انت بصوت كلش ناصي

فحص الدكتور اختي وكال اذا فاقت اليوم هواي تقل نسبة الخطر بس تبقه عدنا مخاوف اولها احتمال اصابتها بصرع او شلل مؤقت بالاطراف وهذا هواي اسهل من الصرع لان مجرد ايام تستمر على العلاج الطبيعي وترجع مثل ما كانت

هذا غير الالم الي راح تحس بي اول متفيق بسبب كسر ايدها همه صح عدلو العظم الها بس تحتاج عمليه ونخليلها بلاتين

ولهذا السبب احتمال بس تصحى تحرك ايدها بدون متعرف او من شدت الالم اليصير عدها راح تحركها اريد عينكم متغفل عنها هيه احتمال منا للعصر او لليل تصحى

راح الدكتور واني اباوع ماما كوه واكفه سندها حسام وحاجاها

حسام : يمه حبيبتي بس اسمعيني انت مو سمعتي الدكتور كال احتمال تصحى العصر او بالليل زين انت شلون راح تقاومين وانت هسه وكفه متكدرين توكفين روحي هسه للبيت اكليلج لكمه ونامي حتى لو ساعه وتعاي فده يمه سمعي الحجايه ولا تعاندين هيج انت راح تتخربطين وتوكعين علينه روحي ارتاحي حتى تصير بيج قوه وتكدرين توكفين وي بنتج

وهم شوفي ابوي من صار الحادث وهوه وضعه مو طبيعي صحته متخربطه ومايقبل نعرضه على الدكتور والبارحه بالليل اهنا بالمستشفى هم تخربط وطلع سكره صاعد هسه عمي فرحان والولد يمه بالكوه مانعي يجي روحي ارتاحي لا انت هم تتخربطين علينه

ام غسان : اني راح اروح اي ابد مااريد عيونكم تغفل عنها لحظه وحده ابد

حسام : اي روحي ومعليج هسه عمي ياسر ياخذج انت وفارس هذا الثاني ماادري شنو فلمه ماجاي افهم ليش هيج وضعه يعني درينه هوه متعلق بيها من جانت صغيره ويحبها بس احنه اخوتها وهيه روحنه من الدنيا متصرفنا هيج