مرات من يبجي البشر موعلى الشخص على العشرة المايوكف بعينه الدمع توكف بعينه ذكره💔🚶♂️
________________
شمس : ردنه نطلع الصبح البغداد الساعه بال7 طلعنه شفت سيارة اسد من بعيد واكفه ولان المنطقه زراعيه ومابيها هواي سيارات حتى حسن انتبه بس صعدنه بالسياره هوه نزل راد يعبر الشارع النه حسن شخط السياره ومشه بس اني متت من القهر من شفته مشتاقتله مووت رغم كل السوا بيه بس كلبي حقييير يحن اله وخاصتاً من جاي اشوفه هيج تعبان شكله وكأنو مريض
المهم خلصت الطريق نوم وصلنه الضهر دخلت للبيت تلكوني اهلي ورنا ومروه سبحت وتغديت ونمت العصر اجتى قموره وصفاوي حبيبي يخبل وسنو تغار منه تونسنه عليهم
بالليل
خابر فارس
شمس : الووو هلو فروس شلونك
فارس : فروس بعينج شني ولج فروس احس روحي مخنث بهذا الاسم
شمس ،: هههههههه لتزعل ابو الفوارس
فارس : اي هيج صيري ادميه واحجي عدل
شمس : شنوو هاي يعني حصير ام وانت ترزلني
فارس : تبقين بعينى ذيج الطفله الي من تبجي تغفه رأساً وتضل تشهك وهيه نايمه
شمس: يعني انت مخابر حتى تقلد عليه
فارس : لا ردت اشوف شلونج اليوم واوصيج مو ماتاكلين تره حفيدي ضال تحت رحمتج
شمس ،: هههههه تره خبصتنه بحفيدك بعدين وين اكو واحد بعده ممتزوج وعنده حفيد
فارس : انت بنيتي وهذا حفيدي وغصب عن اليرضى والمايرضى
شمس : فارس ليش متتزوج ؟
فارس : شمس ليش تنكدين عليه اعرف الشنو تلمحين ولا تخافين الي ببالج مو صحيح
شمس : وشنو الي ببالي ؟
فارس انت عبالج انه متأمل تتطلكين واخذج
شمس : صحيح وخايفه عليك من هذا الامل مااريدك تنكسر بعدين لان اني وانت نعرف هذا الشي مستحيل
فارس : لاتخافين عليه بنيت كلبي انه ادري انت مو الي وادري كلبج مو الي ادري بيج تحبين زوجج وهم ادري ابنج او بنتج من يجي للدنيا راح يحتاج ابو الحقيقي لا تفكرين بيه ولا تشيلين همي فكري بس بحفيدي وديري بالج عليه
شمس : فارس يعني كلامي وياك مو حرام مو يعتبر خيانه الاسد واني على ذمته
فارس : لاتخبليني انت شحاجيه وياي حتى حرام انت من جاي تحجين وياي شتحسين ويامن جاي تحجين
شمس : احس نفسي احجي وي اخويه والله احسك حتى اقرب من اخواني الي رغم حنيتهم وحبهم ودلالهم احسك اقرب واحن عليه
أنت تقرأ
صدفه
Roman d'amourصدفه قصه بقلم نورس الركابي تتكلم القصه عنت بنت مدلله تسكن بغداد من اصول بصراويه لاكن تتغير كل حياتها بمجموعة صدف كل صدفه تترك اثر كبير في حياتها
