في احد المنازل تتجمع العائلة حول كبيرها للمرة الأخيرة.
"اشهد ان ل.. لاا إله إلا ال ..الله واش هد انن مُ حمدا رسول الله"
عاش علي ذِكر الله ،فمات علي ذِكره ليعمّ الحزن والبكاء اركان البيت لفراقه
"جديييييييي"
................بعد شهر)............
هندمت هند حجابها وتوجهت لترى من بالباب"ازيك يا عم سيد"
"اهلا يابنتي،اعذريني ماقدرتش اجي لما ."وهنا بدأت دموعه بالكلام
"ربنا رَحمه يا عم سيد، ربنا رحمه،وكلنا عارفين غلاوتكم عند بعض اتفضل يا عم سيد اتفضل"
"على العموم انا مش هعطلك كتير، ياريت لو في حد تاني في البيت غيرك تندهيه"
وبعد مُهلة من الوقت تنزل فتاة للاسفل لا تزال ترتدي الاسود.
"البقاء لله يا نورا يا بنتي"
"ونعم بالله"
وسيد بدأ ينظم كلامه"جدكم وهو تعبان كان حاسس انه خلاص قرب يموت، فساب الفيديو دا ووصاني اوريهولكم بعد فتره علشان تكونوا هديتم شويا "
وسريعًا اخذت هند التسجيل وادخلته في شاشة التلفاز، والذي ظهر به حسن وعم عبدو البواب:
-"السلام عليكم "
" ايه دا ! هي الكاميرا مطلعه وشي تخين ولا انا اللي تخنت!؟"
"ما علينا دلوقتي انا...."
"لا بقا انا مناخيري مش كبيرة كدا!"
"اقفل يابني اقفل واللي عاوز اقوله هكتبهلكم في ورقه السلام عليكم"
"والله يا حاج مانا عارفه اعيط ولا اضحك وحشتنا "وسرعان ما ارتسمت البسمة على ثغر نورا
"الورقة معايا دقيقة "
فتحت هند الورقة وبدأت تقرأ المكتوب:
-اهلي واحبتي بعد السلام والتحيه لكل ست مصرية بتستعمل كرستال جد روش مفيش كلام ،
كنت عاوز اقول الكلام دا في فيديو بس زي ما انتو شايفين الكاميرا مكبرة منخيري وهذا غير لائق!
وعم عبدو قال ايه عاوز يصورني بسناب !
برستيجي كان هيروح فين وانا عامل قطه..!
المهم هند انا بوصيكي بنورا
نورا من موت باباها وانا سندها من بعد ربنا بوصيكي تجوزيها لاحمد يكونوا تحت عنينكِ، وكمان اخوها خلي بالك منه، مهما كبر هيجي عليه وقت ويحتاج حد جمبه
وهتلاقي تحت السرير بتاعي شوية شوكولاتات ابقي وزعيهم علي روحي
عارف انها ممنوعة عليا ونورا كانت بتهربها معايا علي فكرة وبتقسمها فيفتي فيفتي الله يمسي ايامك بخير يابت يا نوري
وسريعًا نظرت هند لنورا نظرة وعيد "كنتي بتهربي ايه كمان في البيت دا يا بنت حسني!"
"بتبيعني يا جدي مكنش العشم! لولا انك ميت بس! هي الشكولاتات بس والله!"
حركت هند اصابعها بمعنى(صبرك عليا)وعادت تكمل الوصية:
-اكيد البت دي قالت عليا حاجة! اسكتي بدل ما اقول لهند علي الاندومي اللي كنتِ بتعمليه من وراها ها اقولها!؟
يقطعني هو انا قولت!
"اندوميييي تاني يا نوراا !!"
"حرمت والله حسبي الله ونعم الوكيل فيك يا جدي هاتي الواصية دي انا هقرأها":
-بتحسبني عليا يا نورا
إلتفتت نورا بعينيها لليمين واليسار بِـ رعب"يجعل كلامنا خفيف عليكم ،بسم الله ولا حول ولا قوه الا بالله ،ورشي الملح تلات مرات تلات مرات"
وعادت للورقة:
-مش مركب كاميرات يا موكوسه كل اللي في الموضوع إني حافظك، نورا خلي بالك من احمد انا عارف انه مش هيستحمل يكون معاكم علشان الواد حساس زي جده ياضنايا
وعارف ان حكاية الجواز دي ظلم ليه
علشان هو خاطب بس صدقيني دا الاحسن ليكم انتو الاتنين وهكون مرتاح اكتر،
وكمان بيني وبينك كان نفسي اطلع الجد الشرير وافرق بين العيلتين وكدا يعني خيوخيوخيو
وهنا ارتفع صوت ضحكة نورا"هو كاتب في الواصية خيوخيو!":
-وبكرا تقولي جدي قال كل اللي طالبه منكم تتجوزوا علي الاقل ست شهور بس وتتعودوا على بعض وبعدين تقرروا تعملوا ايه
دمتم سالمين وادعولي انا محتاج دُعاكم
والسلام عليكم ورحمه الله وبركاته.
"بعد ازنك يا عمتو "وتوجهت للأعلى وهي تمنع نفسها من البكاء، لا يصل لاذنها شيء سوى صوت هند الصارخة بالاسفل "برضو مش هعدي موضوع الاندومي دا يا نوراا "
وامسكت بالوصية من جديد"هنفذ اللي انت عاوزه يا غالي"
وبالمساء يصدر الباب صوتًا معلنًا عن دلوف احد اخر ،طويل نوعًا ما يبدو على عيونه البنيَّه الارهاق.
بتقف هند والتي كانت بانتظاره"تعالى معايا يا احمد في كلام مهم هنتكلم فيه"
وبدون معارضة يصعد ذاك الشاب خلفها الغرفة المملؤة بالعديد من الصور له،وهنا نعرف انه ابنها
"يعني ايه اتجوز نورا !؟
هو جدي مايعرفش إني خاطب ولا شكلي نسيت اعزمه!!
"ما تعليش صوتك عليا!
احمد موضوع رقية دا تنساه! وبالنسبة لرقية انا هتكلم معاها هي ومامتها افهمها ،واللي جدك قاله يتنفذ وتشيل نورا في عينك !و اهو يا سيدي لو مقدرتوش تستحملوا الموضوع تقدروا تتطلقوا بعد نص سنه ،انت عارف انت كنت ايه بالنسبة لجدك وعلشان كدا هو مش مآمن لاي حد مع بنت عمك غيرك لانه عارف انك هتصونها اللي هيطمعوا في بنت عمك بعد موت جدك كتير، فكر وجهز نفسك لان كل ما هتعجل بالجواز اكتر كل ما هيقرب الطلاق اكتر لو لسه مُصر
انا هطلع اشوف نورا وصلت لايه برضو
جلس احمد بِـ فراشه واضعًا وجهه بين يديه" هما فاكريني عيل صغير !مقدرش اسيب رقية بعد المدة دي كلها مش بعد دا كله اطلع ندل معاها !وكمان مقدرش انزل كلمة جدي في الارض اللهم امهلني الصواب"
...............
"رقية"
"نعم!؟"
"انا هتجوز"
اغمض عينه منتظرًا رد فعلها ولكن فور رؤيته البسمة ترتسم على وجهها اتطمئنن.
"وما تقلقيش دا نظام مؤقت بس علشان .."
لم يستطع اكمال حديثه بسبب الخنجر الذي اخترق كبده من رقية
"من يتجوز مرة! يتجوز الف مرة!"
...................................
تعففي_تنالي_رضا_الله♥️
روان عمرو"بنفسج"
أنت تقرأ
خلطبيطة بالصلصة
Humorهل تعلمون ما هي الخلطبيطة بالصلصة؟ -هي أكلة تحتوي على بعض الخضراوات الموجودة بالواقع مع القليل من اللمسات الكرتونية الخيالية. والآن قد يتسائل البعض ما عِلاقة هذا بالرواية؟ -حسنًا ما لا تعلمونه أنَّ روايتتا تلك بقِصصها "خلطبيطة" ،حيثُ "الضحك للجميع" ...
