"واتمختيي يا هلواااه يا زينااااااه جهزتي السمعدان والساجات يا اوختسييي"
لتجيب نورا بضحك"جاهزين يا ابلتشيييي"
نظرت امنيه لهم بضيق"أنا مش مبوظ بنتي غيرك!"
لتجيبها وعد بطفول "فيفسي يا مامي"
لتكمل أمنية"وكسة توكسك انتِ وامك! وبعدين دا منظر واحدة مجبورة علي الجواز وهتتطلق كمان ست شهور"
"يعني عاوزاني اكتأب واعمل كاتنج ناو علشان ترتاحي؟ وبعدين في فوكيرة كدا في دماغي لو ظبطت اليوم هيبقى اشطا "
"فوكيرة ايه ؟"
"خليها مفاجأه"
_______________________
اما على الناحية الأخرى
استقلت رقية المصعد لتبدأ عملها مع هذا البغيض بنظرها
وقفت امام المكتب لتسأل الفتاة المسئول عن قسم السكرتارية"استاذ جاسر جوا؟"
اجابتها الفتاة باحترام مع بسمة تزين ثغرها"اه جوا ممكن اسم حضرتك؟"
"رقية محمد المترجمة الجديدة"
"تمام اتفضلي هو مستني حضرتك"
طرقت رقية عدة طرقات على الباب حتى أذن لها جاسر بالدخول.
"احم صباح الخير"
"صباح النور ،الورق دا من عملاء في الهند عاوزه مترجم في اسرع وقت"قالها بدون ابعاد ناظريه عن الورق
"ايه دا هو اول يوم بيبقى شغل!"
"امال انتِ جاية تلعبي؟ انتِ مش جيتي وشرحولك شغلك هيبقى ازاي؟يبقى يلا هنضيع وقت ليه؟ الورق عندك "
اخذت الورق ودلفت لمكتبها او كما يُقال مكتب مُكون من طرابيزة صغيرة وكرسي
_________________________
وبعد القليل من الوقت انهت رقية عملها وتوجهت لجاسر
"اتفضل يا فندم"
اخذها جاسر وبدأ بقراتها بصمت "هو أنا معينك هنا علشان تترجميلي من جوجل؟ليه كل كلمه ليه معنايين!؟"
"لا يافندم والله دي كلملت محفوظة من المسلسلات الهندي بس بصراحه في كذا مسلسل بيقول الكلام بمعني ومسلسلات تانية بتقولها بمعني تاني ،
بص انت اختار الكلمة اللي تمشي مع المعني يعني مثلا (***)
في مسلسل لهيب الحقد معناها (جامد)وفي مسلسل كوشي وارناف معناها (قرطاس لب)
والملف اللي حضراك هترجمه بيقول
ونحن مدركون انك..... فَـ يا إما هما بيشتموا حضرتك وبيقولوا عليك قرطاس
او بيقولوا ان حضرتك جامد جمودة
بس انا برجح معني القرطاس لان مسلسل من النظرة الثانية موثق اكتر"
امسك الاخر قلبه واكمل بصعوبة "مسلسل! وقرطاس! وموثق! وا..... ااااه "
"بصراحة كدا يا استاذ ومن غير لف ودوران انا مش فاكره الهندي كويس ! "
"استاذ جاسر انت بتمثل انك ميت صح ! يا استااذ "
_________________________
اما عند العروسة خاصتنا
"اه يامي تعالي شوفي الدلع اللي بنتك فيه "
أنت تقرأ
خلطبيطة بالصلصة
Humorهل تعلمون ما هي الخلطبيطة بالصلصة؟ -هي أكلة تحتوي على بعض الخضراوات الموجودة بالواقع مع القليل من اللمسات الكرتونية الخيالية. والآن قد يتسائل البعض ما عِلاقة هذا بالرواية؟ -حسنًا ما لا تعلمونه أنَّ روايتتا تلك بقِصصها "خلطبيطة" ،حيثُ "الضحك للجميع" ...
