خلطبيطة بالصلصة

الفصل_الثاني_عشر

اميرة: مالك يبني وشك مخطوف كدا ليه وفين رقية
وعلي ذكر اسمها انفجر جاسر في الضاحك
جاسر:ههههههه البت نطرتني نطرة
اميره انتي اللي وقفتي الاسنسير!؟
اميرة: العمر واحد والحلوف مش حاسس
جاسر: انا مُعجب بيها فعلا
بس بلاش تدخلي في النص
اميرة: اخيرا هشوفلك بيت يلمك
________________________
ام نورا: تسلم ايدك يا نعمة الاكل زي العسل
نعمة(اللي بتشتغل في المطبخ): الله يسلمك كله من خيركم
دا الخروف دا غلبنا في دبيحه بس طلع زي العسل شكله كان بياكل اكل نضيف
وبعت عم عبدو يفرق كام كيس كدا
(وفجأه بتقع معلقة ام نورا وهند)
ام نورا(ببكاء): لازم يبقى زي العسل هو كان طول عمره عسل اصلا
هند(ببكاء): انا اللي قطعت عليه الخضار بإيدي
كانت تنقطع
ام نورا(ببكاء):طول عمري بقوله لحمك مُر طلع زي العسل يهند ااااااه يضناااايااااااا
احمد:فاهمه حاجه
نورا:لا بس حاسه اني لازم اعيط
-مااااااااء
ام نورا(ببكاء): لسه صوت مأمأته في راسي
-مااااااااااااء
هند(ببكاء): وفي رااااسي
-ماااااااااء
ام نورا:علااااااااء(وطلعت تجري)
علاء:ماااااء (وطلع يجري عليها)
"وحضنته في لحظة تأثر عائلية"
..............
-فين المأذون
=جبته اهو يعمي
منار(وهي تأخذ شفطة من عصير الجوافه):السلام عليكم اخوتي في الله
-مين دي
=احم المأذونة
-انت هتهزر بقا دي مأذونة!؟مشيها ودور علي حد تاني
منار:ما تستهدى بالله ياحج ليجيلك الشوجر ولا يطقلك عرق (واخدت شفطة عصير)
-لا مش قادر المرارة المرااارة
=والله يعمي دورت بس مالقتش غيرها في البلد
*ما تخلصونا عاوز اتجوز
منار:وانت ايه علاقتك بكتب الكتاب يبا الحاج
*انا العريس
#مين البت الوحشة دي يا عطوفة
منار:وحشه في عينك دنا العرسان عليا كدا اهو
اسم الله عليا
-هي جايه تقل ادبها علينا في بيتنا ولا ايه
انجزي عاوزين نجوز الشباب
منار:شباب!
والله انت اللي شباب يبا الحاج بقولك هو البوفيه فين
-(رفع الطبنجه)هتكتبي الكتاب وتمشي بعصير الجوافة ولا!؟
منار(ببكاء):هتبصم ولا تمضي يبشا
........
منار:يلا بسرعه يا اخ عاطف العمر معدش فيه باقيه
-ما تنجزي
منار:احم قول ورايا قبلت زواجك موكلتي البكر الرشيد
ههههه بكر رشيد هههههههه اما دي حدوتة تضحك
-رزع الطبنجه
منار: مالك يعم مش طايقني ليه
دا الليله ليله هنا وسرور
-قبلت زواجك موكلتي البكر الرشيد
منار(وهي تأخذ شفطه من العصير): علي سُنة الله ورسوله
-علي سُنة الله ورسوله
منار: وعلي الصراط المُسمى بيننا
-وعلي الصراط المُسمى بيننا
منار: دلوقتي دور عطوفة قول ورايا
قبلت زواجها علي سُنة الله ورسوله وعلي الصراط المُسمي بيننا
عاطف: قبلتُ زواج..ها عللى...(وطب ساكت)
منار(بشهقه): عطوفة!
_________________________
امنية: بقولك ايه ياخ حوس
حسام: نعم!؟
امنية: ممكن تبعت حد من الخاطفين يطفولي علي حلة المكرونة اللي في البيت زمانها اتحرقت بس خليهم يقلعوا الجذم وهما داخلين الله يكرمك علشان ماسحه
زينب: بقولك ايه ياخ هو فين بابا مش قولتلي عاوزني!؟
....................
عمر:يابني بقولك زينب مش موجودة هتكون رايحه فين انا هتجنن
مازن:ياخي قولتلك نُصايه كدا وهنقوم ندور عليهم ادخل خُد دوش
عمر:انا مش عارف ايه برودة الاعصاب اللي انت فيها دي مش خايف علي مراتك!؟
مازن:يابني انا اخاف علي اللي خاطفها وخصوصا ومراتك معاها
هي كلها نص ساعه بالكتير وهتلاقيه موصلها لباب البيت

-يا اميييييد يبت يا وعددد احدفولي المفتاااااح المكرونة هتتحرق الله يخربيتك

مازن: مش قولتلك هههههه
عمر:طب وزينب!؟

=يا عمغغغغغ يا مغاااااد انا اتخطفت والله في عغبية سودة زي الافلام

عمر:عغبية! هما رجعوها ليه!؟

*الباب بيتفتح وامنية بتدخل بحلة المحشي ووراها زينب ماسكه المأوير *
اميد:اهلا اهلا ست امينه
امنية(تلف بحلة المحشي):اللي تحمر واللي تطوش واللي تدلع واللي ترش
وعد(وهي تتحزم بالطرحه):اهلا اهلا ثت امينة
زينب:ايه غيحه الشياط دي
امنية:يختااااااي المكرونة
_________________________
ادهم:فكريني تاني ايه اللي جابني معاكي!؟
سلمى(وهي تمسك رأس المقشة):علشان انا أنثى ضعيفة وانت ابن بلد
ادهم:يعني مش علشان مسكتي الحقنة وهددتيني!؟
سلمى:تؤ تؤ
علشان انت ابن بلد
ادهم:وبعدين ايه عصايه المقشة دي اللي رايحه بيها للعصابة!
سلمى:بطل لولوك وخبط
(ادهم خبط علي البيت
واول ما الباب اتفتح
سلمى بتضرب اللي فتح بالمقشه وبيطب ساكت)
سلمى(ببكاء): انت شاهد انه قتل دفاع عن النفس مش كدا!؟
________________________
في بيت عيلة احمد*
جابوا نفس الشيخ اللي حضر العفاريت علشان يبطل التعويذة وعلاء رجع انسان تاني*

علاء(ببكاء): دبحوه قدام عيني يماا كان عاوز يخلف بنت ويسميها ميرنا
ام نورا: معلش يضنايا وندر عليا المعزة اللي هتحمل فيها مراته هسميها ميرنا
علاء(ببكاء): وعم عبدو فضل يأكلني برسيم يامي لحد ما جالي تلعبك
عم عبدو: غصبن عني يااستاذ يعني كنت هعرف منين انك اللهم احفظنا
علاء: ايه اللهم احفظنا دي انت فاكرني عفريت! خايف مني يعم عبدو!؟
وبدء يقرب منه
وعم عبدو يرجع لورا وفضل يجري وراه في الفيلا

احمد: ههههه لا بجد انتو مش معقولين الواحد عمره ماشاف الحاحات اللي انا شوفتها معاكم في التلت شهور دول
نورا: يعني بتعترف اني دخلت لحياتك المُتعة!؟
احمد (وهو ينظر لعينيها): انتي دخلتيلها حاجات كتييرة اوي

*ولسه بيكمل كلامه عم عبدو بينط علي حجره *

عم عبدو: بالله ياسي احمد إقرأ معايا المعوذتين خليه يبعد عني
لتنفجر نورا في الضحك*
_________________________
رقية:يختاااي اوريله وشي ازاي بعد كدا انا هستقيل خلصانه ويا دار ما دخلك شر!
ولسه بتلف لقت جاسر في وشها
واول ما شافها انفجر في الضحك
جاسر:احم احم اسف جهزي نفسك علشان في عميل مهم هنقابله في شرم
رقية:شرم!
توكلنا علي الله

_________________________
تعففي_تنالي_رضا_الله ♥
ل_بنفسج