وقف الكل يشوف ايه اللي بيحصل
مروان: يادي النصيبة السودة
منار: انا نصيبة سودة!
طب طلقنااااااااييي حالا بالا فالا
رمضان: انت لسه هتستغرب طلقها
منار: وتدفعلي المقدم والمؤخر(وشوحت بايديها كدهو)
مروان: انت عارف معنى ان صعيدي يطلق واحده يوم فرحها تبقي ايه تبقي فضيحة ليها وليا
منار:ايوا يعني ايه لا مؤخذة!؟
مروان(وهو يمسح وجهه بعصبية): يعني انا لبست فيكي
منار(وهي تنظر لوالدها): زغروطة بقا يابو منار لولولولييي
رمضان: يعوض عليا عوض الصابرين
_________________________
سلمى: بااااس يا حاجه انتي وهي
هو انا وافقت!؟
ام سلمى: ششش اسكتي قبل ما يغير رأيه دا مايعرفش اللي فيها
(واخفضت صوتها) اومال لو عرف انك لبستي واد مدهول علي عينه موميا وعصابة بتجري وراكي هيعمل ايه
ادهم: لا ما تقلقيش اصل انا اللي كنت مدهول علي عينه ولابس موميا
ام سلمى:اتلم المتعوس علي خايب الرجا
ادهم: ها هنلبس الدبل امتى
ام سلمى: لولولولولولى
_________________________
شيراز:ايتها النورااااااااا
نورا:ايوا يابت
شيراز:هنالك حديدة تصدر صوت
نورا:دا التليفون يا قلب امك الله يرحمها ردي ياختي
......
احمد:الو
شيراز:انا اعلم هذا الصوت
هل انت الفتى الحلو المسمسم!؟
احمد:نعم!؟
شيراز:يا ميريييييي الكراش بتاعك علي التليفوووون
ميري(وهي تسرع لاخذ الهاتف):مرحبا يا عزيزي هل اشتقت لي لقد ظللت احلم بك ليل نهار
نورا(وهي تأخذ الهاتف):البت دي كدابة انا من ساعه ما جيت هنا وهي ولا بتنام ولا بتغفل عنيها
احمد:مين دول
نورا: العفرايت انت لحقت تنساهم داحنا كان بينا عِشرة وتعاويذ
المهم اتصلت ليه!؟
احمد(بتوتر فهو اتصل ليسمع صوتها): احم مافيش اتصلت بالغلط
نورا: تمام سلملي علي هنود
احمد: حاضر خلي بالك من نفسك
نورا(باستغراب): الله يسلمك سلام
ميري:ماذا هناك!؟
نورا:والله ياختي لا اعلم
انا هسبق بقا زمان البت امنية ملطوعة في الشارع
_________________________
اما احمد فكان لا يزال بمكتبه ينهي اعماله بعدما سمع صوتها
ليدخل عليه*
-اهلا استاذ احمد
احمد:اهلا اهلا استاذ جاسر
بس ايه سر الزيارة السعيدة دي!؟
_________________________
اما بالصعيد
فقد جأت جميع عائلة منار مُحملين بالاجهزة والطعام بعدما اخبر رمضان زوجته
ام منار(وهي تدخل السرايا):شهر العسل يكون في شرم غير كدا معنديش بنت للجواز
مهو بنت عمها ماتكونش اعلى منها في خاجه ابدا اماال
مروان(وهو ينزر حوله):جماعه انا قابل اتفضح في البلد كلها عادي خدوا بنتكم وعليها كيلو موز هدية
حسنين(ابو مروان): انجز يا ولدي الناس بدءوا يتحدثوا بكلام ماسخ
مروان: امر الله
يوسف: قولتلك ماراح تسلك معاها
ديه كانت هتجنني في العربية
مروان: كله منك يا زفت قولتلك هات ياسمين واخوها مش البلوة دى
سليم: وانا هعرف منين يا ولد ابوي
حسنين: يلا يا جحش منك ليه خلي الليلة توخلوص
وطلعوا العرسان اوضتهم
منار (بعد ان صعدت علي متن الطاولة): عرسان مين يسطا اللي يطلعوا
وانتي ياما ماصدقتي اتخطفت جيبالي حلة تيفال!
ام منار:مش هتغلبك في الغسيل والله
مروان(وهو ينزلها من قفاها): اقفلي خاشمك البلد كلياتها قاعدة وفزي قدامي
منار:يابني انا من ساعه ادما شوفتك وانت جايبني من قفايا زي الحرامية تكونش خلفتني ونسيتني
وبعدين مش انا يبا اللي تكلمها صعيدي واخاااف
انا مابخااافش
من النهاردة مفيش حكومة انا الحكووومااا
مروان (وهو يشير بالمسدس بظهرها):اطلعي
منار:احممم طب معلش يبشا ابعد البتاع دا علشان بيعملي انتكارية
مروان:انجزى لافضيه في نفوخك
منار(ببكاء):ما تسمعونا زغروطة يا شباب
_________________________
احمد: قابليني يا رقية عاوزك
رقية(باستغراب): حاضر
.....
رقية: في ايه؟
احمد: اقعدي
...
احمد: ياريت نتكلم بصراحة مع بعض
انتي بتحبيني!؟
رقية: ازاي يعني!؟
احمد: معلش جاوبيني
رقية: انت طول عمرك وانت صغير واقف جمبي واختك الله يرحمها....
احمد: ملكيش دعوة باختى انتي بتحبيني ولا مجرد بس حب طفولة
رقية(بعدما وصل لها قليلا ما يحاول قوله): خليني انا أسأل انت بتحبني
ولا خطبتني علشان اختك!؟
احمد: انا..
رقية: انت حبيت نورا!؟
احمد: رقية انا..
رقية: تمام انا فهمت ماتقلقش انا عمري ما هتضايق لانك عمرك فعلا ما حبتني ولا انا حبيتك انا بس كنت واهمه نفسي ونفسك بكدا انا طول عمري شيفاك صديق الطفولة واللي هيكون الزوج المثالي واللي دايما اخته بتكلمني عليه مش اكتر
(همت بوضع الدبلة علي الطاولة)بس فعلا الجواز مش تجربة وطالما انت مارتحتش معايا ولقيت راحتك مع حد تاني
يبقى ماتضيعهاش من ايدك واعزمني علي فرحك يا boss عاوزه اتعرف عليها
احمد:وانتي ماتضيعيش اللي في ايدك
رقية(بعدم فهم): ايه!؟
احمد(وهو يهم بالوقوف): هتعرفي قريب يلا اسيبك بقا سلام
رقية: سلام
_________________________
نورا: انا جيييت بت يا ميريي
ميري: مبروك
نورا: الله يباركلك ياختي بس ليه؟
ميري: هناك عريس في الصالة
نورا: عريس مين!؟
ام نورا: اهي نورا جت اهي
سليم(وهو يهم بالوقوف):آسف اني جيت من غير معاد
نورا:دا طلع دكتور سليم
شيراز:خودي مني هيطلعك الاولى علي الدفعة
ميري:هينغنك ماتعرفيش انتي دكاترة الجامعة بيكسبوا قد ايه
نورا:بس دا بكرش ياعيال
شيراز:وماله ياختي الراجل من غير كرش مايسواش قرش يعنيا
نورا:انتي بتردحيلي يا حتة عفريته لا راحت ولا جت!؟
سليم(بخوف):انتي بتكلمي مين!؟
نورا:بكلم...
ليقاطعها دخول ذاك الثائر
احمد:انتي ازاي تقبلي ياهانم حد يتقدملك وانتي لسه في عدتك
سليم:وانت مالك هي كانت جوازة حقيقية اصلا علشان يكون ليها عدة
احمد:وكمان حكياله!؟
(امسك ياقة قميصه بهدوء):اطلع برا البيت دلوقتي علشان ماتغباش عليك
سليم(وهو يبعد يده):بصفتك مين!؟
احمد:بصفتي جوزها انا رديتك يا نورا
شيراز:ما اجمل الرومنسية ياولااااد
_________________________
دخلت سلمي مكتبها تحت هتافات ومباركات زملائها
غافلة عن ذاك المسكين ليمون الذي يجلس بجوار مكتبها مشغلا اغنية من التراب والى التراب نعود
سلمى:الله يباركلم يا جماعه بس انا لسه...
-استاذة سلمى الطرد دا جالك
سلمى(وهي تهم بفتحه):
عندي معلومات هتوصلك لتامر الشيمي هاتي اللي كان معاكي وقابليني في****
سلمى(وهي تمسك الهاتف بسرعة):ادهاااام سيب اي حاجه في ايدك وتعالالي
(لتأخذ حقيبتها وتسرع بالذهاب)
ليمون:مش علشان اتخطبتوا تخرجوا مع بعض
وهندم ملابسه التي ارتداها بعشوائية ذاهبا وراءها
____________________________________
تعففي_تنالي_رضا_الله ♥
ل_بنفسج
.......
البارت صغير بس فيه مفاجأت اشوفكم يوم السبت بإذن الله ♥
أنت تقرأ
خلطبيطة بالصلصة
Humorهل تعلمون ما هي الخلطبيطة بالصلصة؟ -هي أكلة تحتوي على بعض الخضراوات الموجودة بالواقع مع القليل من اللمسات الكرتونية الخيالية. والآن قد يتسائل البعض ما عِلاقة هذا بالرواية؟ -حسنًا ما لا تعلمونه أنَّ روايتتا تلك بقِصصها "خلطبيطة" ،حيثُ "الضحك للجميع" ...
