خلطبيطة بالصلصة

الفصل_السادس_والعشرون(الأخير)

... بعد مرور ١٠ سنوات

استيقظ من نومه أثر حركة الصغيرة صاحبة ال٥ اعوام ليليان وامها ليجد ورقة مطوية موضوعة علي هاتفه:

صباح الخير يا احن اب (ليبتسم من كلام ابنه زين)

(ف نورا أصرت ان تسمي ابنائها علي اسماء رواية عشق الزين "زين وليليان")

طبعا انت سألتني امبارح عن النتيجه صح؟
وانا قولت ءأجلها لحد ما تصحي علشان انا هكون نايم والنوم دا يعتبر الموتة الصغرى
وحرام تضرب في الميت
توقيع
ابنك ابو ٥ من ٢٠
(ليكرمش الورقة في جيبه غاضبا)
احمد: يابن الكاااااااااالببب
__________________________
رقية: برافوا عليكم
جاسر: صباح الخير يا كوارث حياتي
رقية: يلا يا شوباب رودوا السلام علي بابي
ليرد عليه الطفلان: جود مورننج يا ابو الكوارث
جاسر:صباح الزفت
بقا المدرس يتصل بيا ويقولي ولادك ساقطين في الانجلش
رقية(بشهقة): يحزني يسقطوا في الانجلش وامهم مترجمة قد الدنيا
جاسر: باين كدا ياختي
رقية: طب حتي اسألهم كدا وشوف بنفسك انا واثقة في اولادي وتعليمي اكيد دا عيب تصحيح
جاسر(وهو يشير لسيف): how old are you?
(ليرد عليه سيف بثقة لا تليق سوا بأبناء رقية) : I'm fine thank you
(لينظر لرقية بصدمة فهو لم يتخيل ان يكون مستوى ابنه بهذا السوء)
رقية: احممم طب سيب سيف و أسأل احمد دا ابن مامي الشطور اللي هيكمل مسيرتها في الترجمة
جاسر(وهو يتجه بانظاره لاحمد): what is your dream of your life?
ليرد عليه الصغير بثقة: cow eats Carrots
(لتضربه رقية علي قفاه)
رقية: بقا البقر بياكل جزر يا بن العبيطة!
جاسر: هو دا اللي لفت نظرك البقر بياكل جزر!
قوموووووااا خلونا ندورلكم علي مدرس
رقية: مفيش مدرس هيدخل البيت دا طول ما وحش اللغات فيه يحكووووماااا
جاسر: مش عاوز اشوفك قريبه للولاد تاني انتي سامعة
رقية: الله يرحم ايام ماكنت بتخليني اترجملك هندي وبريطاني
جاسر(وهو يتذكر ترجمتها من كتاب القاموس وترجمتها للهندي من خلال المسلسلات): هيهيييي
رقية: جاسر اعقل!
جاسر: هو انتو خليتوا فيا عقل!
رقية:اهدي يا ابو احماااااااا
(ليجري وراءها بالشقه فهو يكره هذه الاغنية والتي سمت رقية ابنها باحمد خصيصاً حتي تنادي لجاسر ابو ااحمااااد)
رقية(وهي تجري علي السلم):ابو اااحماااااااا خدني الكوافير
ابو اااااحمااااا ركبلي شوفييير
(ليبدء جاسر برمي وسائد الكنب والكتب عليها)
رقية (لتصتدم بكل ما القاه جاسر): يختااااااااي
الحاجات اللي بتتحدف دي وتجيبني غريبة اوييي