تجمع الجميع حول ذلك الشيخ منهم من مازال مصدومًا مثل اميد لدرجة انه ترك العِفرِيتة تُمسك بخديه وتلعب بهما، ومنهم من بدأ يطرح الاسئلة على الشيخ "ودي هنصرفها ازاي اقرألها الفاتحه ولا اغنيلها طلع البدر علينا!!؟ "
ليتحدث الرجل بتأفف " يخربيت الافلام الاجنبي اللي لحست دماغكم ! يا استاذ مازن دي عفريته مقتولة يعني شبح مش جن "
وهنا انفجرت امنية بالبكاء "يا حبيبي هتاخدك مني يا ضنايا "
اضافة نروا ببلاهة "يعني نجيب اللي قتلها ونموته قدامها ولا ندفنها لترقد روحها بسلام ولا نعمل ايه بالظبط ؟"
وضع الرجل يديه على رأسه ثم أردف "ترقد ايه ياعنيا؟ "
" طب نكلم خديجه المغربية طب؟"
لينظر لها مازن بتساؤل "هي مش دي بتاعه جلب الحبيب ورد المطلقة!؟ "
ليجيبه الشيخ بِـ إبتسامة ساخرة "لا ما هي غيرت نشاطها وبقت صرف الحبيب والعفاريت انتو هتشلوني!!"
لتصرخ عليه نورا بضيق "مالك كدا يا عم دمك حامي ! كل ما حد يقول حاجة تهب فيه ! لو عندك فكرة قولها وخلصنا !"
"فعلاً عندي فكرة احسن انا ماشي دا انتو عِيلة تجيبوا الضغط"
ليوافقه مازن "معاك حق احنا نمشي ،نشكركم يا جماعة علي الـ weekend الخطير دا ونشوفكم السنة الجاية"
كاد يتحرك للخارج إلى ان صرخت العِفريتة بِه "مكانك !! الي اين ذاااااهب ! "
"انا هه.. هجيب فينو لابويا ،بلاش البصة دي يا شيخة بالله!"
"اذا اردتم ان تذهبوا، اذهبوا
ولكن اتركوا حرنكش حبيبي"
حملَّق اميد قليلا ثم اردف "حرنكش مين !! مهو يا تقولي كلام في محله يا تقولي حلُو يا حلُو ! مُش علشان ساكتلك من الصبح ابقى حرنكش فوقي ! وبعدين انا مرتبط فوقي !"
وماهي الا لحظات حتى وجد اميد نفسه مربوط باحد الحبال بالكرسيِّ
"كانت ذلة لسان والله عيل وغلط عيل وغلط"
"ومرتبط ايضا اليس كذلك!؟"
"مين دا اللي مرتبط انا قولت مرتبط !! طب ماما ؛انتِ قولتي اني مرتبط!! "
"ما حصلش يخويا"
"شُفتي بقا ،فكيني يلا !"
وبعد القليل من الوقت جلس الجميع على الكراسيّ حول الشيخ
اردف الشيخ"انا جمعتكم نعمل قعدة صُلح علشان عاوز اروح ونشوف هنوصل لايه."
تحدثت العِفريتة شابكة اصابعها امام صدرها "اتركوا حرنكش وارحلوا تستطيعون ان تنجبوا غيره"
وهنا خرجت امنية من صدمتها "ننجب غيره ايه انتي شيفاني ارنبة!! وبعدين دا مصروف عليه !"
اردف ماززن بصدمة "يعني اللي همك الفلوس يا امنية يابنت ام امنية!"
أنت تقرأ
خلطبيطة بالصلصة
Comédieهل تعلمون ما هي الخلطبيطة بالصلصة؟ -هي أكلة تحتوي على بعض الخضراوات الموجودة بالواقع مع القليل من اللمسات الكرتونية الخيالية. والآن قد يتسائل البعض ما عِلاقة هذا بالرواية؟ -حسنًا ما لا تعلمونه أنَّ روايتتا تلك بقِصصها "خلطبيطة" ،حيثُ "الضحك للجميع" ...
