خلطبيطة بالصلصة

الفصل_العشرون

نورا: عيل سأيييبل
(ليدخل احمد الغرفه وهو يحمل الوسادة)
نورا: هي وكالة من غير بواب بتدخل اوضتي ليه!؟
احمد: هو انا نسيت اقولك!؟
نورا: تخيل!؟
احمد: اصل من بعد ما مشيتي وانا قولت اظبط الشقة وادهنها وكل الاوض مكركبة مافيش غير الاوضة دي فا.... إتاخري شويا
نورا: أتاخر مين يعنيا!؟
احمد: معلش اعتبريني جوزك
نورا: جواز بالغصب
احمد(وهو يستلقى علي السرير):اطفي النور
( نهضت من السرير وحملت وسادتها مغادرة الغرفة
لتجد باقي الغُرف كما قال حتي الكنب والكراسي مرصوصة فوق بعضها)
نورا: يووووه حتي مش فارش اي فرشه انام عليها علي الارض
(عادت للسرير ووضعت في المنتصف الوسادات)
نورا: النص دا بتاعك والنص دا بتاعي ومفيش مخدة واحد تتشال فاهم!
احمد: يعني نفترض مثلا اني شلت المخدات(وراح شالها) وقربت كدا وو(مرة واحده حضنها) هتعملي ايه!؟
نورا:هعمل كدا
احمد(وهو يمسك ذراعه): اااااااااه يا بنت العضاضة
(لتخذ وسادتها وتنام علي الارض)
نورا:عيل ماترباش
احمد(وهو ينزل لينام معاها علي الارض):اسكتي طيب علشان عاوز انام
نورا(وهي تنهض): تمام كدا سيبلي السرير
وقامت علي السرير ورمت عليه المخدات
احمد:عيلة مجنونة
_________________________
مروان:مرااااااار
منار(بفزع):اييييه
مروان:هو ايه اللي ايه
نايمالي لساعه تسعه!!
ايه هتنامي كل النهار!؟
منار:الله يمسيكي بالخير ياامي كنت بسمع منها الكلمتين دول بعد الضهر او العصر
مروان: قومي يلا اعمليلي فطار انا علي لحم بطني من الصبح واكويلي الجلباب
منار:ماشي(ورجعت نامت)
مروان(وهو يهزها من قفاها): قومي يا عملي الاسود
منار(ببكاء): ياخي حرام عليك يا اخي كل شويا تمسكني من قفايا محسسني اني حرامية انا لو دوا مش هترجني كدا
وبعدين كله بسبب جدتك اللي عندها فراغ عاطفي
فضلت مسهراني اتفرج علي العشق الممنوع للصبح
مروان: هدخل الحمام اجي الاقي الجلبية مكوية
منار(وهي تعود للنوم): المقرمش موضه يسطا
مروان(وهو يمسكها من قفاها): مراااار
منار: حاااااضر
(امسكت بالمكواه وبدءت تكوي حتي شمت ريحه الفطير البلدي)
منار:يا بوووووووي امووووت انا (وتركت المكواة علي الجلباب لترى من اين تأتي الرائحة)
........
مروان:ايه ريحة الشياط دي!؟
(وبسرعه رفع المكواة والتي بدورها حرقت الجلباب)
مروان(ببكاء): ياا****
........
كانت تشرب المياه لتقف في حلقها لتشرق مرة واحده
لتعطيها رحمة(اخت مروان)الماء: اسم الله عليكي مالك
منار:تقريبا كدا حد شتمني
مروان(وهو يندفع علي المطبخ نحوها): مراااار
منار(وهي تقف علي الكرسي):في ايه يابو السباع
مروان (وهو يرفع الجلباب فقد احرقت المكواة طبقتين منها علي شكل كرتين من علي منطقة الصدر): دانا هشرب من دمك(وطلع يجري وراها والتي بدورها رفعت طرف العباية و ركضت علي السلالم)
منار(وهي تصعد السلالم):عيل وغلط عيل وغللللللللللط الحقوناااااااااي
مروان(وهو يركض خلفها):محدش هينجدك من ايدي
منار:يخربيتك فرهدت اللي خلفوناااااي
كل هذا تحت انظار جميع البيت
شوشو:انا حبيت البت دي
بتسلي اكتر من المسلسلات التركي
منار(وهي تجري): انشلله يبارك. فيكي
منار: اهدا يابن المجنونة
(ثم نظرت لام مروان): اسفة يا حمااتيي
مروان(وهو يجلس علي السلالم بتعب): اااه ياني هبقي اشرب من دمك بكرا
منار: الله يسامحك خليتني اخس زيادة علي الخساسان بتاعي
_________________________
وعلي الناحية الاخرى في المخزن
سلمى: هما مسخفين بينا علشان يسبوا واحد بس يحرسنا
ادهم: شش اسكتي
واد مين دا يالمون اللي هياخد في ايدي ساعه هي عشر دقايق بس
دا كل العضلات اللي عنده دي نفخ!
-اسكت مش عاوز اسمع صوت
ليمون: دا بنفخه مني اوقعه
(نظر له بضع الوقت ثم انفجر ضاحكا)
-بقالي كتير ماضحكتش كدا (وبدء يفك ادهم وليمون): يلا اهو نتسلى شويا
سلمي: الله عليك يا ادهم يا سبعي (وفجأة بيقع ادهم)
سلمى: احم طب بلاش ادهم وريهم يا ليمون بعصرة منك هتعمل فيهم ايه(وبيتشنكل ليمون وبيقع)
سلمى: طب...
ادهم:طب ايييييه
بدل ماانتي شغاله علينا اشتغلي عليه
سلمى: حاتر
(سدد له ادهم بعض اللكمات في بطنه وهو كالحجر لا يتحرك ولا يتألم ولو قليل)
ادهم: ايييه دااا انا تعبت يخربيتك
انت عاملهم في انهي چيم!؟
(ليسدد له ذاك الحراس لكمة اطاحت به في الارض)
سلمى:حرام عليك الواد لسه مادخلش دنيا
ادهم: اااااااااه (ليحاول سند. نفسه والوقوف)
-(وهو ينظر لليمون): بنفخه منك هطير صح!؟
ليمون: يا استاذ عضالات انا في عرض عضلاتك لا تقتلني(ليلكمه الحارس ليسقط ليمون علي الارض)
(وسحب ادهم الحبل اللي كان مربوك فيه ونط علي ضهر الحارس)
سلمى(وهي ترا ادهم بيحاول يثبت الحبل علي رقبة الحارس والحارس عمال يهزه ويخبطه في الحيطة): وادحرج واجري يا رمان وتعالى علي حجري يا... لا بلاش حجري خليك زي مانت علي حجر ادهم
ادهم: اااااه اتهد بقاااااا(وشدد من الحبل علي رقبته ليقع علي الارض)
ادهم(وهو يحاول الوقوف ليفك حبل سلمى): لو عليا اسيبك هنا وامشي والله
سلمي: انا زي خطيبتك برضو يا boss
ادهم(وهو يمسك ظهره): فسختاها يا ضنايا فسختهاااا
سلمي: يعني هو خطف وخراب دياار!!!
قوم يا ليمون معدش قدامي غيرك
ليمون(وهو يحاول الوقوف): ششش امشي من وشي كان مالها بنت خالتي
سلمي(ببكاء): رضينا بليمون وليمون مارضي بينا
ادهم(وهو يضرب رأسه بيأس): هات يابني المفاتيح من جيب التريله دا خليني اروح اعالج ضهري
_________________________
ام رقية: ايه اللي حصل
رقية: الزفت بيستقوى عليا اكمني لوحدي
جاسر(بعصبية): فين الزفت دا
الظابط: اهدى انا هبعتلكم الراجل اللي استقوى عليها تشوفوا منظره
دخله يا عسكري
(ليدخل شاب في منتصف العشرينات حاملا اسنانه بيده ووجه ينزف)
=اعاااا ابعدوهاااا عنييي بنت المفتييه
جاسر(بخوف): هو دا اللي استقوي عليكي!؟ انتي ضربتيه بايه
=طيعت من سنطتها حجي توب يباسا
جاسر:حجر طوب!في شنطتك بيعمل ايه!؟
رقية:دا باخده معايا في اي مشوار حمايه
جاسر:طيب يا طنط فرصة سعيدة ربنا يكتبلها ابن الحلال
ام رقية (وهي تمسكه من الجاكت):والله ما يحصل انت ادبست خلاص
جاسر(بخوف):امري لله
=وانا اعمل ايه بسناني تي
رقية:اقولك تعمل ايه وما تزعلش!؟
=لا لا خلاااص هوتيهم المستسفى ييكبوهم
رقية:جدع!(وتركتهم وغادرت)
امر رقية(وهي تعبث بحقيبتها):انا مش عارفه هتعمل ايه بس خود يبني دا تعويض
ربنا يعوض عليك
=(ببكاء)منكم لله
_________________________
دخلت تلك الصغيرة المكتب
داليا: فين ماما ياوعد؟
وعد: احم انا ماما قصدي انا امنية
(وكل ما تراه داليا امامها هي وعد بالحجاب الذي يغطيها لقدمها حتى تكاد تتعثر به وتضع احمر الشفاه ومحمر خدود بطريقه عشوائية)
داليا:وهو انتي بتحطي امتى روچ يا وعد قاصدي يا امنية
وعد:اثلي انحيفت(انحرفت)
داليا(بمزاح):ااه طيب هتعاقبي ابنك ازاي
وعد:هحبسه في اوضة الفيان(الفران)ومس هتيه حلويات
داليا(بضحك):تمام خوديه وعاقبيه اوي
وعد:حاضر يا مس اصدي يا داليا
امسي ادامي يا عااق
اميد:حاضر يا ماما
داليا:ههههه هيجيبولي جلطه بس عسل
______________________
ادهم:شاور لاي عربية يابني
ليمون:اقففففف
(لتقف عربة او بمعني اصح عربة مدمرة)
-يلزم خدمة!؟
سلمى:لا لا انا مش هركب في دي
ادهم:ليه ان شاءالله كانت ناقصة ايد ولا رجل
سلمى:دي ناقصة كل حاجه انت مش شايف المنظر دي من كتر الحوادث مبقاش فيها حاجه سليمه ولو طلعنا معاه هنكمل حادثة جديدة
ادهم:يا ستيير
اطلع انت يسطا معلش
ليمون:اجي معاك!؟
انا راضي اعمل حادثة عادي بس مقعدش معاهم
سلمى:بس يلاه هتفضل معانا
(لتنطلق العربه وتأتي عربة نصف نقل)
ليمون:اقفففف
-نعم!؟
ادهم:ممكن تودينا علي طريق القاهرة
-(ببتسامة خبيثة) انا رايح فعلا علي القاهرة اطلعوا ورا
(وعلي الفور صعد الثلاثي)
سلمي(وهي تصفق):يا سواااق يا شاطر ودينا القناطر
يا سوااااق يا بليييد ودينا الصعيد
ايه الجو دا مفيش شوية مايه!؟
ليمون:في تلاجه صغيرة وراكي شوفي فيها اي حاجه كدا
(وعلي الفور فتحت سلمى التلاجه
لتجدها مليئة بصناديق تحوي عيون واعضاء بشرية)
سلمي:اعضاااء يا حقيير يا بن الكلب! نطوووو
(ولان العربية كانت لسه طالعه فكانت سرعتها قليلة)
(وعلي الفور قفز الثلاثة)
سلمي(وهي تتأوى من ظهرها وتبكي):احنا لو المصايب بتترصص فوق نفوخنا مش هتبقى كدا
ليمون(ببكاء):كان مالها عربية الحوادث علي الاقل كانوا هيلاقوني جثة كاملة
سلمى(وهي تجلس بمنتصف الطريق):اعاااا انا عاوزه ماماااااااععع
ادهم:بااااس اكتموا (ليجد عربة تقف لهم)
[ايه كمية العربيات اللي بتقفلهم دي دانا بدوخ علشان يقفلي تك توك  😂]
(لينزل منها شاب في منتصف الثلاثين)=صادين الطريق ليه
سلمى:مفيش بنتشمس شويا تيجي تتشمس معانا!؟
ادهم(بيأس):بنحاول نوصل للقاهرة وتليفوناتنا مش معانا
=اطلعوا طيب
سلمى(بصوت منخفض):يلا بس ربنا يستر ومايطلعش تاجر مخدرات
=نعم!؟
ليمون:بتقولك يارب...
ادهم:ششش خلينا نتنيل نمشي
(وعلي الفور ركب الثلاثة والمرادي عدت علي خير ووصلوا القاهرة)
_____________________
البست اميرة رقية الدبلة
وانطلقت الزغاريط
رقية:مبروك عليك انا يا boss
جاسر(بضحك):انا عارف ان الخطوبة دي هتيجي علي دماغي
_____________________
استيقظ احمد قبلها ووضع قبله علي جبينها وذهب ليعد الافطار
.....
لتستيقظ نورا فور شمها لتلك الروائح القادمة من المطبخ
نورا:امممم انا جعانه
احمد(وهو يضع الطعام علي الطاولة طابعا قبله علي جبينها):تعالي يلا
نورا(وهي تستوعب ما حدث):انن انت ازاي تعمل كدا!!!
احمد:اصل بيقول اني جوزك
نورا
نورا(بعصبية):نعم
احمد:بحبك يا مجنونتي
_______________________
تعففي_تنالي_رضا_الله♥
ل_بنفسج
________________________
الرواية هتقف الاسبوع دا علشان امتخاناتي الاسبوع اللي جاي يعني حوالي عشر ايام كدا والفصل الجديد ينزل دعواتكم الامتحانات تعدي علي خير ❤
يعني يوم الاربع اللي بعد الجاي هينزل الفصل
دُمتم في رعاية الله♥