في المستشفى*
الدكتور:هو ضربات قلبه انتظمت تقدروا تتفضلوا
سلمى:الف سلامه يابو السباع
سيد:انتي يابت حد مسلطك عليا!!!
ادهم:سيبك منها وقولي ايه حكايتك
سيد:كنت شغال بقالي عشر سنين في شركة
ومن شهرين كنت بنضف المخزن بس لقيت عربية كبيرة نازل منها رجالة يبان عليهم غضب ربنا
فجريت و استخبيت ورا البراميل وسمعتهم بيتكلموا عن شحنة مخدرات وآثار واللي استلمها هو الراجل اللي بشتغل عنده في الشركة هو وابنه
سلمي:دا ايه الجحود دا يعني مخدرات وآثار!
امال سابوا ايه للعصابات التانية
سيد: مش هرد عليكي
المهم حاولت اتسحب واخرج
الامور تعدي !؟
لا التليفون يرن علي نغمة اطبطب ادلع
والاقي خير اللهم اجعله خير بيج رامي ماسكني من قفايا
ادهم(بتأثر):يحوستي السودا!
سيد:وبعدين قعدوا يطفوا السجاير في وداني ويخلوني اتغرغر في برميل تورشي
وبعدين بما اني راجل كبير وكدا
صاحب الشركة قالهم يسيبوني ولو فتحت بوقي بكلمة هيخفوني من علي وش الارض
سلمى:وايه علاقة كل دا بخطف بنتك!؟
سيد:مهو بسبب اللي حصل سيبتها علي ربنا
وروحت القسم وقبل ما ادخل(بدأت نبرته تتحول للحزن وبدء يعيط) اتبعتتلي رسالة ان بنتي معاهم بنتي اللي ماكملتش عشر سنين خطفوها من حضن امها
ادهم(بغضب): عيلة مين دي
سيد: عيلة الشيمي
_________________________
دخل البيت لقى التلفزيون مفتوح وهي نايمه علي الكنبة
(ابتسم علي حالتها فمن الواضح انها بقيت منتظراه
حملها برفق ثم وضعها علي السرير ودثرها في الغطاء)
ثم جلس امامها علي الكرسي يفكر
احمد:مكنتش مصدق اني في يوم هقول كدا بس هتوحشيني يا مجنونة وهتوحشني ضحكتك اللي بقيت متعود عليها
_________________________
رقية:(لو هزيت راسي وركزت في عنيهم هيبان انى فاهمه!؟والله ما هيبان)
ما براااحه يا عم الخواجه راعي انى تعليم حكومي برضو انا مش ملاحقة معاك
جاسر(وهو يكاد يفقد اعصابه بسبب تلك المُترجمه المجنونة فهي الى الان لم تترجم سوا جُملتين): ابقي فكريني اقابل اللي نجحك
رقية:طب وانا اعمل ايه هو اللي عامل زي الآلة ما بيدنيش فرصة اترجم وبعدين انت سايب كريمات العالم العربي كله ورايح تتفق مع واحد اسمه فازلين!
فازين(بضحك): يمكنك ان تحدثيني بالعربية لا بأس ثم ان اسمى فازين وليس فازلين
رقية(بابتستمة بلهاء): يعني انت بتتكلم عربي وسايبني بترجم كلامك من القاموس!
فازين(بضحك): في الواقع طريقة نطقك مضحكة جدا لهذا اردت ان استمع لها
رقية: ايه بضحك دي!؟ شايفني اراجوز!؟
جاسر: اتمنى ان ننهى الحديث سريعا فلديا الكثير من الاعمال
فازين: يالك من شخص جاد ليس كل شيء عمل كيف تعملين معه!؟
اممم كيف تقولونها بالمصري!؟
اه افتكرت خسارة فيك لهطت القشطه اللي معاك دي
رقية(بغضب): انت..
جاسر(وهو يمسك فازين من قميصه): استمع لي جيدا
اولا غير مسموح لاى احد بالتحدث عن من يعمل معى او يخصني وثانيا اعتبر هذا العقد منتهى وثالثا...لم يكمل كلامه ليضربه جاسر بقبضة يديه في وجهه
جاسر(بزعيق):يلا
انتفصت رقية من مكانها وسارت بسرعة خلفه
......
رقية:انما انت طلعت جيمس بوند في نفسك كدا يا boss
لولا بس انك رزعته كف خماسي سداسي كنت طلعت الشبسب ابو خمسين جنيه وطبعت على راسه رسمة الحمار
وبالفعل استطاعت ان تخرجه من غضبه
جاسر:انتى مصيبة والله بعد كدا ابقي فكرينى ارفدك لما اروح
رقية:تصدق والله الراجل اللي اسمه فازلين دا كان عنده حق خسارة فيكم لهطة القشطة!
جاسر(بغضب):رقياااااااا
رقية(بخوف):تاكل فريسكا!؟
_________________________
في مكان اخر*
منار:وادي العنوان توكلنا علي الله
دخلت منار الشارع فكان اشبه بالمهجور
منار:استرها معايا يارب دنا غلبانه
وبالفعل وجدت فتاه تهمس لها بالقدوم
(بصوت هاديء) -انتى المأذونة
منار: ايوا انا في ايه؟
-شش ماتعليش صوتك وتعالي ورايا خلي اليوم يعدي علي خير
ذهبت منار خلفها لتدخل الي داخل احد البيوت
لتجد مجموعة من الرجال والنساء يجلسون ويتحدثون بهدؤ
وهنا قفز لعقلها مشهد يوسف الشريف والناس الملبوسين(كلنا فاكرين ومش ناسين كلنا في الانتظار وعلي العهد هنحافظ) فاخرجت هاتفها وبعثت لوالدها بموقعها
وهنا بيخرج صوت منخفض راجل كبير =بسرعه يابنتي اكتبي الكتاب
وبالفعل اخرجت منار الدفتر
منار: صلوا على رسول الله
-ششش يخربيتك ماتعليش صوتك
منار: ماعليش صوتي ليه عليكم طار!؟(ولم تكمل كلامها لتجد الرصاص يخترق الزجاج والنساء تصيح)
-ولاد العكايشه جم ولاد العكايشه جم
منار(وهي تلم عباءتها وتجري):دانا لو فقر المصايب مش هتنحدف علي نفوخي كداااااع الحقوناااااي
اللهم بلغنا رمضان لا فاقدين ولا مفقودين
يارب انا غلبااااناااااععع
(خرج الجميع من البيت ولم يتبقى غير تعيسة الحظ بتاعتنا)
-امسكوهاااا
منار: اللي هيقرب مني هديله بوكس اخليه صابونة لوكس!
وفي اقل من لحظات كانت منار مربوطة وموضوعه في العربة
أنت تقرأ
خلطبيطة بالصلصة
Humorهل تعلمون ما هي الخلطبيطة بالصلصة؟ -هي أكلة تحتوي على بعض الخضراوات الموجودة بالواقع مع القليل من اللمسات الكرتونية الخيالية. والآن قد يتسائل البعض ما عِلاقة هذا بالرواية؟ -حسنًا ما لا تعلمونه أنَّ روايتتا تلك بقِصصها "خلطبيطة" ،حيثُ "الضحك للجميع" ...
