وضع ادهم الرجُل علي الكنبة
ادهم: ما تتحركيش من هنا هروح اجيب ايه حاجه من الصيدليه واجي علشان باين عنده القلب
سلمى: اوعا تغدر بيا وتمشي هتبقي عيبة كبيرة ليك
ادهم: صبرني يارب
-هيقتلوها..
سلمى(بخوف): هيقتلوا مين
-ال.. الحقوها
سلمى: بلاش وصية الافلام بتاعه انك تقعد تكرر الكلمة دي
وهات من الاخر
-ادعي عليكي بايه وانتي فيكي كل العبر!!
بصي ياستي من عشر سنين كدا..
سلمى:لا انت مش هتحكيلي قصة حياتك من اولها
وانت كلها شويا وتموت فانجز
-اقولك انسي ربنا يتولا بنتى برحمته
منك لله انتى وتامر الشيمي في يوم واحد
انا انا انااااااا
سلمى:انت هتغنى ياحاج!؟
-بموت ياغبية امشي اطلعي براه
(وبيدخل ادهم ومعاه شنطه)
ادهم:تعالي نزليه معايا علي الارض وادخلي هاتى مايه دافية
سلمى:مايه دافية!
يعني كل الهيصة دي علشان في الاخر هتولده!؟
-سيبناااااي انا عااااوز اموت
ادهم(وهو بيحدفها بازازة الدوا):امشي اطلعي برا استنى الاسعاف احسن
_________________________
(منار وهي تنتظر امام باب المشتشفي)
-منك لله علي اليوم اللي شوفناكي فيه
منار: اللاه وهو انا عملت حاجه الاعمار بيد الله ياحاج
-انتي ايه اللي موقفك هنا اصلا!؟
منار: مهو بالصلاة علي النبي ﷺمحدش دفعلي فلوسي فقولت اجي افكركم يمكن نسيتو وبالمرة اطمن علي عطوفة
......
منار(وهي علي بوابة المستشفى): طب سيب قفا الادناء طاااب لاحظ اني مأذون وليا برستيج
-حسك عينك المح وشك دا تاني
منار: ولا خميس!؟ ولا اربع يبشا!؟
-برااااااااااه
منار:اففف تاااااكسي
_________________________
امنية: ايوا يانورا ماتتأخريش علشان عرض الباليه بتاع وعد انا كلمت زينب وهي جايية في الطريق اهو
يلا سلام
............
نورا: يلا يابوحميد
احمد: قولت مش جاي
نورا:والله اطبخلك كل يوم اندومي واغيرلك نغمة التليفون!
احمد:انتي بتهدديني
نورا:مثلا
ويلا انجز علشان تشوف وعد تربيتي
_________________________
زينب:اهم جُم
(الكل بيقعد في الكراسي)
=متعودين دايما نحتفل باليوم اللي اتأسست فيه مدرستنا ويسعدنا حضور السيد المحافظ
ودلوقتي هنقدملكم بعض الفقرات اللي بيقدمها طلابنا الموهبين
وهنبدء بفقرة رقص الباليه تحت اشراف ٱ/اشرف
(صوت التصقيف بيملا المكان
وبتدخل وعد وخمس بنات
وبيبدأو يتحركوا علي نغمات هادية)
امنية:البت دي بنتي ياجماعه بنتي
مازن(بفخر لصغيرته البارعه): وانا ابوها
(وفجأه وعد بتغمز لعيل قدها وبتشتغل اغنية السح الدح امبو ادي الواد لابوه
والبنات عمالين يتنططوا ويهوشوا باديهم ووعد طلعت الطرحه من جيبها واتحزمت وبدءت ترقص معاهم)
امنية(ببكاء):ولا بنتي ولا اعرفها
احمد(بضحك): هي دي بنتك يافخر العرب
مازن(بصدمة):دي بنت كلب انا رميت طوبيتها من زمان اصلا
زينب:اظبطي النغمه ياوعد بتاعه وياعيني الواد بيعيط ايوا كدا الله
الله عليكي(وبتصفر)
المحافظ:لا لا لا ايه التسيب دا دي مش مدرسة دا كباريه !(وبيمشي ويسيب المسرح)
المدير:يسيادة المديرة و...
انتو مرفودين الله يخربياكم علي اليوم اللي جيتوا فيه للمدرسة
زينب:اللاه ما تهدى ياوحش دا عيالنا اللي عاملين للمدغسة الميته دي غوح اصلا
المدير:برااااااااه
................
احمد(بضحك):تربيتك صح
نورا:مهو مش من دوري كصاحبه امها انمي الموهبة!
احمد(بضحك):ياربييي علي دي عيله
وعلي كدا بتعرفي ترقصي!؟
نورا:دنا اعجب...هييي(بشهقه) احمااااد بطل قلة ادب
احمد:متقولش مكسوف يجعفر!
نورا:ولااااه هتزعل مني!!
احمد:خلاص يبشا هسكت تحبي تاكلي ايه انهاردة
نورا:سمك
احمد:وماله نقضيها ظفاره
(التليفون بتاع احمد بيرن)
احمد:ايوا يا سامح
- ........
احمد:تمام هعدي عليك بليل
نورا:مين دا ها ها ها!؟
احمد:دا المحامي بتاع جدو بيقول في حاجه بخصوص الوصيه هبقي اروحله بليل يلا
نورا:يلا
_________________________
مازن:وانا عازم كل ظباط المُدرية والعساكر وفي الاخر الاقيهم بينقطوني بعشرة جنيه في ايدي بعد اللي بنتك عملته!!
امنية:المهم جمعت كام في الاخر!؟
مازن:امنيااااهه انا مابهزرش!
امنية:طب انا ذنبي ايه يا مازن منا برضو اتفاجأت زيي زيك
وعد:سوفتيني يابابا واني بلف بروطه!
مازن:بروطة!
دانا هوءدك في البيت
وعد:يعني ايه هتوئدني!؟
اميد:يعني هنقرأ عليكي الفاتحه ياوعد
_________________________
كان جاسر ينتظر في السيارة لساعات حتى اتت عليه رقية
رقية:صباح الخير يا boss
جاسر(بصدمة لما يراه اماهم)
"فكانت رقية ترتدي دريس طويل وعليه طاقية شابو ونظارة جشمس وشبشب كرولوكس(مش عارفه انطقها🙂😹️)وعوامة بطه"
جاسر(وهو يمسك قلبه):ايه اللي انتي لابساه دا انتي عاوزه تنقطيني!
رايحه تقابلي عميل الماني بشبشب !
رقية:دا من الغالي علي فكرة جايباه من سوق التلات بخمسين جنيه بعد ما فاصلت مع الراجل
وبيطبع علي الرملة قلب كمان
وجبتلك واحد برضو بس الطبعه بتاعته حمار معلش مالقتش غيره في السوق
(وركبت العربية)
رقية(وهي تشير للسائق):يلا يسطا علشان العميل مستني جايالك يا شرم جايالك يا بركاااااه
_________________________
رمضان:يعني يوم ما اتنيلتي علي عينك واشتغلتي جبتي للراجل سكتة قلبية!
مالك يا منار!؟ انا بهزر يا حبيبتي
منار(ببكاء):سيبت عصير الجوافة هناك يبابا
زمان عطوفة شربه دا اصلا فضل باصصلي فيه من اول ما دخلت
رمضان:يارب انت العالم بيا يارب
اعمل ايه اجوزك وارتاح!؟
لا حرام مهو مش علشان ارتاح ابلي الناس
منار(ببكاء):انا بلوة يابابا!!
رمضان:احلى بلوة يا قلبي
انا بهزر ما بتهزرش يا رمضان!
منار(بضحك):انا جعانه
رمضان:امك عامله شوية كشري إنما ايه هتاكلي صوابعك وراهم يلا بينا
________________________
رقية:انا زوهوقت الراجل دا هيجي امتى!؟
جاسر:كلها ساعه ويجي
رقية:طب انا هروح القت رزقي كدا الساعه دي علي ما يجي وطلعت تجري
جاسر: دي واحده مجنونه والله العظيم وطلع يجري وراها يلحقها
استني
رقية: تاكل فريسكا!؟
جاسر:ايه الفريسكا دى
رقية:يعيني علي شبابك اللي راح يببلاوي ماكلتش فريسكا قبل كدا!؟
جاسر:مش متعود انزل الشط كتير
رقية:طب استنى عندك وطلعت تجري
.....
رقية:يلا خود دوق
جاسر:بس..
رقية:ماتخفش مش حاطه فيها سم
جاسر:امم زي البسكويت بتاع الايسكريم
رقية(وهي تنظر للاولاد الصغار):تيجي نلعب كرة طايرة
جاسر:لا مش للدرجادي
ولقاها طلعت من الشنطه كورة وبدأت تنده علي العيال الصغيرة
رقية:انا فريق وانت فريق والكسبان ينفذ للتانى طلب
جاسر(بضحك):دانتي جاهزة بقا تمام
وبدءوا يلعبوا ورقية كانت بتجري بالراحه علشان الدريس ما يطيرش
رقية(وهي تجلس علي الرمال وتربع قدميها):لا يعم انت بتخم انا مش لاعبة
العيال من الفريق بتاعها:بيخم ايه واحنا بتلعب معانا سلحفه!نصيحه مننا ما تعلبيش تاني
رقية(بشهقه):انا ما بعرفش العب!
جاسر(بضحك):والله انا ماليش دعوة بمشاكلكم ودلوقتي هتنفذيلى طلبي و...(لم يكمل حديثه ليرن الهاتف ليعلن عن وصول العميل الالماني))
نكمل بعدين علشان وصلوا
_______________________
احمد:ها يابنى عاوزني في ايه؟
سامح:ماينفعش تكمل مع نورا يا احمد
احمد:ليه!؟
سامح:..................
_________________________
تفتكروا ايه السبب اللي هيخلي احمد ما يكملش مع نورا
وهل هيطلقها ويرجع لرقية وتنتهي حكاية احمد ونورا وجاسر ورقية قبل ما تبدء!؟
وهل مازن هيوئد بنته !؟
وايه الراجل اللي طلع لسلمي دا وايه حكايته وهل بسببه روايتنا هتقلب علي اكشن!؟
هذا ما سوف نعرفه الفصل القادم
(بارتين اهو🐥)
________________________
تعففي_تنالي_رضا_الله♥
ل_بنفسج
أنت تقرأ
خلطبيطة بالصلصة
Humorهل تعلمون ما هي الخلطبيطة بالصلصة؟ -هي أكلة تحتوي على بعض الخضراوات الموجودة بالواقع مع القليل من اللمسات الكرتونية الخيالية. والآن قد يتسائل البعض ما عِلاقة هذا بالرواية؟ -حسنًا ما لا تعلمونه أنَّ روايتتا تلك بقِصصها "خلطبيطة" ،حيثُ "الضحك للجميع" ...
