Part VI
-
« عـَـجـِبـت ُ لِـمـَن نـَسـي المـَوت ، و هـو يـَرى مـَن يـَمـوت ْ »
سنة 2026 ، بعد عشر سنوات من الجزء السابق ...
هاي الفترة كانت بداية حياتي الاجرامية ، دخلت مع كم شخص يقتلون الناس مقابل المال " قاتل مأجور " كان لازم قبل دخول الشخص للمنظمة هاي ينفذ شرط ، الشرط هو يقتل شخصٍ ما بطريقة ما ، يجب ان تكون الطريقة دقيقة و بحرفية عالية و بوقت قليل ..
بعد ما خرجت من السجن ، كان اكو شخص وياي بنفس القاوش هو الي حچالي عن هالمنظمة و عرفني بأشخاصها ، اعرف الكل و حظي كان حلو بسبب ان كانت منقسمة فيما بينهم و كانت صراعات كبيرة بين الرؤس الكبار على كرسي حكم المنظمة هاي ، كان بيها اصناف كثيرة من قتل و تجارة الاسلحة و المخدارات و حتى الاعضاء البشرية ، منظمة خطيرة كلش و تأثيرها كبير حتى على الدولة و الحكم و دائماً ما يكون رئيس العصابة له نفوذ بالدولة حتى تگدر المنظمة تسيطر على محلات مختلفة لغرض توريد منتجاتها الي تهربها من الحدود
كانت مستولية على البارات و الملاهي الليلة و المطاعم الفخمة و الفنادق والمنتجعات ، كل قسم داخل المنظمة له رئيس و اتباع و لازم يكون رئيس القسم ذو ذكاء عالي و له اتباع و قاعدة جماهيرية من الشعب لغرض الثوران معه عند الحاجة
اغلبهم كانوا يستخدمون مصالح الشعب و حاجتهم لأشياء معينة وسيلة للوصول الى اي منصب و إستغلالهم ، و منهم من يدعي الدين و العبادة و منهم الي يدعي العلمانية و الديمقراطية و منهم الشيوعي و حتى الملحد مثلي ، كلهم مجتمعين بهاي المنظمة لمصالحهم هم
اني بعد خروجي من السجن صرت اليد اليمنى للخال الي كان ويانا بالسجن و وياي بالزنزانة ، الخال قصتة قصة و الي هي :
( سنة 1980 و لحد سنة 1996 ، هو كان عراب المنظمة او عراب الدولة بكاملها ، كان نفوذة قوي بشدة و كانت المنظمة من تأسيسه هو و صديق ثاني له ، كان كل صاحب بار او صالة اقمار او محلات الشرب و غيرهم ميفتحون محلاتهم الا برضاه و مباركتة ، المقر الرئيسي للمنظمة كان اكبر صالة اقمار بالدولة و حتى بالدول المجاورة و كان بي كل يوم حفلة و رقص و سكر و عربدة و حتى الحكومة متگدر تتدخل بعملهم او حتى تخليهم يعزلون
كانت اكو مطربة عربية شابة اسمها " صبا " تغني بملهى صغير ، بيوم من الايام دخل الخال للـ ملهى هذا و شافها و عجبتة كلش ، طلب من صاحب المكان ان ياخذها وياه للملهى مالتة و اكيد ميگدر يرفض طلب الخال و وافق غصباً عنة
بدت تشتغل بالمكان الجديد و بدة صديق الخال " سعدي " يحبها و يتعلق بيها و الخال هم كان يحبها ، سعدي كان ناوي على الزواج ، الخال بعد ما عرف بهالشي بدة يحفر لشريكه سعدي و بدت صراعات و مشاكل بينهم و بدة الشغل ينهار و صار الخال بدون حتى مكان ينام فيه ، سعدي ترأس المنظمة و بدة بأول شغلة و الي هي تهريب اسلحة لداخل الدولة ، و هنا الخال استغل هالشي و بيوم الي كان سعدي رايح لخطبة صبا
أنت تقرأ
الثامن عشر من ابريل
Short Storyمجرم لا يعرف الرحمة ، لا يملك شيء يفقده يبدأ عالمه الاجرامي بالانتقام من والده العقبات تظهر لتغيير حياته لكن نحو الافضل ام العكس ما هو تاريخ الثامن عشر من إبريل ؟!
