Part11
كم من انسان، استعبده احسان. .
كل هذا التفكير كان في لحظات مابين هذا وهذا
حسيت انو الدنيا صارت تفتر بية ، اكو شي يخترق
جسمي كعدت بالكاع، بعد ماحسيت .
ثورة 25 اكتوبر جانت كلش جبير كلها من اجل العراق ،
بعد ما طلعوا الناس يتظاهرون وهم ايد بأيد و صار
الكل ينادى بصوت واحد ويريدون مصلحة العراق ،
وطبعا هاي الثورة ما كانت سهلة، راحت بيها شباب
بعمر الورود، صفار وكبار الكل كان فداء للعراق،
وصارت ثورة عبارة عن دم، ثورة شهداء، كانت للتاريخ
كانت الثورة تهدف لهدف واحد، و هو ان يكون العراق
افضل ، يكون العراق ضمن البلدان المتقدمة ، و كان
عندنا كل الإمكانيات ، لكن مع الأسف ان الحكومة ما
كانت تهتم بكل هالاشياء ، و لا بخدمة الشعب و
مصيرهم ، كانت فترة سيئة بعد فترة اسوء للنظام البائد
كانت هالحكومة مثل جرعة الأمل للناس ، خاب ظن
الشعب ، و حاول ان يصلح شئ من امره بهذه الثورة
لكن السؤال، هل راح يتغير شي ؟!
ورة ما وكعت بالكاع بعد ما حسيت
بشي ، اسمع صوت
الرصاص الحي، اسمو صوت الناس تصرخ، مجرد
صوت، ما اشوف بعيوني بس غواش، حسيت ان احد
اجة يمي ، ناس تتعدة علية و يصرخون تعالوا نشيله ،
هذا متصوب، الى ان اكو واحد اجة اخذني و صار
يركض بية و يول هذا يمي يمي ..
ما اعرف منو هالشخص ، وصلنا لسيارة بعيدة عن المكان
ضربني ابرة و كان صوت اشخاص هواى ، فقدت الوعي
او تخدرت بسبب هالابرة هاي ..
، ومن فتحت عيوني لكيت نفسي اني بداخل غرفة
اكو الم رهيب بجسمي و اكو الم اقوة بظهري ، مكان
الرصاصة ، كان الم فضيع، نايم على بطني واصرخ من
الألم ، اجو اشخاص للغرفة حاولوا يطلعون الرصاصة
اسمع الدكتور يول للباقين، يحتاجله مستشفى بأسرع
وقت، يردون عليه، منكدر باجر عنده سفر مهم
ضربني ابرة مخدرة و بده يحاول يخرج الرصاصة
فقدت الوعي على كلشي ..
كعدت الصبح مصحصح، اكو الم بس ينحمل ، مو نفس
البارحة، البارحة ؟، صار شد على هذا الموضوع ؟
دايخ بهالموضوع، دخل علية شخص ال ، الحمد لله
على السلامة، درنا نطلع الرصاصة ، و هسه انت
وضعك مستقر، لكن لازم تنتبه على نفسك زين و تتغذة
بشكل صحيح ..
سألته ، اني وين ؟ و منو انتوا ؟ و ليش ساعدتوني و
هلكد مهتمين لأمري ؟
جاوبني بكلمتين ، بأمر الخال إ!
عرفت ان هم من جماعة الخال و هو الي ساعدني ، و
اكيد اني رجعت لبلدي ..
بقيت بهذا المكان لفترة لحد ما صرت احسن وصحتي
صارت زينة ، ويوم من الايام جنت كاعد الصبح ودخل
علية الخال
يضحك و يول الحمد لله على السلامة ابن اختي ،
اني فرحت كلش ، و كأنما اجاني فرج
كتلة ، خال ، اني مليت من هلكعدة هاي ، شوفلي شي
الهي نفسي فيه
رد عليه ببرود، انت مطلوب للدولة لان نفذت مهمة
ابوك، خاف عبالك ان نفذت منها بالعراق ، لكن هنا
عليك إلقاء قبض من قبل كم سنة ، من وقت تنفيذ
جريمتك ، و لتنسى ان انت مطلوب من وقت قتل
ابوك ، و اتهامك لـ ابو زيد ، يعني عليك تهمتين ما
اعتقد تسلم منهم ...
لكن اني عندى مقترح الك ، تشتغل وياى ؟، راح تكون
محصن دائما و ما راح يدر احد يوصلك، بالبداية كنت
رافض الفكرة، لكن من شفت ان ما الي مكان اروح عليه
وافقت، لكن بشرط ان ينفذون علية حكم سجن لحين
اصدار عفو على الخال، يعني انسجن مو الخال افضل مما اكون مطلوب طول عمري ...
الخال ايده واصلة بالحكومة فـ وافق بعد التفكير، و
بعد ايام، صدر علية حكم السجن لمدة 6 سنوات،
دخلت للسجن سنة 2020 الى 2026 تنتهي
محاكمتي ، بهاى الفترة اني انحكمت مع الخال ،
وصارتلي مشاكل هوي بالسجن، ببداية محاكمتي كنت
في زنزانة تختلف عن زنزانة الخال ، كنا كل يوم نتعارك
اني والمساجين ، والشرطة كانت معاملتهم الي كلش
سيئة، ويا كل مشكلة اتصير بالسجن توكو براسي ، الي
وياي بالزنزانة يخافون مني لان دائما من نتعارك اني
اربح ف كنت مسبب عقدة الهم ، لذلك يتهموني بأى
قضية تصير..
كانت قوانين السجن تنص على ان التنضيف و المطبخ
و العمل على المساجين ، و مقابل كل شهر من العمل
تحصل على نقطة تضاف ل حسن السلوك
اني احصل النقاط و من اتعارك بالزنزانة تنمحي مني ،
الخال كان مسيطر على السجن بأكمله، وبدة الخال
يحميني وبعد مصارتلي مشاكل هواي قررت ادارة
السجن ينقلوني لغير زنزانة، واكيد رحت لزنزانة
الخال، بعدها حتى الشرطة الي كانت معاملتهم وياية
سيئة صارت معاملتهم غير شكل ، كامو يوفرولي اي
شي اطلبة
السجن بهاي الفترة صار تحت ايدى و ايد الخال ، كلشي
يصير بأمرنا ، و اني هناك زدت قوة و شخصيتي صارت
اكثر قوة و صلابة ، كان الخال يعلمني على شغله ، يعني
صرت الوريث الشرعي للخال ، اني الي راح ادير كلشي
من بعده ، واكيد راح اصير اقوة من هسه ..
الخال بدة يخليني يده اليمنى، وصار يستشيرني
بكلشي ، و كأني ابنه حتى معاملته الي تختلف عن البقية
وبيوم من الايام كنا نسولف عن ماضي الخال ، ف لي
انت اول شخص اسولف وياه بهالاريحية ، انت مثل
ابني ، ف سألته، عندك ولد؟
الخال صفن وكال ماضيي اسود كلش ، و بدة يسولفلي
عن حياته و شلون بدة بهالعمل هذا...
قضينا سنوات اني والخال سوة، و صرت اعرف
كلشي عن منظمته و عنه وحتى عن العمل ، صرت بير
اسراره، حالي عن كل مخططاته الي يريد يسويها من
يطلع من السجن ...
اجة الوقت الي راح اطلع بيه من السجن ، راح نبدي اني
والخال نشتغل، لكن راح اعيش حياتي مثل باقي
الناس ؟! ، اتزوج و اجيب اطفال ؟ راح احب ؟ راح
التقي بالشخص الي انعجب بيه قريبا ، لكن راح احبه ؟..
أنت تقرأ
الثامن عشر من ابريل
Short Storyمجرم لا يعرف الرحمة ، لا يملك شيء يفقده يبدأ عالمه الاجرامي بالانتقام من والده العقبات تظهر لتغيير حياته لكن نحو الافضل ام العكس ما هو تاريخ الثامن عشر من إبريل ؟!
