Beta Test End | ဘာသာပြန်

Synopsis + Characters Guide

အတိုချုပ်

အိုမယ်ဂါ(omega) အဖြစ် ပြောင်းလဲပါလိမ့်မယ်ဆိုတဲ့ ဆေးစစ်ချက်ကို ယုံပြီး မိဘတွေ စီစဉ်ပေးတဲ့ အင်အားကြီး အာလ်ဖာ(alpha) ချောင်းထယ်ရင်း နှင့် လက်ထပ်ခဲ့သော လူကုံထံမိသားစုမှ အငယ်ဆုံးသားလေး ဂန်ဟယ်အာ။ ဒါပေမယ့် သူဟာ အိုမယ်ဂါအဖြစ် ပြောင်းလဲမသွားဘဲ သူတို့ရဲ့ လက်ထပ်ပွဲဟာ လိမ်ညာလက်ထပ်ခြင်းတစ်ခု ဖြစ်သွားခဲ့သည်။

ထယ်ရင်းရဲ့ rut ကာလအချိန်တိုင်း ဟယ်အာဟာ ဒဏ်ရာတွေရခဲ့ပြီး၊ နိုင်ငံရေး အသိုင်းအဝိုင်းထဲ တိုးဝင်ချင်တာကြောင့် လက်ထပ်ပွဲကို စီစဉ်ခဲ့သည့် ဟယ်အာ​၏ မိသားစုကြောင့် ထယ်ရင်း​၏ မိသားစုသည် ပြိုလဲခဲ့ရသည်။ ဒါတွေကနေ အစပြုလာတဲ့ ထယ်ရင်းရဲ့ ရွံရှာမုန်းတီးမှုတွေနဲ့ အထင်လွဲမှုတွေကြောင့် ဟယ်အာရဲ့ ဘဝဟာ ထယ်ရင်းနှင့် ထပ်တူပင် ဆက်တိုက် ပြိုလဲခဲ့ရသည်။

ငရဲတမျှ ကံဆိုးမိုးမှောင်ကျခဲ့ရတဲ့ ၆နှစ်တာ အိမ်ထောင်ရေးဘဝ...
နာကြည်းမှုတွေရဲ့ ကြိုးထုံးကို ဖြတ်ပစ်ဖို့အတွက် ဟယ်အာဟာ လောကကြီးကနေ ထွက်ခွာဖို့ ဆုံးဖြတ်လိုက်ပါတော့သည်။

[ဂန်ဟယ်အာ သူ့ကိုယ်သူ သတ်သေသွားပြီ.. ဘယ်လိုလုပ်ကြမလဲ]
[ဘာကို ဘယ်လိုလုပ်ရမှာလဲ.. အစကနေ ပြန်စအောင် လုပ်ရမှာပေါ့]

ကံကြမ္မာရဲ့ စနောက်မှုအလားပင် ကြားခဲ့ရတဲ့ အသံတွေအဆုံးမှာ ဟယ်အာဟာ ထယ်ရင်းနှင့် ပထမဆုံး တွေ့ဆုံခဲ့ရတဲ့ blind date နေရာတွင် ပြန်ရောက်နေခဲ့သည်။

"လုပ်ချင်သွားပြီ... ဂန်ဟယ်အာရှီနဲ့ လက်ထပ်ပွဲ"

သေမတတ် ရွံရှာမုန်းတီးခဲ့တဲ့ လက်ထပ်ပွဲကို လုပ်ချင်ပါတယ်ဆိုပြီး ပြောလာတဲ့ လွန်ခဲ့တဲ့ ၆နှစ်က ပုံစံနဲ့ ချောင်းထယ်ရင်း

"..... ပြီးတော့ မင်း ဘယ်တာ(beta) မဟုတ်ဘူး"

သူနဲ့ လက်ထပ်ပွဲကို အိုမယ်ဂါအဖြစ်နဲ့ ဒုတိယအကြိမ်မြောက် ဆင်နွှဲခဲ့ရတဲ့ ဂန်ဟယ်အာရဲ့ ဘဝဇာတ်ကြောင်းတစ်ပုဒ်..
ပြီးတော့... ဂန်ဟယ်အာဟာ.. နည်းနည်းလေး အရူးဆန်သည်။