كل خمس ايام ...
قررت ابلش كل خمس ايام اصوم يوم واحد
صيام الماء
يعني خلال الشهر 30يوم اصوم 6ايام صيام الماء بس متقطع
متئكدة حتسوي نتيجه افضل بعون الله
وصدك اني بلشت برياضة من اول يوم بلتحدي
بلشت اول يوم بس نص ساعه بس رياضه خفيفة
وشوية شوية بلشت ازيد واليوم اني العب ساعه كاملة
ورياضه قوية بس كله كارديو (مثل نط الحبل
+تمارين الجزء العلوي +تمارين الخواصر
والبطن +شناو بس خفيف بعدني مااكدر
+وحتى رقص ) حاولت شكد مااكدر
استمتع واحب الشي الي اسوي علمود ماامل
صدك حتحس نفسك مرتاااح حيل
صح بعد الرياضه اتعب واكوم مابية احرك اصبع
بس شوي اني قبل ماابلش تمارين اشرب كوب
قهوة ساده جديات تنطي طاقه مو طبيعيا
واتمرن بس اخلص تمارين اخذ دوش بماء حاار
كلش يريح الجسم وشي ثاني كلش مهم
لمن تجي تلعب رياضه خليهة بوقت واحد محدده
يوميا
بحيث الجسم يضل يستمر يحرق الدهون
واكو تمارين تضل تحرق الدهون لمده 48ساعه
وبسيط كلش الي هوة الحبل
اي نط الحبل يساعد الجسم بحرق سعرات الحرارية الي بلجسم
وبسرعه خيالية. والله العضيم اني بعمر 19 واني مااعرف
العب حبل ومع العلم اتمنى هل شي بس مااكدر جنت بسبب
جسمي وزني مايساعد اتحرك مو العب نط
وهواية
مرات تعرضت للتنمر بلمدرسة بدرس الرياضه
لمن العب كرت السلة او مسابقات الجري واني
اخر من يوصل
ومرات اوكع مااكمل واسمع الضحكات مال بنات
انو انتي سمينة ليش تلعبين تخسرينة واني ابقه
الدمعه على خدي
واشكال الكلمات سمعت الحد وصل بية انو
تركت دراستي 😢
وانعزلت عن العالم كله والهاذه السبب خلاني
اخذ هل قرار انو اتحدى نفسي واتحدى الكل
انو اني اكدر اتغير
وراح انجح بعون ربي وبس اخلص رحلت التغيير
حكمل دراستي
وامتحن خارجي وادخل جامعه واني شخص جديد كليا
وعندي ثقه بنفسي وانو اني كدرت اصنع شي واتحدى المستحيل
واني حاليا خلال هل تحدي قررت انو مااطلع الي مكان بس للضرورة
ال سببين 2♥
اول سبب /انو اخاف اطلع المكان او عزومة
او حفله واضطر اكسر التحدي مالتي
واخربط لنو راح احس بفشل واني مااريد هل شي ابداا
والسبب الثاني /انو اريد بعد تحدي 100يوم
اطلع واني شخص جديد حتى لو ماوصلت
للوزن الي اني اريده بس اكو تغيير وملحوض همات
مااريد اسمع انو ها اي ضعفانة شوية بعد يرادلج هواي
او ها بلعكس اشو سمنانة. او او او او .......
اكره هل شي 😡👆👆👆
فه الاحسن الية مااطلع حاليا لة لمن اخلص التحدي
ونشاء الله اني كد هل تحدي بعون ربي 💪..
