أسير الانتقام.

الفصل الثامن

في فيلا الحديدي..
خاصة في غرفة نغم..
كان حالها مازال سيئا،وجهها منتفخ من كثرة البكاء،وعيونها حمراء من قلة النوم،وتنظر الي نقطه في الفراغ وشاردة،ليفتح باب غرفتها فجأة ولم تكن سوي رنيم وقالت لها باابتسامه: عندي ليكي حتة مفاجأة!!
نغم: رنيم بالله عليكي اطلعي واقفلي الباب مليش نفس و لامزاج لأي حاجه
رنيم وهي تقترت من فراشها:طيب مش ممكن تغيري رأيك بعد ما تشوفي المفاجأه!!
نغم وقد تبدلت ملامحها من الحزن الي الاهتمام قالت: ايه هيا؟
ليصعد صوت صفير رنيم وهي تنظر ناحية الباب لتدخل منه إسراء وعلي وجهها ابتسامه عريضه تنبعث منها الأمل والتفاؤل قائله: وحشتيني يا نغومتي
نغم وقد تبدلت ملامحها من الاهتمام الي الفرحه وابتسامه اعتلت وجهها فهي تحب إسراء بدرجه قائله وهي تجري علي احضانها:سوسو حبيبتي وحشاني اووي
إسراء وهي تحتضنها: وانتي اكتر يقلب سوسو
رنيم وهي تنظر الي نغم قائله:مش قلتلك مفاجأه و هتعجبك.
قربتها نغم منها واحتضنتها مع إسراء وقالت:ربنا يخليكو ليا،انتو احلي اختين في الدنيا بحالها، لتدخل سمر في هذه اللحظه فقد وصلت هي وخالد منذ دقائق واستقبلتهم كريمه بترحيب كبير ودخلو سويا الي الصالون ثم استئذنت سمر من كريمه لتصعد الي غرفه نغم،وماان دخلت وسمعت جملة نغم الاخيره قالت بمرح: عاااااا خياااناااااه لاااا مش مصدقه
ضحك الجميع عليها وقالت نغم: لا اله الا والله يبنتي انتي واخوكي في مرة هتموتوني مرة هو لما دخل الاوضه فجأه وانتي الوقتي
سمر بضحك: فدااناا
واقتربت من رنيم وقالت وهي تحتضنها: نيمو حبيبي، وحشاني
رنيم: وانتي والله يا سمر، ثم ابتعدت عنها سمر وهي تنظر لإسراء باستغراب: ماتعرفونا يجماعهه
إسراء بابتسامه جميله:انا الدكتوره إسراء صاحبة رنيم ونغم
سمر بضحك وهي تقلد إسراء:وانا الدكتوره سمر صاحبة رنيم ونغم
ضحك الجميع عليها،واقتربت سمر من نغم وقالت:ممكن اعرف بقي الست نغم هانم قافله موبايلها لي
نغم باستفزاز: عادشي
سمر بانفعال: عادي!عادي ازاي يعني وانا من امبارح وانا قلبي واكلني عليكي، و عماله ارن عليكي من لما صحيت و مروحتش الكليه عشان خاطرك رغم ان النهارده كان علينا محاضرة الدكتور المز!!، هقولهالك يانغم لاول مره، فونك لو اتقفل تاني يا نغم هزعل منك والله.
نغم وهي تحتضنها: انا اسفه و الله مش هتتكرر تاني،متزعليش مني
سمر:لا خلاص مش زعلانه خلاص، بس انتي عارفه اني معنديش اخوات بنات واني من ساعة ما بقينا صحاب وانا بعتبرك اختي وبقلق عليكي اوي والله.
نغم وهي تبتعد عن حضنها وهي تقول بمرح: حبيبتي يا سموره يديمك لياا، بس ثواني ثواني ازاي معندكيش اخوات بنات، اومال خالد ده اي!
ضحكت سمر عليها وقالت: يلهوي ده لو سمعك هيموتك ويموتني وراكي
اما رنيم وإسراء فمازالو واقفين ولا يشعر بهم كل من نغم وسمر وهم يتحدثون عن خالد فحمحمت رنيم قائله: احم احم الظاهر انكو نسيتونا،وبعدين خالد مين ده انشالله يست نغم.
نغم بارتباك وتلعثم: خالد!خالد مين؟ انا قلت خالد؟ مين الي قال خالد؟
إسراء بمرح: خلاص بقي يارنيم متكسفيهاش،ثم اكملت موجهة كلامها الي سمر بمرح: الا قوليلي يا بت ياسمر مين الدكتور المز الي كان عليكو؟
سمر في نفسها: ينهاري،يخربيت غبائي ولساني الي موديني في داهيه ده.
سمر وهي تغير مجريٰ الحديث:يلهوي خااالد تحت
نغم باهتمام وفرحه لم تعرف سببها:تحت فين؟
سمر: تحت قاعد مع طنط كريمه،لتقاطعهم رنيم قائله: طب انا هسيبكو مع بعض شوي،ثم اكملت موجه حديثها لإسراء:تعالي معايا يا إسراء عايزين نتكلم مع بعض شوي
إسراء: ماشي،وبالفعل خرجت كل من إسراء ورنيم من غرفه نغم، اما سمر فبعد خروجهم زفرت بارتياح وجلست علي حافة السرير: هووف، يلهوي قلبي وقع في رجلياا.
لتجلس بجوارها نغم وتقول بتأييد: وانا والله،مش عارفه ازاي مخدناش بالنا انهم لسه معانا هنااا في الاوضه
سمر: مش عارفه
لتقول نغم وهي تقوم من مكانها:طيب يختي انا هقوم اخد دش واغير وانزل اشم هوا تحت شويه
سمر بخبث: طب وتشمي هوا تحت لي، ماتشميه من الشباك ده،انهت كلامها وهي تشير بيدها الي الشباك الموجود بالغرفه
نغم بتسبيل: هو في احلي من الهوا الي تحت،ولا جمال الهوي الي تحت! لتفيق نغم الي نفسها واتجهت مسرعه الي خزانتها واخرجت منها ملابسها وجرت مسرعه الي الحمام وتغلق الباب علي نفسه وما ان دخلت حتي استندت بظهرها علي الباب وهي تضع يدها علي قلبها وقالت: اي ده في اي؟ اي الي بيحصللي ده!
اما في الخارج عند سمر فما ان دخلت نغم الي الحمام حتي ضحكت وقالت: خالد في البيت ونغم هناا والاتنين في التسبيل معندهمش يماا ارحميني، ثم أخذت الاحتمالات تدور برأسها وابتسمت بشدة عندما استقرت علي احتمال واحد وقالت: يااه لو الي في بالي ده يحصل ساعتها هبقي اسعد اخت وصاحبه في الدنيا،فما هوا الإحتمال ياتراا؟؟
ـــــــــ ــــــــــــــــــــــ ــــــــــــــــــ