أسير الانتقام.

الفصل العاشر

في شركة الدمنهوري..
خاصة في مكتب يزن..

كان يجلس يزن علي كرسيه وعلي وجهه بعض من علامات التوتر والضيق ويقول في نفسه: يا خالد الكلب يالي قلتلك اتصل عليا وطمنني، ليقطع صوت حديثه مع نفسه عدة طرقات علي الباب ولم تكن صاحبتها الا مريم،لتدخل و هي تقول: يزن بيه في واحد بره باين عليه انه مش مصري عايز يدخل لحضرتك وبيقول انه معاه ميعاد مع حضرتك
يزن باستغراب: حد مش مصري!مين ده؟ ثم اكمل وهي ينظر الي مريم: طيب خليه يدخل، اومأت له مريم لتخرج من المكتب وما هي الا ثوان حد دخل هذا الشخص ويقف امام مكتب يزن قائلا بالأسبانيه:
Como estas Yazan?
" كيف حالك يا يزن"
يزن بصدمة ومفاجأه: معقوله!! أنت!!!
فارس بمرح: ااه يسيدي انا
يزن وهو يقترب ويحتضنه و قال بمرح: طب ما انت لسه بتتكلم مصري اهو اومال كنت بتسلم عليا بالأسباني لي؟
فارس وهو يحتضنه بمرح: الغربة بقي ياابني هعمل اي، واحشني والله يا يزن.
يزن: وانت كمان والله يجدع، ثم نظر الي هيئته من اعلي اسفل وقال بانبهار ومرح: لا بس اسبانيا نضفتك يا اخي والله،ده السكرتيره قالتلي واحد مش مصري عايز يدخللك
فارس بضحك: ايوا اومال ده انا ف أسبانيا من يجي ٥ سنين مش عايزني ابقي شبههم ازاي، المهم انت عامل ايه
يزن: الحمد لله اهو ماشي الحال
فارس: اومال فين الواد خالد، واحشني ابن اللذينه.
يزن: هتصل عليه يجي دلوقتي.
وبالفعل اتجه يزن الي مكتبه وامسك بهاتفهه ليعبث بعدة ازرار ليأتيه صوت خالد قائلا بمرح: حبيبي يا يزونتي، ااه لو تعرف الي انا حاسس بيه.
يزن: عم الحسيس مش قلتلك ابقي طمني، هاا ايه الاخبار؟
خالد: يااخي ده انت فصيل، مفيش حاجه يعم كلو تمام.
يزن: طيب الحمدلله، المهم عايزك تجيلي المكتب عشان في مفاجأه
خالد: ده انا الي محضرلك مفاجأه انما اي عنب يوالدي والله
يزن: طيب يخويا مستنيك ١٠ دقايق والاقيك عندي
خالد: طيب،واغلق يزن الهاتف ليقول فارس بضحك ل يزن:هوا لسه مجنون زي ماهو.
يزن بضحك:يختاااي،هوا ده بيتغير ده بعيد عنك جنانه زاد فارس بضحك: واحشني جناننا ايام الثانويه والجامعه،كل حاجه في مصر وحشاني والله
يزن: هنعوض كل السنين الي بعدنا فيها عن بعض يافارس بس انت متسافرش تاني.
فارس:ربنا يسهل
ـــــــــــــــــــ ـــــــــــــــــــــ ــــــــــ

اما في فيلا الحديدي

تناول الجميع الغداء وذهبو سويا الي غرفة الصالون ويتناولو سويا الشاي في صمت تام،ليقطع هذا الصمت صوت خالد قائلا: يلا بينا يا سمر عشان اوصلك ع البيت قبل ما اروح الشركة.
سمر:لا انا عايزه اقعد مع نغم شوي،انا ملحقتش اقعد معاها ومن لما جينا وانت قاعد معاها في الجنينه،اي بقي عايزه اقعد معاها شوي عشان خاطري ياخالودي
خالد وهو يزفر:طيب بس ما تتأخريش
سمر: طيب،ليذهب خالد باتجاه كريمه ويميل عليها ويمسك بيدها ويقربها من فمه ليقبلها بحنان قائلا: عايزه حاجه يا أمي
كريمه:لا يا ابني عايزه سلامتك
خالد:وانشالله هاجي قريب وهاطلب ايد نغم رسمي
كريمه:الي فيه الخير يقدمه ربنا
ثم وجهه نظره باتجاه رنيم وإسراء قائلا: عن أذنكو
ووجهه نظره مره أخري باتجاه نغم و قال: نغم بعد اذنك ممكن كلمه بره،ثم تركها ليتجه الي الخارج
لتقوم نغم من مكانها و اتجهت الي الخارج لتجد خالد واقف مستندا علي سيارته فاتجهت اليه ووقفت امامه قائله بخجل: نعم
خالد بمرح: لا لا اموت اناا في الكسوف الزايد ده،المهم هاتي فونك
نغم: لي؟
خالد:هسجل رقمي عشان ابقي اكلمك
نغم:لي؟
خالد بضحك:اي يبنتي انتي علقتي ولا ايه
نغم:لا بجد لي
خالد:و الله يبنتي انا ع مستوي نظري يعني ان اي اتنين مخطوبين بياخدو ارقام بعض ولا اي؟
نغم: ايوا بس احنا لسه متخطبناش
خالد:يشيخه عديها الناس لبعضيها،هاتي فونك بقاا، قال جملته تلك ومد يده ساحبا هاتفها من يدها وضغط علي عدة ازرار ليصدع صوت رنين هاتفه،ليقول بمرح: وانا الي كنت فاكرك مش معاكي رصيد،المهم ده رقمي سجليه بقي
نغم:ماشي
خالد بتطفل:هاا هتسجليني اي بقي
نغم بعدم فهم لمقصده: هسجلك اي يعني هسجلك بأسمك
خالد:اسمي!
نغم:ايوا اسمك هسجله خالد اومال هسجله اي؟
خالد: سجليه حبيبي
نغم بصدمة:حبيبي!
خالد:اي معجبتكيش خلاص سجليني روحي
نغم:امشي يا خالد يلا،يلا يحبيبي انت اتأخرت
خالد بضحك:طيب خلاص متزوءيش الله،يلا باي
نغم بابتسامه:باي
وبالفعل ركب خالد سيارته واتجه بها الي شركة الدمنهوري...
اما نغم فاتجهت الي الداخل لتجد الجميع مازال يجلس في الصالون فجلست معهم في صمت تام،ليقطع هذا الصمت قول إسراء و هي تنظر في ساعتها: يانهاار ابيض انا اتأخرت اوي،ثم نظرت الي رنيم قائله: معلش يا نيمو مضطره امشي عشان عندي شغل بالكوم في المصحه
رنيم:ماشي،بس ابقي تعالي
إسراء وهي تقوم مم مكانها:عيوني يانيمو،ثم مدت يدها وأخذت حقيبتها واتجهت لتودع الجميع قائله: يلا يجماعه اشوف وشكو بخير،ثم اتجهت الي خارج الفيلا بأكملها واوقفت تاكسي واملته عنوان المصحه التي تعمل بها.

اما بالداخل فبعد خروج إسراء قامت رنيم من مكانها وهي تمسك بهاتفها قائله: هروح أعمل مكالمه واجي
كريمه:طيب يبنتي،وبعد خروج رنيم من غرفة الصالون نظرت كريمه الي نغم قائله: يلا يست نغم ع المطبخ
نغم:ايه! المطبخ!
كريمه:ايوا مش انتي هتتجوزي يبقي لازم بقي تتعلمي أصول المطبخ من الألف للياء
نغم:لا يا ماما مشيليش هم انا هجيب شغاله
كريمه:نعم!وانتي هترضي تدخلي بيتك واحد غريبه لا تعرفي لا أصلها ولا فصلها ،وجوزك ده هيرضي يأكل من ايد حد تاني غير مراته، لا ينغم احنا مبندخلش شغالين في بيوتنا فاهمه!
نغم بضيق:طيب
لتقول سمر: طنط معاها حق يا نغم، ده غير ان خالد مبيحبش الشغالين ابدا، ثم قالت بمرح:يشيخه ده انا بقوم من النوم الاقيه محضر الفطار الي المفروض انا احضره،ثم قالت موجهة كلامها لكريمه:متقلقيش بقاا يطنط خالد ده احسن من اجدعها شيف
كريمه: ماشي يبنتي،بس بردو لازم تتعلم واكيد اخوكي مش هيفضل طول عمره هوا الي يطبخ.
نغم باقتناع:طيب خلاص هتعلم يستي
كريمه:كويس،يلا بقي اول خطوه غسيل المواعين،يلا انتي وهيا ع المطبخ
نغم وسمر:يلاااهوي
سمر:انا مبكرهش في حياتي قد غسيل المواعين
نغم:طيب ياماما هتعلم الطبيخ عشان اعمل الاكل،غسيل المواعين ده اي،بصي انا هجيب اطباق فويل وناكل فيها وارميهم اول باول
كريمه بعصبيهمن كلام ابنتها: اخرسي يا نغم متعصبنيش بكلامك ده،انا قلت هتتعلمي كل حاجه في المطبخ من الالف للياء،اتفضلي يلا روحي
نغم بضيق:طيب،ثم نظرت لسمر قائله:يلا يست تعالي اعملي معايا ما انتي كمان مصيرك هتتجوزي
سمر بمرح :يا عاالم يستي،انا هااجي بس عشان اسليكي بس مش اكتر ده انا عايزه الي يغسل مواعين بيتنا
نغم:واطيه يبت طول عمرك

ــــــــــــــ ــــــــــــ ــــــــــــــ ــــــــ

في شركة الدمنهوري

بعد وقت ليس بالقليل وصل خالد إلي شركة الدمنهوري وما أن وصل حتي ذهب متجها الي الاسانسير ليضغط علي زر الطابق الموجود به مكتب يزن،وبعد عدة ثوان يفتح باب الأسانسير إلكترونيا و يخرج منه خالد،وما أن خرج حتي ذهب الي مكتب السكرتيرة مريم قائلا:بقولك يا مريم يزن موجود
مريم: ايوا جوا،وو..
خالد باستغراب:وو وايه
مريم بتوتر: بصراحه يفندم مخبيش عليك في واحد جوا شكله مش من مصر قاعد مع يزن بيه بقالو أكتر من ساعه وانا عايزه ادخل اقول ليزن بيه تفاصيل الصفقه الجديده ومش عارفه ادخل ولا اي؟ارجوك يخالد بيه فيدني وقولي اعمل اي!
خالد بضحك:اهدي يخربيتك انتي بالعه راديو،انا هدخل واشوف اي الحكايه
مريم: تمام ماشي،واسفه لو ازعجتك
خالد:لا ولا ازعاج ولا حاجه عن اذنك،وبالفعل اتجه خالد الي مكتب يزن وطرق عليه عدة طرقات ويدخل بعدها وماأن دخل حتي اعتلت الصدمه وجهه وقال بمرح:ابو الفوارس حبيب هارتي عندنا وانا معرفش
قام فارس من مكانه قائلا: يخربيتك يا خالد لسه زي مانت اهبل ومتغيرتش،ثم اتجه اليه يحتضنه،وبادله خالد العناق وقال:واحشني والله يصااحبي
فارس: وانت كمان والله وحشتني اوي
خالد متسائلا:بس انت جيت امت من اسبانيا
فارس: يدوب لسه واصل،واول مكان اروحه بعد ماخرجت من المطار
خالد:نورت الشركة والله يجدع
فارس:منوره بيك انت ويزن
يزن:هاا بقا يخالد اي رأيك في مفاجأتي
خالد وهو يجلس علي الاريكه ويضع رجل علي رجل: حلوه،بس مش هتبقي أحلي من بتاعتي!
يزن وفارس باستغراب:وايه هيا؟
خالد وهو يحمحم ويقول بثقه:هتجوز!!!

#مـريـم نـصـر"العـنـان"