أسير الانتقام.

الفصل السادس

إسراء☝️☝️
ااه ده بقي البارت الملبوس الي كل مااجي اكتبه الفون يهنج😂😂ولما كتبته خرجت م الواتباد من غير ما اعملهsave😂💜

قراءة ممتعه😂💜

ــــــــــــــــــــــــــــــــ
اتجه كريم الي الاسفل،وكان علي وشك ان يخرج من القصر ولكن اوقف صوت ابيه قائلا:رايح فين؟
كريم:خارج
سليم:طبعا رايح تسهر مع صحابك الضايعيين الي زيك
كريم باستفزاز:ااه
سليم:طيب روح اسكر براحتك واخبطلي واحد تاني بالعربيه والله اعلم هلحق انقذك زي المره الي فاتت ولا لاء!
كريم:!!!
سليم:اي نسيت؟نسيت يوم ماكنت راجع سكران وخبطت واحد وموته،نسيت لما جيتلي واترجيتني اسفرك بره قبل مايفتحو تحقيق في الحادثه!
كريم بتبرير:مكنتش في وعيي
سليم وقد اقترب منه وامسكه من ياقته:مكنتش في وعيك،مكنتش في وعيك وتموت شاب زي الورد،مكنتش في وعيك والله اعلم حال اهله عامل ازاي!فوق بقي يااخي حرام عليك،وانهي كلامه بان ضرب كريم كف علي وجهه،ثم دفعه الي خارج القصر قائلا:امشي اطلع برا،اطلع بره ومتورينيش وشك تاني،الا اما حالك يتصلح، ثم سكت واكمل: انت قاتل ومدمن ومريض! امشي وروح اتعالج، ومن النهارده انت ملكش اب لحد ما تبقي بني آدم!او بمعني اصح تبقي راجل! ثم اغلق باب القصر بوجهه وصعد الي غرفته.
اما كريم فكان في حاله سيئه للغايه،ودموعه تهبط بغزاره،ويتردد في أذنه قول ابيه"انت قاتل ومدمن ومريض،روح اتعالج "وتزكر ايضا قول اخيه يزن"انت بني آدم مريض"ليصرخ باعلي صوته صرخه مليئه بالوجع
فاق علي أثرها يزن،حتي خرج من القصر بأكمله وصار يمشي في الطريق بدون وعيي تتجنبه السيارات ودموعه تهبط بغزاره، وظل يمشي في طريق لا يعرفه، أخذته قدماه الي مصحه لعلاج الادمان، وعندما فاق كريم واصبح في وعييه ورأي لافته مكتوب عليها"مصحه الأمل لعلاج الإدمان" قرر ان يدخل الي المصحه كي يصبح كريم آخر وينبهر الجميع بتغييره ويصبح رجلًا مثل ماقال له ابيه،وماأن دخل كريم المصحه حتي انبهر لشدة جمال المكان فقد كان نظيف ومليئ بالورود والأشجار،اقسم كريم علي ان اسم المصحه"الأمل"لم يخلق الا ليكون لهذا المكان الرائع،الذي يشع النور والحياة،اتجهه كريم الي مكتب الإستقبال،واخذ منه استمارة وذهب ليجلس علي الأريكه الموضوعه علي الجانب وأخذ يمليها،وماأن اعطي مكتب الأستقبال الإستماره،حتي امسكت موظفة الأستقبال الهاتف الارضي وضغطت علي بضعت ارقام لتقول:دكتور إسراء في حاله جديده واخذت تقص لها حالته
لتقول اسراء:اوك.خليه يطلع الدور الخامس ويجي علي مكتبي
الموظفه:تمام،ثم نظرت الي كريم وقالت اتفضل اطلع الور الخامس واسأل علي مكتب الدكتوره إسراء هيا منتظراك،واشارت لع علي طريق قائله:الأسانسير من هناا
اومأ لها كريم واتجه الي الاسانسير وضغط علي زر الطابق الخامس وماهي الا ثوان حتي وصل،وماأن وصل حتي اوقف احد الماريين قائلا:لو سمحت فين مكتب الدكتوره إسراء؟
الشخص:خلص الممر ده وهتلاقيه علي ايدك الشمال
كريم:شكرا
الشخص:العفو
وبالفعل اتجه كريم الي ما أشار له الرجل وماأن وصل حتي طرق علي الباب ليأتيه صوت انوثي ناعم شرح صدره يأذن له بالدخول،وماأن دخل حتي انبهر بشده!!؟
ـــــــــــــــ ـــــــــــــــــــ ــــــــــــــــــ
في قصر الدمنهوري...
فاق يزن علي أثر صرخة كريم مفزوعا،وقام من فراشه بسرعة البرق واتجه الي خارج غرفته و ودخل غرفة كريم ولكن لم يجده،فنزل الي الاسفل ولم يجده،وخرج الي حديقة القصر ولكن لم يجده ايضاا،فعاد مره اخري الي داخل القصر ووقف في منتصف ونادي بصوت جهوري ومرتفع جدا:كريييييممم!كريييممم!ولكن دون جدويٰ،فقرر ان يصعد الي غرفة ابيه كي يسأله علي اخيه،وبالفعل اتجه يزن الي غرفة ابيه ودق الباب ولكن لا يأتيه رد،فدخل فجأة،ورأي ابوه جالس الاريكه وبيده مصحفه ودموعه تنهمر علي وجهه فاقترب منه يزن و جلس بجواره،وماأن جلس حتي أغلق سليم المصحف ووضعه علي الكومود،فقال له يزن:بابا في اي؟و فين كريم؟
سليم:!!!
يزن بتكرار:يبابا فين كريم؟وايه الي حصل؟
سليم:طردته!!
يزن بصدمه:ايه!طب لي؟
سليم:عشان يفوق لنفسه،يصحي من البنج الي واخده،يشوف حياته،نفسي اشوفه راجل،نفسي يبقي زيك،عشان لما اموت ابقي متأكد اني سايب في ضهري راجلين،أسدين يشيلو الحمل من بعدي،انا قلتله يروح و يتعالج،وانه مبقاش ليه اب!
يزن:لي يابابا! وانت فاكر انك لما عملت كده هيفوق؟ كريم لو راح واتعالج هيبقي محتاجنا جنبه،محتاج اننا ندعمه،ونعرفه قد أي احنا بنحبه و عايزينه يبقي كويس عشان نفسه مش عشاننا.
سليم باقتناع لما قاله يزن:معاك حق يبني!ياريت كنت موتت قبل ما اعمل كده يا ريتني!
يزن:لا يا بابا متقولش كده بعيد الشر عنك،ربنا يديك طولة العمر،ثم سكت برهة من الوقت وقال:خلاص يا بابا انا هدور عليه وهرجعه وواحده واحده هنخليه يرجع كريم القديم.
سليم:ياارب يبني،ثم اتجه يزن خارج الغرفه ونزل الي الأسفل ودخل حديقة القصر وامسك بهاتفهه وعبث ببعض ازراره ليتصل بكريم ولكن لا يأتيه الرد!
فزفر يزن بصيق وقال:ياتري انت فين ياكريم؟بتتعالج زي مابابا قالك!ولا روحت لصحابك الي اصلا هم السبب في ضياعك!!
ـــــــــــــ ــــــــــــــــ ـــــــــــــــ ـــــــ
في مصحة الأمل..
بعد ما دخل كريم الي مكتب إسراء انبهر بشدة بجمال تلك الحوريه التي تجلس علي المكتب بعيونها الزيتونيه وشعرها البني الممزوج بالأصفر الداكن وبشرتها البيضاء وانفها الحاد وشفتاها الكرزيه الممتلئه،ليقف يتأملها عدة لحظات،ولاحظته إسراء وخجلت لفعلته تلك،فقامت من مكانها ووقفت امامه و قالت:انت بقي كريم الدمنهوري؟
كريم بتحمحم:ايوا انا
اسراء:طب اتفضل اقعد،واشارت له علي الكرسي الموضوع امام المكتب وقالت:اعرفك بنفسي انا الدكتوره إسراء السيد عندي ٢٥ سنه خريجة طب نفسي.
كريم:ايوا بس انا مش جاي عشان طبيب نفسي؟انا جاي عشان اتعالج من....ثم نظر الي الأسفل بإحراج واكمل:من الإدمان.لاحظت إسراء فعلته تلك واتجهت اليه ومدت يدها ورفعت رأسه قائله بمرح:اي يعم انت مصري،لازم دايما رااسك فووق.
ضحك كريم علي جملتها تلك،اما إسراء عجبتها ضحكته الوسيمه وقالت:عرفني علي نفسك بقي
كريم:انا كريم سليم الدمنهوري في كلية التجارة عندي ٢٤ سنه
إسراء بمرح وقد ادعت الحزن:يخساره انا اكبر منك،كنت ناويه ارتبط بيك خصوصا بعد ضحكتك القمر دي
كريم بتساؤل:بس ازاي انتي دكتوره نفسيه وبتشتغلي هنا
إسراء وقد عادت الي مكانها مره اخري وتقول بجد:بص يا كريم المريض المدمن عشان فترة علاجه تتم بنجاج لازم تكون نفسيته فل يعني عشرة علي عشرة،وطبعا دي مسؤليتي انا وكل الدكاتره النفسيين.
كريم بتساؤل:طيب لي مفتحتيش عيادة خاصة بيكي؟
إسراء:بصراحه كانت ظروفي متسمحش،وكمان انا ده كان هدفي اني احسن نفسية الناس،بس مش اي ناس،الناس الي محتاجاني بجد،وعلي مااعتقد المرضي الي هنا هما اكتر ناس محتاجه الدكاتره النفسيين.
كريم باقتناع:معاكي حق،ثم سكت لتقول إسراء بمرح:لو مش عندك اي سؤال تاني ممكن اعرض عليك عرض؟
كريم:اكيد،اتفضلي
مدت له إسراء يدها وقالت: تقبل نبقي صحاب،وابقي الدكتوره الخاصة بيك؟
كريم بفرحه وهو يضع يده في يدها:طبعا،ده شرف لياا
، سحبت إسراء يدها من يده وقالت:تمام اوي كده،من بكره بقي نبدأ نتكلم مع بعض وتحكيلي قصة حياتك من ايااام ما كنت بيبي اوك!
كريم بابتسامه:حاضر،لتكمل إسراء وهي تسحبه من يده وتشده الي الخارج:تعالي بقي انا افرجك علي المكان،و متأكده انه هيعجبك اوي..
اومأ لها كريم وقال في نفسه:بحمدك يارب انك خلتني آجي هنا واشوف واتعرف علي الأنسانه الرائعه دي.
وهنا قرر كريم ان يبذل قصاري جهده لتتم رحلة علاجه،حتي وان لم تكن له،لتكون لهذا الملاك والتي يقصد بها إسراء
ــــــــــــــــــ ــــــــــــــــ ـــــــــــــ
في فيلا الحديدي
خاصة في غرفة نغم..
كاانت تجلس داخل غرفتها علي فراشها وتضم ركبتيها وتبكي بصمت وانهيار وتتزكر أخيها و توأمها وحبيبها الأول إياد،تتزكر لعبهم سويا،ومشاجرتهم الدائمه،تتزكر كيف كانو يذهبون الي مدرستهم وهم ماسكين ايدي بعضهم فكانو حقا مثال يُضرب به في الأخوة،وكيف استلقت خبر وفاته بأن فقدت وعيها ودخلت في صدمة استمرت لشهور،وفي هذه اللحظه تدخل عليها رنيم لتجدها في هذه الحاله فتقترب منها وتجلس بجوارها،وماأن جلست حتي ارتمت نغم في أحضانها تبكي بشدة وتقول من بين شهقاتها:وحشني اوي يا رنيم؟مش قادره اتخيل الطريقه الي ممم....ولم تستطيع نغم ان تكمل جملتها تلك وقالت رنيم وقد هبطت دموعها ايضا فقد كانت إياد بالنسبه لها كإبنها رغم ان الفرق بينهم سنتين فقالت:ربنا يرحمه يا حبيبتي،انا عارفه ان سنين الفراق الي بيننا احنا واياد كانت وحشه اوي وملهاش طعم،بس اوعدك ينغم اني هجيب حقه،وإياد حقه غااالي اوي!
ابتعدت رنيم عن نغم واتجهت الي غرفتها وامسكت بهاتفها وعبثت ببعض ازراره لتتصل بمدحت ويأتيها صوته الناعس قائلا:الو،مين معايا!
رنيم:مين معايا اي!انا رنيم يامدحت
مدحت:معلش يرنيم مشفتش الرقم
رنيم:لا ولا يهمك انا الي غلطانه مكانش ينفع اتصل في وقت زي ده
مدحت:لا ولايهمك،في حاجه ولا اي؟اؤمريني!
رنيم:الأمر لله وحده،انا بس كنت عايزاك تجمعلي كل الي المعلومات الي تخص شركة الدمنهوري ويزن ابنه
مدحت:تحت امرك،بكره الصبح يكونو عندك
رنيم:تمام،واغلقت رنيم الهاتف وهي تنظر الي أمامها وعيونها حمراء ولا توحي بالخير وقالت: نهايتك قربت يا ابن الدمنهوري.!

#مـريـم نصـر"العنـان"