أسير الانتقام.

الفصل الحادي عشر

وحشتوناااااااي😂💜
اولا إن شاء الله هزود الأحداث في الروايه وهطولها شوي وهتبقى دراما بقي مع سيكا مأساة وشر😂💔
ثانيا بقي تفاااااعل  يبشر عشان منتحرش😂💜
يلا اسيبكو تهيصو بقي في البارت😂💜
ـــــــــــــــــ ـــــــــــــــــ ـــــــــــــــــ

افكركو بقي بالاحداث 😂
خالد طلب ايد نغم وهي وافقت.
فارس هو صاحب يزن وخالد من زمان وكان بيدرس في أسبانيا ولسه راجع.
رنيم بتفكر في طريقة تنتقم بيها من يزن، وبتجمع معلومات عنه وعن شركته!
يزن بيجمع معلومات عن رنيم وعيلتها.
كريم اخو يزن بيتعالج في المصحه ومنجذب لإسراء.
سليم ويزن بيدورو علي كريم.
ـــــــــــــــــ ــــــــــــــــــــــــــــــــــ

نبدء بقي البارت.
قراءة ممتعه💕

ــــــــــ ــــــــــــــــــــ ــــــــــــــــــــ

اتجه خالد الي مكتب يزن وطرق عليه عدة طرقات ويدخل بعدها وماأن دخل حتي اعتلت الصدمه وجهه وقال بمرح:ابو الفوارس حبيب هارتي عندنا وانا معرفش
قام فارس من مكانه قائلا: يخربيتك يا خالد لسه زي مانت اهبل ومتغيرتش،ثم اتجه اليه يحتضنه،وبادله خالد العناق وقال:واحشني والله يصااحبي
فارس: وانت كمان والله وحشتني اوي
خالد متسائلا:بس انت جيت امت من اسبانيا
فارس: يدوب لسه واصل،واول مكان اروحه بعد ماخرجت من المطار
خالد:نورت الشركة والله يجدع
فارس:منوره بيك انت ويزن
يزن:هاا بقا يخالد اي رأيك في مفاجأتي
خالد وهو يجلس علي الاريكه ويضع رجل علي رجل: حلوه،بس مش هتبقي أحلي من بتاعتي!
يزن وفارس باستغراب:وايه هيا؟
خالد وهو يحمحم ويقول بثقه:هتجوز!!!
يزن بصدمه:ايه؟ هتت اي يااخوياا!
خالد ببراءة مصطنعه:هتجوز،اي في اي؟
فارس: مبروك يا خالودي
خالد:الله يبارك فيك ياابو الفوارس عقبال مانفرح بيك انت والبأف اللي واقف مسبهل جمبك ده، ثم أدار وجهه الي يزن قائلا:ايه يعم المصدوم مفيش مبروك
يزن:مبروك بس مين اللي امها داعيه عليهاا؟
خالد:مش هتصدق مين
يزن وفارس بفضول:مين؟
خالد بمكر وخبث وكذب:رنيم
يزن وكأن شخص ما قد سكب عليه دلو ماء بارد وقال بصدمة:ايه! رنيم!
خالد وهو مستمر في كذبه: ااه هيا البت زي القمر بصراحه وعجبتني اوي اوي اوي
يزن وقد انفجرت الدماء في عروقه فاتجه بعصبيه الي خالد وامسكه من ياقته وقال بعصبيه:انت اتجننت،اي اللي انت بتقوله ده، ثم لكمه في وجهه لكمة قويه نزف علي أثرها فم خالد واكمل يزن قائلا بعصبيه شديده للغايه: ابعد عنها احسنلك ياا خالد والا ورحمة أمي لمهعرفك تاني،ازاي تتجرء انك تبصلها اصلا وانت عارف اني اني معجب بيهاا! هااا ازااي قدرت؟؟!
فارس بتهدئه: اهدي يا يزن ده سوء تفاهم ومش هتخسرو بعض عشان بنت.
خالد وهو يبعد يد يزن عنه وقد ازرق وجهه من أثر اللكمه،وما أن ابتعد عن يزن خارت قواه ووقع علي الاريكه خلفه قائلا وهو يمسك بخده: اااااه منك للـه ياشيخ، يخربيت ام اللي يفكر انه يهزر معاك ياااخي، و بعدين اي الايد دي،لا لا مش ممكن تكون دي ايد بني آدم،حسبي الله ونعم فيك ياا يزن يا ابن سليم."أحسن تستاهل😂"
يزن بعدم فهم: يعني ايه؟
خالد بتأوهه: يعني كنت بهزر معاك ياا طور يااهايج.
يزن:يعني مش هتتجوز رنيم؟
خالد:لاا
يزن:يعني انت مبصتلهاش ولا أوعجبت بيها؟
خالد:لاا
يزن: اومال اي، انت مش هتتجوز صح؟
خالد:لاا
يزن: هوا اي اللي لا لا انت علقت ولا اي
خالد باستفزاز:لاا
يزن بعصبيه:ماتنطق ياا خالد هوا انا هطلع الكلام منك بالعافيه!
خالد:بص ياسيدي انا هتجوز ااه،إنما هتجوز رنيم لاا
يزن بتساؤل: اومال مين؟
خالد: نغم
يزن:نغم مين،اوعي يكون قصدك اخت رنيم؟
خالد:ايوا ايوا هيا
يزن باستفزاز: ياااه دي فلقة قمر
خالد: ماتحترم نفسك يايزن في اي،متنساش انها هتبقي مراتي يااخي.
يزن:بردلك اللي سيادتك عملتو فياا من شويه
خالد بمرح: لا بس واضح من الشو اللي عملته من شويه عشانها انك واقع واقع يعني
يزن بسخريه: لا وانت الصادق هي مش طايقه تبص في خلقتي اصلا، ده انا ولا اللي قاتللها قتيل.
خالد بمرح: اصبر يجدع بكرة الزبدة من الحر تسيح.
يزن بضحك: ده اي ده انت بقيت تقول اشعار ولا اي
خالد: لا خفيف خفيف،ثم نظر الأثنان الي فارس الذي يقف و يراقبهم بصمت وعلي وجهه ابتسامه خبيثه"عااااا شكلك هتبقي شرير😂💔"
وعندما رآهم فارس ينظرون اليه قال لهم : عطلاق انا ما فاهم حاجه
خالد بمرح:ايوا ايوا اخدت بالي ههههههه انت بقي اللي ينطبق عليه الأطرش في الزفه
يزن: ارجع بيتك بس يا فارس واستريح انت تلاقيك تعباان من السفر ولما نتقابل هنبقي نحكيلك
فارس بطاعة:تمام يا يزن
خالد: طب وانا هرَوّح ازاي بالديكور اللي في خدي ده،ثم وضع يده علي فمه وقال: يختاااااااي دم كمان، اعمل فيك اي منك لله.
يزن بضحك: مانت اللي استفزتني بقاا استحمل،ع العموم هخلي مريم تجيب علبة الاسعافات دلوقتي
خالد:لا يخوياا شكرا مش عايز منك حاجه اديني بس النهارده اجازه وانا هبقي كويس.
يزن:طيب يالاا اتكل علي الله
خالد: ماشي، ثم وجه نظره باتجاه فارس وقال:يلا ياباشا اوصلك في طريقي.
فارس:يلاا،ثم اتجه فارس الي يزن وودعه واتجه ناحية الباب وفتحه وخرج منه ومن ثم تبعه خالد، وبعد خروج فارس وخالد اتجه يزن الي كرسي مكتبه وجلس عليه واراح راسه الي الخلف وقال في نفسه: ايه رجعك بس يا فارس؟ كنت قربت أنسي خلااص؟ لي رجعت وفكرتني باللي حصل!