أسير الانتقام.

الفصل الثاني

دخل يزن وابوه الي المكتب واعتلت الصدمة وجوههم، فقد رأو خالد خالع الجاكيت الخاص به ويرقد بأريحيه علي الأريكه القريبه من المكتب ويمسك بهاتفهه المحمول بالعرض ويقول بصوت مرتفع: يجدعاان نزلوناا بوشينكي هااا
اقترب منه يزن لينظر ماذا يفعل ومع من يتحدث ليجده يلعب ببجي، ثم يتحرك ويقف امامه ويشده من ياقة قميصه قائلا: بتعمل اي يااض، وايه مرقدك كده زي الحوامل.
خالد بمرح: فينك يايزونتي، برن عليك من الفجر يراجل مبتردش لي
يزن: كنت نايم، وكنت بترن لي ف وقت زي ده
خالد بمرح: أبدا والله، انا كنت فاضي فقلت ارن عليك تفتح وتلعب ببجي معايا عشان محدش كان بيلعب.
يزن بصدمة:بترن عليا الفجر عشان العب معاك ببجي،ثم أكمل وهو ينظر لأبوه هوا ده الي كنت فاكره بيرن عليا عشان الشغل.
سليم بضحك:والله يبني صحبك ده مجنون
خالد بضحك وهو يقترب من سليم:لي كده بس يااسولوم كل ده عشان كنت عايز العب مع ابنك البومه ده.
سليم بضحك:سولوم مره واحده،طيب ياايزونتي انت وخالودي انا رايح مكتبي،ثم تركهم وخرج من المكتب.
يزن بمرح:الله يخربيتك،ابقي انا يزن الدمنهوري علي اخر الزمن ابقي يزونتي،لا وكمان مسبتش ابويا فحاله عديته،ثم أكمل وهوا يشير بأصبعه يمينا ويسارا:لا لا انت متقربش من حد من عيلتي تاني انت بقيت خطر يبني،وعلي ذكر عائلته تذكر يزن اخاه كريم و انقلبت ملامح وجهه مائه وثمانون درجه،ولاحظه خالد متسائلا:مالك يايزن اي حصل؟
يزن:ابدا مفيش
خالد:هتخبي علياا بردو،ياراجل احكي بلاش كلام فارغ
واخذ يزن يقص لخالد ماحدث بين كريم وابوه،مماجعل حال خالد من حال يزن.
خالد:طب والعمل،اخوك لو فضل كده هيضيع يايزن!
يزن:هوا كده كده ضاع،المشكله اني وعدت بابا اني هخليه كريم تاني خالص،ومش عارف ابدأمنين.
خالد  بمرح:بص ياابني انا مضطر اتكرم عليك واديك حل من حلول خالد الفعاله
يزن وهويرفع جنب شفته العليا:واي هوا يا دنجوان عصرك وزمانك
خالد بثقه:جوزوه
يزن بعصبيه وهو يمسك بأحد الملفات ويلقيها علي خالد:امشي اطلع برا يخالد ومشوفش وشك النهارده خاالص
خالد:يبني والله بتكلم جد
يزن بسخريه:بقولك مش عارف يشيل مسؤلية نفسه يبقي هيعرف يشيل مسؤلية حد تاني
خالد:بس دي هتبقي مراته
يزن:لا ياخالد انا مقدرش اخد واحده من أهلها واديها لاخويا وتشيل هيا همه،والله اعلم هوا هيعاملها ازاي، ثم سكت ليكمل:دي مش بعيد تموت ناقصه عمر.
خالد:خلاص يبني قفلتني من ام ده حل،ثم سكت ليقول مره اخري:خدو منه العربيه والمصروف
يزن:يبني انا مش قلتلك اطلع بره ومتورينيش وشك النهارده خاالص
خالد بدلع:وأهون عليك يا يزونتي.
يزن بضحك:انا هموت واعرف هما بتوع الكليه ادوك بكالريوس الهندسه ازاي
خالد بتريقه:زي مانت خدتو يعم الخفيف
يزن:يبني غور من وشي بقي قرفت امي
خالد:مااشي يسطاا بس خليك فاكرهاا،ثم خرج من المكتب واغلق الباب خلفه.
يزن بعد خروج خالد:ياانهار اسود،يزونتي ويسطاا،عليه العوض في الواد،الواد بااظ
اما خالد بعد خروجه من مكتب يزن امسك بهاتفهه ثم يبحث عن رقم شخص ما:اما اشوف الزفتهه دي هتخلص محاضرتها امت،ليأتيه الرد من فتاه:الو
خالد:يااه الي يشوفك برقتك في الفون دي ميشوفكيش وانتي صاحيه من النوم وشعرك منكوش وبتبقي عامله زي امنا الغوله.
سمر:عم الخفيف اخلص عايز اي عشان في السكشن
خالد:الحق عليا يختي بطمن عليكي، الا صحيح قوليلي انتي في سكشن اي؟
سمر:تشريح يخاالد،عقبالك يخاالودي
خالد:كفالله الشر يخربيتك اومال لو مكنتش أخوكي
سمر:يخااالد هتطرررررردددد،اخلص عايز اي
خالد:احسن،هتخلصي امت يبت
سمر:ع الساعه٢ كده،سلام بقي ده انت رغااي
خالد:طيب هبقي اجي اخدك، سلام يزفته.
ــــــــــــــــــــــــــــــــــــــــــــــــــــ
الساعه ١:٣٠
في كلية الصيدله..
تخرج نغم وبجانبها رفيقتها سمر"ستووووب. سمر الدسوقي، اخت خالد الدسوقي، ورفيقة نغم، تتميز بشعرها النحاسي وبشرتها القمحيه وعيونها البنيه، وجسدها المتناسق مع طولها المتوسط، فهي حقا جميله"
تسير نغم بجانب سمر وتقول: يااساتر عليه ده سيكشن
سمر: ولا الدكتور وتقل دم امه ثقيييييل
نغم: ربنا يتووب علينا من ام دي كليه
سمر: هانت يختي
نغم: طب انا هاخرج استني رنيم عشان جايه تاخدني
سمر: وانا كمان بردو خالد جاي ياخدني
نغم وهي تغمز لسمر: طب اي بقي؟
سمر بعدم فهم: اي اي!
نغم بغمزه: مش ناويه تعرفيني علي اخوكي،يمكن ربنا يوفق،ويابخت من وفق راسين في الحلال
سمر بضحك:طب يلا اختي نطلع نستني بره،بدل مانتشحور.
نغم بضحك:توهي يختي توهي،ليسير الاثنين الي الخارج،ولكن فجأه هبت سمر واقفه وتقول:اوباااا
نغم باستغراب:اي يبت في اي
سمر:نسيت ادوات التشريح جوا
نغم:طب يلا يختي روحي هاتيها وانا هسبقك علي برا
سمر:ماشي ولو خالد اخويا جه ابقي قوليلو دخلت تجيب حاجتها
نغم:طب ده ع اساس اني اعرف شكله اي،طيب يختي روحي متتأخريش
سمر:طيب
وصل خالد الي مقر جامعه اخته ونزل من سيارته،ولكنه لم يراها،فكان في طريقه للدخول الي الجامعه ولكنه وقف حينما رأي فتاه شديده الجمال،وتعنفه
نغم:انت غبي يعم انت ماتبص قدامك
خالد:اي في اي؟
نغم بعصبيه:يعني انت مش شايف
خالد ببرود:شايف اي؟
نغم وهي تشير الي اسفل علي قدميها:دوستلي ع الكوتش الأبيض بتاعي،اعمل فيك اي بقي؟
خالد بتريقه:لا يشيخه
نغم بتصديق:ااه والله بص،وسخته خاالص اهو
خالد:بت انتي مش ناقصه هبلك،اومال لو مكانش حتة كوتش.
نغم بدموع:بس انا بحب الكوتش ده،اكتر واحد بيريحني وبيطولني كمان.
خالد بضحك:يااه وانا الي فاكرك طويله ربااني،طلعتي اوزعه،وهنا جاءت سمر من الداخل لتري خالد يقف مع نغم لتسرع اليهم قائله:اي ده انتو اتعرفتو ولااي!
ولكنها صدمت عندما رأت نغم وعينها حمراء وممتلئه بالدموع لتقول بسرعه:نغم في اي؟مالك!ولكن لم تجيبها نغم لترتمي بحضن سمر وتجهش في البكاء،رق قلب خالد لها،وحينها نظرت سمر الي خالد وقالت:في اي يخالد؟
خالد:ابدا والله يبنتي،انا دوست علي الكوتش بتاعها من غيرمااقصد بس هوا ده كل الي حصل،لتخرج نغم من حضن سمر وهي تقول:كداب وقولتلي يااوزعه واتريقت علياا
خالد بضحك:خلاص يستي انا اسف،تسمحيلي بقي اوصلك معانا بالمره بدل ماحد يجي يدوسلك علي الكوتش تاني.
نغم بضحك:لا انا اختي جيالي
خالد طب خلي بالك من نفسك يا...قولتي اسمك اي؟
نغم:اسمي نغم.
خالد بابتسامه:فرصه سعيده ياانسه نغم واتمني اشوفك مره تانيه بس بالله عليكي متكونيش لابسه كوتش ابيض.
نغم:انا أسعد،لا خلاص حرمت هلبس شبشب بعد كده.
سمر مقاطعه:احم احم،طب يلا يااخالودي
خالد:طيب هروح اشغل العربيه علي ماتيجي
سمر:طيب،ثم اتجهت الي نغم قائله:يلا يانغومتي اشوفك بكره
نغم وهي تقترب منها:انتي يبت انتي مقولتليش لي ان اخوكي مز كده
سمر:مجاتش فرصه يااوختشي والله،ليأتيها صوت خالد قائلا:يلا ياسمر
سمر لنغم وهي تقبلها من خدودها:باي يقلبي،وااه خدودك حلوه اوي يبت
نغم:باي يختي.
نغم بعد رحيل سمر:وهي تتذكر قول اختهالها"خدودك بقت مخدات"يوووه هوا انتو مالكو ومال خدودي بس.
وبعد وقت قليل وصلت سيارة رنيم إلي جامعه نغم لتراها تقف وتنتظرها وتشير لها بالركوب،لتدخل نغم السياره وتقول:فاتك يبت يا نيموو تشريح حتة ضفدع.
رنيم  بقرف وهي تُدير سيارتها:كتك سد نفسك.
نغم بضحك:راوحيني بسرعاااه همووووت من الجوووع
رنيم بضحك:مفجوعه من يومك.
وبعد وقت ليس بكثير وصلت كل من رنيم ونغم الي فيلتهم،لتنزل نغم مسرعة الي الداخل وتقول بصوت عالي:كوكي ياكوكي ياكريمااااه فين الطفح
كريمه وهي تخرج من المطبخ:ادي اخرة تربيتي فيكي،الطفح جاهز اطلعي غيري  هدومك علي ما احطه علي السفره
نغم بتناكه:طيب،وياريت بقي متنسيش السلطات
كريمه امشي يبت من هنا
لتقترب نغم منها قائله:الاصحيح ياماما انتي عاملالنا اكل اي
كريمه:دلوقتي بقيت ماما،ع العموم يستي عملتلكو صينيه مكرونه بالبشاميل اي عسللل
نغم بفرح:اللللهه عليكي ياافخر الأمهاااات،ثم جرت مسرعه علي السلم لتغير ملابسها،لتدخل رنيم في هذه اللحظه قائله:براحه يانغم لتوقعي.
ليأتيها صوت امها بابتسامه:عمرها هتوقع وعندها اخت زيك،لتقترب رنيم منها قائله:ربنا يخليكو لياا
كريمه:ياارب،يلا انتي كمان اطلعي غيري هدومك
رنيم بطاعه:حاضر.
ــــــــــــــــــــــــــــــــــــــــــــــــــ
الساعه الثامنه مساءً
في قصر الدمنهوري
كان يزن جالس في غرفته ويمسك بهاتفهه ويلعب ببجي مع خالد ويقول له:خالد وحيااة امك اديني طلق ٥
خالد باستفزاز:لا مش هديك
يزن:يلا وهديك هيلث
خالد بمرح:اذاكان كده ماشي خد يعم الطلق اهو مش خساره فيك.
يزن بمرح:هوا ده العشم يصاحبي،نردهالك في الافراح انشالله
خالد بضحك:خلاص يعم بقي انت هتشحت.
ليقطع حديثهما دخول سليم غرفة يزن قائلا:يزن جهز نفسك انت وخالد رايحين بكره حفله الاسيوطي عاملها عشان هيمضي عقد جديد.
يزن بطاعة:حاضر يابابا.
سليم:ابقي قول لخالد بقي
يزن:ماشي،ليخرج سليم من غرفة يزن،اما يزن وخالد فمازالا يلعبان
يزن:واد ياخاالد
خالد:ايش
يزن:جهز نفسك عشان رايحين حفله بكره
خالد:حافلة اي دي
يزن:حفله عاملها الاسيوطي صاحب ابويا عشان هيوقع عقد جديد
خالد:وانا مالي يلمبي
يزن:هوا مش انت بتشتغل معايا في الشركة ولا اي،هوا الراجل عازم مسؤلين الشركة الي هما انا وانت وبابا.
خالد:طب والحفله دي نظامها اي،ناشفه ولا هتبقي مليانه مزز.
يزن:بكره تشوف
خالد:طيب هقفل انا بقي عشان هنام
يزن:طيب يخويا سلام
خالد:سلام،وما ان اغلق خالد اللعبه حتي دخل الي الحمام وبعد وقت قليل خرج ورقد في فراشه وأتي بباله هيئة نغم وهي تبكي،ولكنه لم يعرف سبب مجيئها في باله ولماذا يندم علي أذيتها بالكلام؟؟؟فما رأي القدر بهذه الأسئله

ـــــــــــــــــــــــــــــــــــــــــــــــــــــ
اما في فيلة الحديدي فبعد ان انتهو من الطعام ذهب كل منهم الي غرفته...
في غرفة رنيم..
كانت تجلس وعلي قدمها لاب توب حديث وتعمل بجد وتركيز،حتي انقطع تركيزها عندما تزكرت شخص ما قائله:اوباااا ازاي نسيييتت!!!!

#مـريـم نصـر"العنـان"