خَبْئني خَلف أجْنحتِك

6

يامرحبا❤️

حمسوني بتفاعلكم ادلعكم ببارتات🤍!

الكومنت ؛ 100 بارت جديد

~

~

~

شديت على يدي وحسيت بأعصابي برزت وانا اسمع الصوت
غمضت عيوني من رجع الصوت اللي زادت دقات قلبي من
سمعته اول مره

بلعت ريقي وداخلي عتب وفي حلقي غصه اليمه
همست:الو

رد علي بصوت واثق
:الو اخوي من انت

"من انا"؟ هالسؤال تردد ببالي من انا يسأل بعد وش اقولك
عشان تعرف

"انا ولدكم اللي رميتوه وتركتوه مهجور وعنده عايله لها صيتها
بالمدينه انا اللي تجرعت الظُلمه والقهر والوجع واليتم واهلي
عايشين ومبسوطين"

قلت بصوت جريح ماسك نفسي لا انهار
:انا نمار

"ليييش ليش قلت نمار ليش م ليث ليييش"

شويه ورد عليه
:اهلاً اخوي نمار اقدر اخدمك بشي

استغربت انه ماقال من وين لك الرقم بس
قلت:انا الصراحه ابي خدمه منك ودلوني اصحاب الخير عليك

رد عليه بهدوء بس انا حسيت بكمية استفزاز من كلامه
:ولو تكرم انا بالخدمه اي شي تبيه تفضل

غمضت عيوني وقلت من بين اسناني
:ماينفع بالجوال والله

سكت شوي كأنه يراجع اعماله لليوم من ثم
رد:دام كذا مرني على شركتي بكرا الصباح الساعه 10
انا بأنتظارك بترك اسمك عند السكرتيره

قفلت منه بدون لا ازيد الكلام معه وانا حسيت الاكسجين انقطع
من حواليني وقفت تحت استغراب ريان وركضت للنافذه

فتحتها وانا اتنفس بسرعه وكلامه يتردد ببالي والغصه ببلعومي
"احتاج خدمه منك؟ اي شي ابيه بتساعدني فيه ولا كأنكم اذنبتوا
بحقي ولا كأنكم ارتكبتوا جنايه بحقي ياكبر ذنبكم"

لفيت وسندت ظهري بالجدار وانا احس بالانهاك بسبب اللي صار
قبل شوي وهذا ببدايته بس!

حطيت يديني على راسي ودخلت بدوامة تفكير متجاهل كل شي
حواليني حتى رايان اللي يهزني يحاول يفهم ايش صار

حركة ريان نرفزتني بس بنفس الوقت ماحسيت انه غلطان ولا
بحقي ازعل عليه لانه يسوي اللي يشوفه مصلحتي حتى لو
كان غلط هو يشوفه صح

اللي ازعل عليه هو من تركني خلفه وراح عاش حياته بعيد عني
وعانيت بسببه

وقفت بدون لا اعطي ريان تفسير
وقلت:انا بنام لاني هلكت اليوم لا تزعجني

سكت ريان وانا دخلت للغرفه وقفلت الباب بالمفتاح لاني ادري به
هالنتفه بيجي وانا م حاس وبيتزلق بحضني