خَبْئني خَلف أجْنحتِك

27

تجاهلوا الاخطاء 🙇🏻‍♂️

الكومنت ؛ 150 بارت جديد 🤍!

~

~

~

هالفرحه اللي جمعتنا كانت تنقصها الخبل تميم ماجا معنا
عشانه المشرف على المصرفين وشايف نفسه بعد

حشى رئيس مترشح عندنا بالبيت

ناظرت ريان المتغلي علينا يرسم بالورقه ولا كأنه اللي عفسنا
قبل كم دقيقه

' ههههههههههههههههه ' احبه لما يتغلى ويشوف نفسه اخر حبه

لفيت اناظر أيسم اللي طلع من غرفة امه وشاركنا الجلسه ويناظر
الجدار بدون هدف والاكيد انه يتذكر امه

ابتسمت وانا اتأمله واحسده بنفس الوقت عنده ذكريات تجمعه
هو وامه ويتذكرها دايماً عكسي الا م اعرف عنها شي غير اسمها
وحياتها اللي عانتها مع ابوي

غمضت عيوني من حسيت بشوي خمول وجسمي استرخى على
الكنبه الطويله وماحسيت بنفسي الا وانا نايم

م حسيت كم وقت نمت الا بيد تمسح على راسي فتحت عيوني
اناظر وين انا فزيت ولفيت على يد الشخص وكان ابو أيسم!!!

بلعت ريقي بحرج وجلست بدون كلام وهو
قال:ماعليك خذ راحتك

سكت ماتكلمت وانا الصراحه خفت من تصرفه اللي اشوفه ماله
داعي ومابينا معرفه حتى يسوي كذا؟

قال بهدوء
:معك حق تتصرف كذا بس اعذرني ياولدي يوم شفتك ذكرتني فيها

انصدمت من جملته والتفت له وانا ارمش
وقلت:اذكرك فيها؟

قال وعينه بالارض
:ايه غيداء الله يرحمها

تنحت فيها لوقت اشبه بالطويل
وقلت:وش وش عرفك فيها

ناظرني مستغرب
وقال:بنت عمي تكون

بللت شفايفي وانا اناظره بعدم تصديق
ونطقت:غيداء تكون امي

لف عليه وهو يحاول يستوعب كلامي اللي رميته عليه
وقال:ولدها؟ غيداء انجبت ولد عايش؟؟؟

قلت برجفه
:ايه ايه وانا ولدها

نزل عينه عني وكأنه يحاول يستوعب كلامي اللي ارتمى عليه
وقال:بس ليش غسان كذب وقال ولدها مات

قلت وانا احاول اتحمل الضغظ
:عشان ينتقم من ابوي

تنهد ابو أيسم وارخى جسده على الكنبه
وقال:غسان وغيداء هم عيال عمي الله يرحمه لما جاني الخبر
كنت في جده وشغلي كان هناك ولما وصلت للشرقيه كان
غسان مسوي العزا بالبيت