خَبْئني خَلف أجْنحتِك

11

الكومنت ؛ 120 بارت جديد🤍!

~

~

~

بعد مرور وقت من هالاحداث...

ابتسمت لحلطمته كل شوي
وقلت:خلاص ابتهج باقي لك ثلاث سنين وتخلص

ناظرني بتكشيره وتأفأف
قلت:إن لله ريان مايصير كذا لازم تدرس هذي دراسه وبتنفعك
بالمستقبل عشان كذا شد حيلك

اخذ شنطته من السياره ولف علي وكتب
"بترجع لي اذا خلصت"

هزيت راسي بإيه
وقلت:ايه واذا طولت بيجيك تميم

الواضح ماعجبه كلامي وطلع من السياره وانا اتبعه بعيوني
لين دخل المدرسه وكملت طريقي

بتتساءلون من وين لي السياره طبعاً من التميم تكون سيارته
عرف اني بحاجه لوسيلة نقل قالي ادبر نفسي فيها وهو معه
سيارتهم القديمه والصرحه خجلت من كرمه هو وابوه

طبعاً مانسيت موعدنا انا واللي كلمني بالامس واحس من هاللقاء
بتوتر فضيع وخوف مدري ليش

اكيد ماراح ادخل عليه واقول انا ولدكم ماني بالغباء هذا بس
على شوي شوي راح اطبخها على نار هاديه

اخذت العنوان من الرساله اللي جاتني من صاحب الرقم
اللي اتصل عليه ريان عرفتوه!

كم دقيقه كانت مثل الدهر بالنسبه لي وانا احاول انسق الكلام
اللي بقوله لما اقابل اي شخص فيهم

شركه وحده بتجمع عايلتي كلها فيكم تفكرون كم من اهلي
م اعرف من هم اخواني ومن هو ابوي مستوعبين؟؟

وقفت بعد مده وكان موقفي بعيد شوي من الشركه بسبب زحمة
السيارات في المواقف

ضحكت وانا انزل من السياره
:والله عايشين ومرتاحين

غمضت عيوني واخذت نفس والحقد داخلي يزداد كل م اعرف
تفصيله صغيره عن هالعايله الزباله تزداد ناري!

مشيت بخطوات هاديه وعيني تتأمل كبر الشركه ونواحيها
ولفت انتباهي على اسم الشركه "الفرع" يعني فيه
افرع غير هالمبنى

تقدمت للاستقبال ووقفت عنده
:لوسمحت انا عندي مقابله مع المدير

هز راسه الموظف وناظر الحاسب
وقال:مع المدير الرئيسي ولا مدير الماليه

على طول فكرت انه ممكن يكون المدير دامه اختار وقت محدد
بدون لا يذكر له ايش مكتبه بهالمكان

قلت بثقه
:مع المدير الرئيسي وتقدر تتصل فيه وتأكدت له

ناظرني بغرابه من ثبوتي وثقتي
وقال:استريح وشوي بتدخل عليه